John 8:48 - Sa Ugud Apudyus

⁴⁸ Pun ḵanan da Judyu, “Daḵampun ḵamman aḵ tuttuwa imbagani ye iSamariaḵa we naaḻanan?”

John 8:48 ပူးပေါင်းရင်းမြစ်များ

Matthew 10:25

Pun mat-op oḵyan an-adaḻ nu miyisu si mistuluna ḵad isuna bos si sammilu nu miyisu si apuna. Nu ipanida saḵon si simboḻoye aḵ Beelzebul we pangat da aḻan, aaddi ye amo dallu we lawweng angngadanda ḵan diḵayu we niḵamboḻoy.”

Matthew 10:5

Imbuun Jesus da nasawaḻan aḵ duwae apostolna woḵ ḵananae namilibilin ḵan dida, “Adiyu ayon da daḻane umoyon atta ilin da Gentil ya da daḻane umoyon atta ilin da iSamaria.

Matthew 11:18

Dida da mipaniyan da tagu sinsana te ummali ḵad aḵ John we Ambobonyag, nallaun ya adipun os uminum si bayas, ḵananyu, ‘Ngaipana ḵoon ḵaḵnat? Naaḻanan!’

Matthew 12:24

Yaḵon dingngoḻ ḵad da Pharisee ḵananda, “Abus aḵ Beelzebul we pangat da aḻan aḵ nangitod atte ḵabooḻanae amaḻyaw atta aḻan.”

Matthew 12:31

Pun sa ibagaḵ ḵan diḵayu, ngaimane basuḻ da tagu ya da an-ugud aḵ lawweng mipanggob ḵan Apudyus maḵwae pakawanon Apudyus. Yaḵon sa angamsew atte mipanggob si Ispiritu Santu, adipun maḵwae pakawanon Apudyus.

Matthew 15:7

Ḵapappaila ḵayu! Tuttuwa pagay impadtun Profeta Isaiah si mipanggob ḵan diḵayu we ḵanana,

John 1:19

Annaya tinaḵdoḻan John. Sin-aḻgawan ḵad, imbuun da papangat da Judyu ad Jerusalem da udume papadi ya da udume ganaḵ Levi ta umoyda imuson ḵan John nu ngai'ḵ siya.

John 10:20

Adu da ḵananda, “Naaḻanan ya naḻapang. Ngaipayu dongngon?”

John 13:13

Ngannonyu saḵon Mistulu ya Apu ḵad tuttuwa sanate imbagayu.

John 4:9

Ḵanan ni bubai, “Ngaipaḵa gay anḵodaw aḵ danum ḵan saḵone siḵa ḵad Judyuḵa ya saḵon ḵad iSamaria?” Te sa ugalin da Judyu, adidapun maḵabuḻbuḻun atta iSamaria.

John 7:20

Ḵanan da tagu, “Naaḻananḵa! Ngai lawa maḻyad angongat ḵan siḵa?”

John 8:22

Ḵanan da papangat da Judyu, “Ngai ḵad ain piona ḵanane, ‘Adiḵayupun maḵaali si ayaḵ’? Gongatona ḵamman long-agna?”

John 8:52

Ḵanan da Judyu, “Sinsadi inigammuni ye naaḻananḵa! Aḵ Abraham ya da profetan Apudyus natoyda! Ḵad ibagame ngaimane anuttuwa'tta ugudnu, adipun matoy.

Romans 15:3

Te taḵon ay aḵ Jesu Kristu adinapun mas-oman long-agna yaḵon sa ḵanan ni nigili ye Ugud Apudyus, “Da amsew da tagu ḵan siḵa Apudyus, saḵon inamsewda.”

Hebrews 13:13

Intaḵu ḵan Jesus atte lasin ni ḵampu, ta ampaḵaḻam taḵu'tta nibabbainana.

James 2:19

Patiyom ḵammane os-ossaan Apudyus? Sanat ambaḻubaḻu! Yaḵon taḵon ay da aḻan, amatida bos ya amilpilda'tte ogyatda.