John 8:19 - Sa Ugud Apudyus

¹⁹ Pun ḵanandae nan-imus, “Dinu ḵad ain aḵ Amam?” Ḵanan Jesus, “Naippun igammuyu ḵan saḵon baḵon nu aḵ Amaḵ. Nu igammuyu oḵyan saḵon, igammuyu bos aḵ Amaḵ.”

John 8:19 ပူးပေါင်းရင်းမြစ်များ

Matthew 11:25

Sa sadi ye timpu, ḵanan Jesus we nalluwaḻu, “Ama, ipangatam da losan sina'd luta ya ad langit. Anggappiyaaḵ ḵan siḵa te adimpun impaigammu ḵatuttuwaan atta nalalaing ḵan naadaḻane tagu, siya nangipaigammuwam da napakumbaba ya da antaḻgode isudan abeng.

John 1:10

Inninggaw si lubung ya mipagapu ḵan siya, naḵwa lubung yaḵon adimpun da tagu immatunan nu ngai'ḵ siya.

John 1:18

Naippun tagu'ḵ nangila ḵan Apudyus yaḵon aḵ Jesu Kristu we os-ossaane Abengna we mibuḻubuḻun ḵan Amana, siyae mismu nangipaigammu ḵan siya.

John 15:21

Yaḵon ḵoonda da anna ḵan diḵayu gapu ḵan saḵon te naippun igammuda si nangibuun ḵan saḵon.

John 16:3

Ḵoonda ḵaḵna ḵan diḵayu te adidapun inigammu'ḵ Amaḵ baḵon nu saḵon.”

John 17:3

Ḵad sana biyag aḵ inggana, siya angigammuwandae siḵa abus aḵ tuttuwae Apudyus ya saḵon aḵ Jesu Kristu we imbuunnu.

John 7:28

Pun nantuttudu ḵad aḵ Jesus si paway ni templo, indangsoḻnae gumminga woḵ ḵanana, “Igammuyu pagay saḵon ya igammuyu naḻpuwaḵ? Daḵampun aḵ ummaliyaḵ gapu si ḵuwaḵe ḵasomsomḵan. Yaḵon sa tuttuwae nangibuun ḵan saḵon, adiyupun igammu.

1 Corinthians 15:34

Pabaḻuwonyu ḵappos da somsomoḵyu ta iwaḻangyu we bumasuḻ. Te awad da udum ḵan diḵayu we ippun igammuda ḵan Apudyus. Ibagaḵ anna ta mabainan ḵayu.

Galatians 4:9

Yaḵon sinsana inigammuyu'ḵ Apudyus baḵon nu inigammuna diḵayu, ngaipayu bos ḵasin sanguwon da ug-ugalin da tagu si annae lubunge inunudyu? Adiyupun ḵamman igammu we naippun ḵabooḻandae anagu ḵan diḵayu ya naippun ittonda'ḵ bindisyun? Ngaipayu bos pione anserbi ḵasin ḵan didae isun di musassu?

Ephesians 1:17

Ḵad ḵodaḵodawoḵ si madaydayawe Ama taḵu we Apudyus ḵan aman Apu taḵu we Jesu Kristu mipagapu si Ispiritu Santu we ittona oḵyan ḵan diḵayu ḵinalaing ḵan ipaigammuna mipanggob ḵan siya.

Colossians 1:10

Te nu ḵatti, maḵwae unudonyu antatagu we mibagay atte ḵinabaḻun Apu ya pasigyu ḵoon da amalayad ḵan siya. Ḵad ambaḻu ibungan da losane ḵoonyu ya madog-an igammuyu mipanggob ḵan Apudyus.

Colossians 1:15

Aḵ Kristu angil-an taḵu si ḵinaapudyus Apudyus we adipun maila. Gagangaye inggaw si daan ni lubung maḵwaan ḵad siya ḵangatuwan atta losane ḵingwana.

Hebrews 1:3

Sa Abeng angil-an taḵu si ḵadayawan Apudyus ya miyiissu ḵinaapudyusna. Ḵad siya amagatup atta losane mipagapu si ḵabooḻan ni ugudna. Ginangputna ḵad pinapoḻḵas da tagu'tta basuḻda, nipauli'd langit woḵ tutuḵdu si madawinan Apudyus we ḵangatuwan ya maḵapangat ḵan siya.

1 John 2:23

Te ngaimane adi amigbig atte Abeng Apudyus, adinapun os bigbigon aḵ Apudyus we Ama. Yaḵon sa amigbig atte Abeng Apudyus, bigbigona bos aḵ Apudyus we Ama.

1 John 5:20

Ḵumaḵlu, igammu taḵu we ummali Abeng Apudyus woḵ innatodna ḵan ditaḵu pannakaawat ta igammuwon taḵu tuttuwae Apudyus. Ḵad sinsadi iinggaw taḵu si tuttuwae Apudyus te iinggaw taḵu si Abengna we aḵ Jesu Kristu. Siya tuttuwae Apudyus ya siya maḻpuwan ni biyag aḵ inggana.

2 John 1:9

Ngaimane tagu we adinapun pagatupane angunud atta tuttudun Kristu yaḵon amo dog-ana, adinapun igammu'ḵ Apudyus. Yaḵon sa tagu we pagapagatupanae angunud atta tuttudun Kristu, iinggaw aḵ Apudyus we Ama ya sa Abengna ḵan siya.