John 9:17 - Sa Ugud Apudyus

¹⁷ Pun ḵasin da Pharisee nan-imus atte laḻaḵi woḵ ḵananda, “Ḵad nu diniyat Jesus da atam, ngai ḵanam si mipanggob ḵan siya?” Ḵanana, “Siya profeta.”

John 9:17 ပူးပေါင်းရင်းမြစ်များ

Matthew 21:11

Ḵanan da tagu we nibuḻun ḵan Jesus, “Siya'ḵ Jesus we profeta we iNazareth si probinsiya'd Galilee.”

Luke 24:19

Ḵanan Jesus, “Ngai ḵad ain da naḵwa?” Summongbatda woḵ ḵananda, “Da naḵwa ḵan Jesus we iNazareth. Siya imbelang Apudyus aḵ profetana ya ḵanan da tagu we siya bos maḵabooḻe angituttudu ya angwa'tta nakaskasdaaw.

John 4:19

Ḵanan ni bubai, “Apu, igammuḵe profetaḵa.

John 6:14

Innilan ḵad da amode tagu da nakaskasdaawe sinyale ḵingwan Jesus ḵananda, “Sana pagay tuttuwae profeta we inkarin Apudyus we umali si annae lubung.”

John 9:15

Pun inimus da Pharisee nu ngai naḵwa ḵan siyae naḵaila. Ḵananae summongbat, “Impeḵlana'tta ataḵ tinamaynae gabu woḵ dinaḻ-upaḵ. Pun naḵailaaḵ.”

Acts 10:38

Igammuyu we dinutuḵan Apudyus aḵ Jesus we iNazareth ya innatodna Ispiritu Santu ya sa ḵabooḻana ta dinumane ayana, ḵoona da ambaḻu ya ḵinaanna da ampaḵaḻaman da nampaḵapaḵaḻamon Satan te anna'ḵ Apudyus ḵan siya.

Acts 2:22

Pinagatupan Peter woḵ ḵanana, “Susunude ganaḵ Israel, dongngonyu annae ibagaḵ ḵan diḵayu. Aḵ Jesus we iNazareth, pinanoḵnoḵan Apudyus ḵan diḵayu we imbuunna mipagapu'tta nakaskasdaaw ya da sinyale ḵingwan Apudyus ḵan diḵayu mipagapu ḵan siyae iniiggammuyu.