John 8:55 - Sa Ugud Apudyus

⁵⁵ Ippun igammuyu ḵan siya. Yaḵon igammuḵ. Nu ḵanaḵe naippun igammuḵ ḵan siya, tuliyanaḵe isuyu. Yaḵon tuttuwae igammuḵ ya tuttuwaoḵ da ugudona.

John 8:55 ပူးပေါင်းရင်းမြစ်များ

Matthew 11:27

Pun ḵanan Jesus atta tagu, “Innatod Amaḵ we Apudyus ḵan saḵon da losane ḵabooḻan ḵan laing. Iniiggammuna saḵon ya naippun udum aḵ nangigammu ḵan saḵon. Ḵaḵna bos aḵ Amaḵ we naippun angigammu ḵan siya malaksid ḵan saḵon ya da ngaimane tagu we pioḵ angipaigammuwan.”

Luke 10:22

Pun ḵanan Jesus atta tagu, “Innatod Amaḵ we Apudyus ḵan saḵon da losane ḵabooḻan ḵan ḵinalaing. Iniiggammuna saḵone Abengna ya naippun udum aḵ nangigammu ḵan saḵon. Ḵaḵna bos aḵ Amaḵ. Naippun angigammu ḵan siya, abusaḵ ya da ngaimane tagu we pioḵe angipaigammuwan.”

John 1:18

Naippun tagu'ḵ nangila ḵan Apudyus yaḵon aḵ Jesu Kristu we os-ossaane Abengna we mibuḻubuḻun ḵan Amana, siyae mismu nangipaigammu ḵan siya.

John 10:15

Igammun Amaḵ saḵon ḵad igammuḵ os aḵ Amaḵ. Ḵad naḵasaganaaḵe angitod atte long-agḵu'ḵ matoy gapu'tta karneroḵ.

John 15:10

Nu tuttuwaonyu da bilinḵu ya iinggaw ḵayu si ayatḵu, isun ni nanuttuwaaḵ atta bilin Amaḵ ya iinggawaḵ si ayatna.

John 15:21

Yaḵon ḵoonda da anna ḵan diḵayu gapu ḵan saḵon te naippun igammuda si nangibuun ḵan saḵon.

John 16:3

Ḵoonda ḵaḵna ḵan diḵayu te adidapun inigammu'ḵ Amaḵ baḵon nu saḵon.”

John 17:25

“Naun-unane Ama, da tagu we adipun namati adidapun inigammu siḵa yaḵon inigammuḵ siḵa ya da disipuluḵ igammudae siḵa nangibuun ḵan saḵon.

John 6:46

Daḵampun aḵ piona ḵanane awad nangila ḵan Apudyus, malaksid ḵan saḵone naḻpu ḵan siya.

John 8:19

Pun ḵanandae nan-imus, “Dinu ḵad ain aḵ Amam?” Ḵanan Jesus, “Naippun igammuyu ḵan saḵon baḵon nu aḵ Amaḵ. Nu igammuyu oḵyan saḵon, igammuyu bos aḵ Amaḵ.”

John 8:29

Sa nangibuun ḵan saḵon, anna ḵan saḵon. Adinapun saḵon iwwaḻang te pasige ḵooḵ da mas-omana.”

John 8:44

Iissuyuḵ amayu we Satan. Ḵad siya pionyu ḵoon da pion ni amayu. Pumappatoy si inggan ni lapuna ḵad ippun ḵoona'ḵ ḵatuttuwaan te naippun ḵatuttuwaan ḵan siya. Nu antultulli, siya ugalina te tuliyan ya maḻpuwan da tuli.

John 8:51

Ibagaḵ ḵan diḵayu ḵatuttuwaan, ngaimane anuttuwa'tta ugudḵu, adipun matoy.”

John 8:52

Ḵanan da Judyu, “Sinsadi inigammuni ye naaḻananḵa! Aḵ Abraham ya da profetan Apudyus natoyda! Ḵad ibagame ngaimane anuttuwa'tta ugudnu, adipun matoy.

Acts 17:23

te nanggaḵayaḵ ḵad atte siyudad, innilaḵ da lugar we andaydayawanyu'tta adu we sinan-apudyus. Indasaḵ os altar we nagiliyan atte ḵaḵnae ugude ḵanana, ‘Para si apudyus we ippun angigammu.’ Sa sanate daydayawonyu we taḵon ay ippun igammuyu, siya sanae ipaigammuḵ ḵan diḵayu.

2 Corinthians 4:6

Te aḵ Apudyus nangibaga ḵanane, “Awad oḵyan padda” ta papaddaona anggiḵbot. Siya bos amapadda'tte somsomoḵni ta igammuwonni dayaw ḵan ḵabooḻan Apudyus we maila ḵan Kristu.

1 John 1:6

Pun nu ḵanan taḵu we maḵabuḻbuḻun taḵu ḵan siya yaḵon sissiyae matagu taḵu'tte giḵbot, antultulli taḵu te aditaḵupun ḵoon ḵatuttuwaane pinion Apudyus.

1 John 2:22

Ngai ḵad ain tuliyan nu adi sa angibagae aḵ Jesus daḵampun aḵ siya Kristu we imbuun Apudyus? Sa tagu we angibaga'tte ḵaḵna, sullagiyona'ḵ Kristu. Adinapun bigbigon Abeng Apudyus ya aḵ Apudyus we Ama.

1 John 2:4

Ngaimane ḵananae igammuna'ḵ Apudyus yaḵon adinapun tuttuwaon da bilinna, sanat tuliyan ya naippun ḵan siya ḵatuttuwaan.

1 John 5:10

Pun ngaimane amati si Abeng Apudyus, nimumuḻa'tte somsomoḵna panoḵnoḵ Apudyus atte mipanggob ḵan siya. Yaḵon sa adipun amati si imbagan Apudyus, ambalinonae tuliyan aḵ Apudyus te adinapun patiyon impanoḵnoḵnae mipanggob atte Abengna.

Revelation 3:9

“ ‘Dongngonyu anna. Awad da Judyu sinate tagun Satan. Ḵanandae dida tagun Apudyus yaḵon daḵampun te tuliyanda. Sa umali ye aḻgaw ipatutḵu we umoyda analluḵu si sinagungyu ḵad asida igammuwone ay-ayatoḵ diḵayu.