John 7:48 - Sa Ugud Apudyus

⁴⁸ Awad ḵad ain osa'tta papangat baḵon nu ossaan ḵan diḵani ye Pharisee aḵ namati ḵan siya?

John 7:48 ပူးပေါင်းရင်းမြစ်များ

Matthew 11:25

Sa sadi ye timpu, ḵanan Jesus we nalluwaḻu, “Ama, ipangatam da losan sina'd luta ya ad langit. Anggappiyaaḵ ḵan siḵa te adimpun impaigammu ḵatuttuwaan atta nalalaing ḵan naadaḻane tagu, siya nangipaigammuwam da napakumbaba ya da antaḻgode isudan abeng.

Luke 23:13

Pun impaayag Pilate da papangat da papadi, da udume papangat da Judyu ya da tagu,

John 12:42

Yaḵon taḵon ay nu ḵatti, namati da adu we papangat da Judyu ḵan Jesus. Yaḵon insilibda te maḵimutda'tta Pharisee. Ta adida mapaḻyaw atte sinagoga.

John 3:1

Inninggaw tagu we nangngadan aḵ Nicodemus. Siya ḵad, Pharisee ya osae pangat da Judyu.

John 7:26

Ilanyu ḵad, annate maḵaug-uggude maḻamaḻang atta tagu ḵad andi ye umman da papangat taḵu giginnoḵ. Inigammuda ḵammane tuttuwae siya Kristu?

John 7:49

Da tagu we namati ḵan siya, naippun igammuda si lintog Moses. Pun aaddi ye dusaon Apudyus dida.”

John 7:50

Inninggaw sidi osa'tta Pharisee ye nangngadan aḵ Nicodemus. Ummoy si awe ḵan Jesus woḵ naḵaug-uggud ḵan siya. Ḵanana'tta buḻunna,

Acts 6:7

Pun amo nandinongoḻ Ugud Apudyus ya amo nadog-an belang da namati'd Jerusalem. Inggaw da adu we papadi ye inunudda ustu we pammati.

1 Corinthians 1:20

Nu ḵatti maḵwa, ngai anun ni ḵinalaing nu? Ḵad ngai anun da mimistulun ni lintog nu? Ḵad ngai anun da nalalainge maḵasossongbat si sanae timpu nu? Daḵampun ḵamman aḵ dinodong-og ḵan Apudyus ḵinalaing da tagu we adipun amati?

1 Corinthians 2:8

Naippun naḵaawat atta pangat si sanae timpu. Te nu naawatanda oḵyan, adidapun impaipattoḻ ḵangatuwane Apu atte kros.