John 8:29 - Sa Ugud Apudyus

²⁹ Sa nangibuun ḵan saḵon, anna ḵan saḵon. Adinapun saḵon iwwaḻang te pasige ḵooḵ da mas-omana.”

John 8:29 ပူးပေါင်းရင်းမြစ်များ

Matthew 17:5

Sissiya ḵade an-uguugud, baag-en nalibuuwanda si ampaddapadda woḵ dingngoḻda gingae naḻpu'tte libuu we ḵanana, “Annaya ay-ayatoḵe abengḵu ya siya masmas-omaḵ. Dongngonyu da ibagana.”

Matthew 3:15

Yaḵon ḵanan Jesus we summongbat, “Ḵoom sinsadi te ustu nu ḵoon taḵu anna ta ituttuwa taḵu da losane pinion Apudyus.” Pun binonyagan John.

Matthew 3:17

Baag-en ḵanan ni gingae naḻpu'd langit, “Annaya Abengḵu we ay-ayatoḵ ya mamas-omaḵ ḵan siya.”

John 14:31

yaḵon ḵooḵ da imbilin Amaḵ ḵan saḵon ta igammuwon da tagu we ay-ayatoḵ aḵ Amaḵ. Awwayyu, intaḵun.”

John 15:10

Nu tuttuwaonyu da bilinḵu ya iinggaw ḵayu si ayatḵu, isun ni nanuttuwaaḵ atta bilin Amaḵ ya iinggawaḵ si ayatna.

John 16:32

Madam-an dumatong timpu pun tuttuwae dummatong, nu mabuḵaḻ ḵayu, awad osa umoyon atte boḻoyna ya tinenanaḵe abus. Yaḵon daḵampun aḵ abusaḵ te anna'ḵ Amaḵ ḵan saḵon.

John 17:4

Indaydayawḵu siḵa sina'd luta si nangangputaḵ atta ḵewaaḻe innatodnu ḵan saḵone ḵooḵ.

John 4:34

Pun ḵanan os Jesus ḵan dida, “Sa ḵanoḵ sa anuttuwaaḵ ḵan angangputaḵ atta ḵewaaḻe paḵwan ni nangibuun ḵan saḵon.

John 5:30

Naippun ḵaḻabbongaḵ ḵoon nu abusaḵ. Siya dongngoḵ da ibagan Amaḵ atte inoḵe anḵuwis ḵad ustu anḵuḵuwisḵu te siya unudoḵ pion ni nangibuun ḵan saḵone daḵampun atte pioḵ.”

John 6:38

Te daḵampun aḵ ummaliyaḵe naḻpu'd langit ta ḵooḵ da pinioḵ yaḵon ummaliyaḵ ta ḵooḵ da pinion ni nangibuun ḵan saḵon.

John 8:16

Yaḵon taḵon ay nu anḵuwisaḵ, ustu anḵuḵuwisḵu te daḵampun aḵ saḵone abus anguwis yaḵon diḵani ḵan Amaḵ we nangibuun ḵan saḵon.

2 Timothy 4:17

Yaḵon taḵon ay nu ḵatti ḵingwada, adiyaḵpun nan-awidan ḵan Apu. Siya ḵingwana pinapigsana saḵon ta awad inoḵe angiwaḻagawag atte Ambaḻu we Damag ta dongngon da losane Gentil. Sinaḻaḵnibana saḵon atta tagu we pionda gongaton saḵon.

2 Timothy 4:22

Pasig oḵyan awad aḵ Apu ḵan siḵa ya awad oḵyan ḵan diḵayu ḵinabaḻu we maḻpu ḵan Apudyus.

Hebrews 4:15

Te sa ḵangatuwane padi taḵu maawatana da losane anḵuyaan taḵu te pinadasna da nankalakalasi ye sulisuge isu taḵu bos. Yaḵon adipun naḵabasuḻ.

Hebrews 7:26

Ḵad aḵ Jesus ḵangatuwane padi taḵu we ustuustu we siya ḵasapuḻan taḵu. Te nasantuwan, ippun ḵadellawana ya ippun basuḻna. Nitotoḵḵon atta ḵabasbassuḻan woḵ nipangatu'd langit.

1 John 2:1

Diḵayu we abengḵu, nanuḻataḵ ḵan diḵayu ta adi ḵayu bumasuḻ. Yaḵon nu awad bumasuḻ, awad de angiyugud ḵan ditaḵu ḵan Apudyus we Ama, siya'ḵ Jesu Kristu we naun-unan.

1 John 3:22

Ḵad da ngaimane ḵodawon taḵu ḵan siya, ittona gapu'tte anuttuwaan taḵu'tta bilinna ya sa angwaan taḵu'tta mas-omana.