John 8:15 - Sa Ugud Apudyus

¹⁵ Sa anḵuḵuwisyu, maḻpu we abus atte ḵasomsomḵanyu. Yaḵon ḵan saḵon, adiyaḵpun anḵuwis.

John 8:15 ပူးပေါင်းရင်းမြစ်များ

Luke 12:14

Yaḵon ḵanan Jesus, “Awad ḵamman ḵaḻabbongaḵ aḵ angilintog ḵan diḵayu we duwa'tta laḵsunyu?”

John 12:47

“Ḵad ngaimane angngoḻ atta ugudḵu ya adinapun tuttuwaon, adiḵpun ḵuwison te daḵampun aḵ ummaliyaḵ ta ḵuwisoḵ lubung yaḵon ummaliyaḵ ta taguwoḵ.

John 18:36

Ḵanan Jesus, “Sa ḵaḻabbongaḵe ampangat daḵampun aḵ maḻpu si annae lubung. Nu maḻpu si annae lubung ḵaḻabbongaḵe ampangat, aaddi ye naḵagubat da disipuluḵ ta adiyaḵ oḵyan mipuḻang atta Judyu.”

John 3:17

Imbuun Apudyus abengna si lubunge daḵampun aḵ dusaona da tagu gapu'tta basuḻda. Yaḵon imbuunna ta taguwona dida si sadi ye madusaanda.

John 7:24

Adi ḵayu anḵuwise mibatay si ḵatollongan yaḵon anḵuwis ḵayu si ustu we anḵuḵuwis.”

John 8:11

Ḵanan ni bubai, “Apu, naippun.” Ḵanan Jesus, “Taḵon ay saḵon, adiḵpun os siḵa pabasuḻon. Inḵan ya adiḵa ogon bumasuḻ.”

Romans 2:1

Pun siḵae anguwis si ḵinalaweng da udum, adiḵapun maḵailigsi si madusaam ḵan Apudyus, taḵon ay ngai ḵinatatagum. Te nu ḵuwisom ḵinaḻaweng da udum ya ḵingwam os da isun da ḵoḵoḵḵonda, siya ḵoom madusaam ḵan Apudyus.

1 Corinthians 2:15

Ḵad ngaimane iinggawan ni Ispiritu Santu, lamogna maawatan da ḵinapatog da losan. Yaḵon da udume tagu adidapun maawatan.

2 Corinthians 5:16

Pun inggana sinsadi, adinipun bigbigon ngaimane tagu we ambatay si nainlubungane ḵasomsomḵan. Taḵon ay nu ḵatti inonni ye namigbig ḵan Kristu si awe, adinipun ogon ḵoon sinsana.

James 2:4

Adiyupun ḵamman nilaḵsig da buḻunyu si imbelangyu we nangatu da udum ḵan diḵayu ya nambalin ḵayu'ḵ ḵuwis atta somsomoḵyu?