John 7:37 - Sa Ugud Apudyus

³⁷ Sa anungus ḵan ḵapatogane aḻgaw ni Gayagayan da Judyu we ngannonda Sigay, summiḵad aḵ Jesus woḵ ḵananae nangiyipḵaw, “Ngaimane mauwaw, umali ḵan saḵon ta uminum.

John 7:37 ပူးပေါင်းရင်းမြစ်များ

Matthew 11:28

“Diḵayu losane naayong ḵan ampaḵaḻam, awwayyu ḵan saḵon ta paillongoḵ diḵayu.

Matthew 3:3

Aḵ John, siya inggilin Profeta Isaiah we ḵanana, “Sa bumbummaaw, awad de angiwaḻagawage ḵanana, ‘Saganaonyu daḻan atte umaliyan Apu ya pagodongonyu daḻane ayona.’ ”

Matthew 5:6

Pian da tagu we amaamayondae angwa'tta naun-unan te badangan Apudyus didae angwa si piniona.

John 1:23

Ḵanan John, “Saḵon inninggaw si bumbummaawe ḵanaḵe angiwaḻagawag, ‘Pagodongonyu daḻan si umaliyan Apu.’ ” Aḵ John nituttuwaan ni inggilin Profeta Isaiah si awe.

John 14:6

Ḵanan Jesus, “Saḵon daḻan, ḵatuttuwaan ḵan biyag. Naippun maḵaoy ḵan Amaḵ nu adi angoy ḵan saḵon.

John 4:10

Ḵanan Jesus, “Nu inigammum atod Apudyus ya inigammum nu ngaiyaḵe anḵodaw atte danum, siḵa oḵyan anḵodaw ta ittaḵ siḵa si danume angitod si biyag.”

John 4:11

Ḵanan ni bubai, “Apu, adaddaḻoman annae bubun ḵad ippun gagaudnu. Dinu ḵad ain angaḻ-am atte danume angitod si biyag?

John 4:14

Yaḵon sa uminum atte danume ittoḵ, adipun ogon mauwaw. Te ambalin aḵ isunan bubune bumubus si long-agnae angitod si biyag aḵ inggana.”

John 5:40

Yaḵon adiyupun pione umali ḵan saḵon ta ittoḵ ḵan diḵayu biyag aḵ inggana.

John 6:35

Ḵanan Jesus, “Saḵon maḵane angitod atte biyag aḵ inggana. Ḵad da umali ya amati ḵan saḵon, adidapun paat mauḻat ḵan mauwaw.

John 6:37

Da losane tagu we intaḻgod Amaḵ ḵan saḵon, dida bos da umali ḵan saḵon. Ḵad ngaimane umali ḵan saḵon, adiḵpun paat paḻyawon.

John 6:55

Te sa long-agḵu, siya tuttuwae maḵan ya sa daḻaḵ, siya tuttuwae mainum.

John 7:28

Pun nantuttudu ḵad aḵ Jesus si paway ni templo, indangsoḻnae gumminga woḵ ḵanana, “Igammuyu pagay saḵon ya igammuyu naḻpuwaḵ? Daḵampun aḵ ummaliyaḵ gapu si ḵuwaḵe ḵasomsomḵan. Yaḵon sa tuttuwae nangibuun ḵan saḵon, adiyupun igammu.

1 Corinthians 10:21

Adipun maḵwae maḵainum ḵayu ḵan maḵaḵan ḵayu si angiḵagasmoḵanyu'tte natoyan Apu ya maḵainum ḵayu bos ḵan maḵaḵan ḵayu'tta midatun atta aḻan.

1 Corinthians 10:4

ḵan losanda umminum atte naispirituwane danume naḻpu si naispirituwane batu. Sa sanae batu siya'ḵ Kristu te tuttuwae inninggaw ḵan dida.

1 Corinthians 11:25

Nagangputda ḵade nangan, innaḻana bos sintasae bayase grape woḵ ḵanana, “Sa annae natasae bayas, siya Baru we Tuḻag Apudyus atta taguna. Ḵad sa daḻaḵ, siya amanoḵnoḵ atte sadi ye tuḻag. Ḵad nu inumonyu, pasigyu ḵoon ḵaḵna ta angiḵagasmoḵanyu ḵan saḵon.”

1 Corinthians 12:13

Losan taḵu we namati, Judyu baḵon nu Gentil, musassu baḵon nu daḵampun, nabonyagan taḵu we ossaane long-ag mipagapu'tte ossaane Ispiritu Santu ya sa sanae Ispiritu, siya inawat taḵu we losan.

Ephesians 5:18

Ḵad adi ḵayu ambarbartek te dumadail yaḵon iyunudyu oḵyane sa ḵabooḻan ni Ispiritu Santu awad ḵan diḵayu.

Revelation 21:6

Pun ḵanana, “Losan atta anna, nituttuwada. Saḵon nangadanan aḵ Alpha ḵan Omega, piona ḵanan, saḵon laplapu ya anungus ni losan. Ittoḵ atta mauwawe tagu danume naḻpu si bubune angitod si biyag aḵ ingganae ippun bayadna.

Revelation 22:1

Pun impailan ni anghel ḵan saḵon tawwange maḻpuwan ni danume angitod si biyag. Sa annae tawwang, sumilisilinge isunan kristal ḵad maḻpu'tte tronon Apudyus ya sa Ubbu we Karnero.

Revelation 22:17

Ḵanan ni Ispiritu ya da tagunae mipani si asaw-on ni Ubbu we Karnero, “Awwaynu.” Ḵad ḵanan oḵyan os ni andodongngoḻ, “On, awwaynu.” Ngaimane mauwaw, umali oḵyan ta uminum atte libli ye danume angitod si biyag.