John 7:35 - Sa Ugud Apudyus

³⁵ Ḵanan da Judyu we nan-asiimus, “Dinu ayanae aditaḵupun maḵaodas ḵan siya? Umoy ḵamman nin atta adayu we ilin da Gentil we igaw da naas-asipaḻaḵe Judyu ya antuttudu'tta Gentil?

John 7:35 ပူးပေါင်းရင်းမြစ်များ

Matthew 12:21

Ḵad siya abus aḵ namnamaon da losane tagu we anagu ḵan dida.”

Luke 2:32

Isunan silawe allangḻang ta ipailana da pinion Apudyus atta Gentil. Gapu bos ḵan siya, midayaw da tagume ganaḵ Israel.”

John 12:20

Inninggaw os da udume Gentil we ummoy nandayaw ḵan Apudyus atte gayagaya'd Jerusalem.

John 7:1

Nagangput ḵad sadi, ummoy aḵ Jesus atta nampaliḵwose ili'tte probinsiya'd Galilee. Adinapun pione umoy atte probinsiya'd Judea te singsington da papangat da Judyu inondae angongat ḵan siya.

John 8:22

Ḵanan da papangat da Judyu, “Ngai ḵad ain piona ḵanane, ‘Adiḵayupun maḵaali si ayaḵ’? Gongatona ḵamman long-agna?”

Acts 11:18

Dingngoḻda ḵad sana, ingginoḵdae nanamḵuy ḵan siya woḵ ḵanandae nangidaydayaw ḵan Apudyus, “Innatod os Apudyus atta Gentil ta ambabawida'tta basuḻda ya agaydae angwa ta awad ḵan dida biyag aḵ inggana.”

Acts 11:20

Yaḵon da udume namati ye iCyprus ḵan iCyrene, ummoyda'd Antioch woḵ iwwaḻagawagda Ambaḻu we Damag mipanggob ḵan Apu Jesus atta Gentil.

Acts 14:1

Ḵaḵna naḵwa'd Iconium. Ummoy da Paul ḵan Barnabas atte sinagoga woḵ aduadu da Judyu ḵan Gentil we namati gapu ta ambaḻu inondae nangiwaḻagawag.

Acts 17:4

Naawis da udume Judyu, pun nidogada ḵan da Paul ḵan Silas. Nidoga bos da adu we Gentil we nandaydayaw ḵan Apudyus ya da mabigbige bubai.

Acts 18:4

Sa umillongan da Judyu, ummoy aḵ Paul si sinagoga ya naḵasossongbat ta padasona awison da Judyu ḵan Gentil ta amatida ḵan Jesus.

Acts 21:21

Imbagada mipanggob ḵan siḵae intuttudum atta losane Judyu we naḵaumili'tta Gentil we iwaḻangda da lintog Moses ya adida pasogyat da abengda ya adida unudon ugali taḵu we Judyu.

Acts 22:21

“Pun ḵanana ḵan saḵon, ‘Inḵan ta ibuunḵu siḵa'tte adayu we igaw da Gentil.’ ”

Romans 1:16

Adiḵpun ibaine angiwaḻagawag atte Ambaḻu we Damag te siya Ugud Apudyus we maḵabooḻ anagu'tta losane amati, umuna'tta Judyu ya asiyot da Gentil.

Ephesians 3:8

Taḵon ay nu saḵon ḵababaan atta losane tagun Apudyus, impailana ḵinabaḻuna si nangittana ḵan saḵon atte gundawaye angipaigammu ḵan diḵayu we Gentil atte ippun miyisuwanae bindisyune awad ḵan Kristu.

1 Timothy 2:7

Sana bos gapunae saḵon dinutuḵana'ḵ angiwaḻagawag atte Ambaḻu we Damag ḵan an-apostol ta iyyaḵ ituttudu'tta Gentil tuttuwae pammati. Tuttuwa da anna.

2 Timothy 1:11

Dinutuḵan Apudyus saḵon aḵ apostol ta iyyaḵ iwaḻagawag ḵan ituttudu annae Ambaḻu we Damag,

James 1:1

Kumusta ḵayu? Saḵon aḵ James we sammilun Apudyus ya aḵ Apu Jesu Kristu. Annaya suḻatḵu'tta Judyu we namati ye naas-asipaḻaḵ atta udume ili.

1 Peter 1:1

Saḵon aḵ Peter we apostol Jesu Kristu. Annaya suḻatḵu ḵan diḵayu we tagu we pinilin Apudyus we isun di mangili si annae lubunge naas-asipaḻaḵ atta ili'd Pontus, Galatia, Cappadocia, Asia ya ad Bithynia.