John 7:31 - Sa Ugud Apudyus

³¹ Yaḵon adu da namati ḵan siya woḵ ḵananda, “Sa annae tagu, tuttuwae adu da nakaskasdaawe sinyale ḵingwanae isun ni namnamaon taḵu we ḵoon Kristu nu umali sina.”

John 7:31 ပူးပေါင်းရင်းမြစ်များ

Matthew 12:23

Sintotokoḻ da tagu si ḵingwana woḵ ḵanandae nan-asiimus, “Siya ḵamman ganaḵ Ari David we uuwayon taḵu?”

Luke 8:13

Da naottag atte bibbisil, isuda da tagu we dingngoḻda ḵad Ugud Apudyus, allaylayaddae nangawat. Yaḵon adipun lummamut atta somsomoḵda. Amatida'ḵ sin-aḵitan, ḵad nu dumatong ampaḵaḻaman, iwaḻangda pammatida ḵan Apudyus.

John 11:45

Pun adu'tta Judyu da naḵaoy ḵan da Mary, innilada ḵad ḵingwan Jesus, namatida ḵan siya.

John 12:11

Te adu da Judyu we summina ḵan dida woḵ namatida ḵan Jesus mipagapu ḵan Lazarus we tinagun Jesus.

John 12:42

Yaḵon taḵon ay nu ḵatti, namati da adu we papangat da Judyu ḵan Jesus. Yaḵon insilibda te maḵimutda'tta Pharisee. Ta adida mapaḻyaw atte sinagoga.

John 2:11

Sa annae ḵingwan Jesus ad Cana we ili'tte probinsiya'd Galilee, sana ummunae nakaskasdaawe sinyale nangipail-ana'tte ḵinaapudyusna. Pune sadi, namati da disipuluna ḵan siya.

John 3:2

Sillabiyan ḵad, ummoy ḵan Jesus woḵ ḵanana, “Mistulu, igammuni ye siḵa imbuun Apudyus we umoy antuttudu ḵan diḵani te naippun maḵaḵwa'tta nakaskasdaawe sinyale ḵoom nu maid aḵ Apudyus ḵan siya.”

John 4:29

“Awwayyu ḵad ta inḵayu ilan tagu we imbagana da losane ḵingwaḵ! Siya ḵamman nin Kristu?”

John 4:39

Da iSamaria ḵade ummili'tte siyudad, adu da namati ḵan Jesus gapu'tte imbagan ni bubai ye ḵanana, “Imbagana da losane ḵingwaḵ.”

John 6:2

Amoamod da tagu we nitun-ud ḵan siya te innilada da nakaskasdaawe ḵingwana'tta nasaḵit.

John 7:26

Ilanyu ḵad, annate maḵaug-uggude maḻamaḻang atta tagu ḵad andi ye umman da papangat taḵu giginnoḵ. Inigammuda ḵammane tuttuwae siya Kristu?

John 9:16

Pune sadi ḵanan da udume Pharisee, “Daḵampun aḵ naḻpu ḵan Apudyus annae tagu te adinapun tuttuwaon lintog mipanggob si umillongan.” Ḵanan os da udum ḵan dida, “On! Yaḵon maḵaḵwa ḵamman ḵabasbassuḻan atta nakaskasdaawe sinyale isun ni ḵingwana?” Pune sadi, nan-asisullagida.

Acts 8:13

Taḵon ay aḵ Simon namati woḵ nampabonyag. Pune sadi nibuḻun ḵan Philip atta dinumane ayana te nataag atta nakaskasdaaw ya sinyale ḵingwana.

James 2:26

Te igammu taḵu we sa long-age naippun angosna natoy ḵad sa pammati ye naippun gunay, natoy os.