John 7:28 - Sa Ugud Apudyus

²⁸ Pun nantuttudu ḵad aḵ Jesus si paway ni templo, indangsoḻnae gumminga woḵ ḵanana, “Igammuyu pagay saḵon ya igammuyu naḻpuwaḵ? Daḵampun aḵ ummaliyaḵ gapu si ḵuwaḵe ḵasomsomḵan. Yaḵon sa tuttuwae nangibuun ḵan saḵon, adiyupun igammu.

John 7:28 ပူးပေါင်းရင်းမြစ်များ

Matthew 11:27

Pun ḵanan Jesus atta tagu, “Innatod Amaḵ we Apudyus ḵan saḵon da losane ḵabooḻan ḵan laing. Iniiggammuna saḵon ya naippun udum aḵ nangigammu ḵan saḵon. Ḵaḵna bos aḵ Amaḵ we naippun angigammu ḵan siya malaksid ḵan saḵon ya da ngaimane tagu we pioḵ angipaigammuwan.”

Matthew 26:55

Pune sadi ḵanan Jesus atta adu we tagu, “Tulisanaḵ ḵamman ta ummali ḵayu we ampaḵ-odon ḵayu'ḵ ispada ḵan pang-oḵe umoy anoḵma ḵan saḵon? Inaḻgawe inninggawaḵ ḵan diḵayu'tte paway ni templo we antuttudu yaḵon adiyupun saḵon dinoḵmaan.

Luke 10:22

Pun ḵanan Jesus atta tagu, “Innatod Amaḵ we Apudyus ḵan saḵon da losane ḵabooḻan ḵan ḵinalaing. Iniiggammuna saḵone Abengna ya naippun udum aḵ nangigammu ḵan saḵon. Ḵaḵna bos aḵ Amaḵ. Naippun angigammu ḵan siya, abusaḵ ya da ngaimane tagu we pioḵe angipaigammuwan.”

Luke 2:11

Te ḵan diḵayu niyanaḵ sinsadi ye labi sina'tte ili ye niyanaḵan Ari David, aḵ Kristu we Apu.

Luke 2:39

Ginanggangput ḵad da Joseph ḵan Mary ḵingwa da paḵwan ni Lintog Apudyus, nipaulida'd Nazareth atte probinsiya'd Galilee ye naḻpuwanda.

Luke 2:4

Ummoy os aḵ Joseph we naḻpu'd Nazareth atte probinsiya'd Galilee nampalista'd Bethlehem atte probinsiya'd Judea te siya niyanaḵan Ari David we daḵdaḵoḻna.

Luke 2:51

Pun nibuḻun aḵ Jesus ḵan didae nipauli'd Nazareth woḵ tinuttuwana da imbagada. Aḵ inana ḵad, iniittomana da losane naḵwa.

John 1:46

Pun ḵanan Nathanael, “Awad ḵamman ambaḻu'ḵ naḻpu'd Nazareth?” Ḵanan Philip, “Awwaynu ta inta ilan.”

John 10:36

Ngaipayu ḵanan ḵan saḵone intotoḵḵon ni Ama ya imbuunna si annae lubung, ‘Nan-ugud ḵayu'ḵ lawweng ḵan Apudyus,’ te sa imbagaḵ, ‘Saḵon Abeng Apudyus’?

John 12:49

Te daḵampun aḵ nan-ugudaḵ aḵ naḻpu si ḵaḻabbongaḵ yaḵon aḵ Amaḵ we nangibuun ḵan saḵon, imbilinna nu ngai da ibagaḵ ḵan ugudoḵ.

John 14:10

Adimpun ḵamman patiyone awadaḵ ḵan Amaḵ ya awad aḵ Amaḵ ḵan saḵon? Sa imbagaḵ ḵan diḵayu, daḵampun aḵ ugudoḵ si ḵuwaḵe ḵaḻabbongan yaḵon sa Ama we iinggaw ḵan saḵon, ḵoona da ḵewaaḻna.

John 14:31

yaḵon ḵooḵ da imbilin Amaḵ ḵan saḵon ta igammuwon da tagu we ay-ayatoḵ aḵ Amaḵ. Awwayyu, intaḵun.”

John 16:3

Ḵoonda ḵaḵna ḵan diḵayu te adidapun inigammu'ḵ Amaḵ baḵon nu saḵon.”

John 17:25

“Naun-unane Ama, da tagu we adipun namati adidapun inigammu siḵa yaḵon inigammuḵ siḵa ya da disipuluḵ igammudae siḵa nangibuun ḵan saḵon.

John 17:3

Ḵad sana biyag aḵ inggana, siya angigammuwandae siḵa abus aḵ tuttuwae Apudyus ya saḵon aḵ Jesu Kristu we imbuunnu.

John 3:2

Sillabiyan ḵad, ummoy ḵan Jesus woḵ ḵanana, “Mistulu, igammuni ye siḵa imbuun Apudyus we umoy antuttudu ḵan diḵani te naippun maḵaḵwa'tta nakaskasdaawe sinyale ḵoom nu maid aḵ Apudyus ḵan siya.”

John 3:33

Ḵad da amati'tta ibagana, panoḵnoḵandae tuttuwa ibagan Apudyus.

John 5:32

Yaḵon awad de osae anaḵdoḻ ḵan saḵon. Ḵad igammuḵe tuttuwa da ibagana si mipanggob ḵan saḵon.

John 5:43

Ummaliyaḵ sina gapu'tte ḵaḻabbongan Amaḵ woḵ adiyupun saḵon awaton. Yaḵon nu awad umali'tte ḵaḻabbonganae mismu, siya awatonyu.

John 6:42

Ḵananda, “Daḵampun ḵamman aḵ siya Jesus we abeng Joseph? Igammu taḵu da amana ḵan inana. Ḵad ngaipana ḵanane naḻpu'd langit?”

John 7:14

Batug ḵad di angginawa gayagaya, ummoy aḵ Jesus atte paway ni templo woḵ nantuttudu.

John 8:14

Ḵanan Jesus, “Taḵon ay nu saḵon anaḵdoḻ si long-agḵu, tuttuwa ibagaḵ te igammuḵ naḻpuwaḵ ḵan ayonaḵ. Yaḵon naippun paat igammuyu nu dinu naḻpuwaḵ baḵon nu ayonaḵ.

John 8:16

Yaḵon taḵon ay nu anḵuwisaḵ, ustu anḵuḵuwisḵu te daḵampun aḵ saḵone abus anguwis yaḵon diḵani ḵan Amaḵ we nangibuun ḵan saḵon.

John 8:19

Pun ḵanandae nan-imus, “Dinu ḵad ain aḵ Amam?” Ḵanan Jesus, “Naippun igammuyu ḵan saḵon baḵon nu aḵ Amaḵ. Nu igammuyu oḵyan saḵon, igammuyu bos aḵ Amaḵ.”

John 8:26

Adu ibagaḵ ḵan ipabasuḻḵu mipanggob ḵan diḵayu yaḵon sa nangibuun ḵan saḵon tuttuwa ya da dingngoḻḵu ḵan siya, dida da ibagabagaḵ atta tagu si annae lubung.”

John 8:42

Ḵanan Jesus, “Nu Amayu oḵyan aḵ Apudyus, ayatonyu saḵon te naḻpuwaḵ ḵan siya ya annaaḵ sinsadi. Daḵampun aḵ ḵasomsomḵaḵ ummaliyaḵ yaḵon imbuun Apudyus saḵon.

John 9:29

Igammuni ye naḵaugud aḵ Apudyus ḵan Moses. Yaḵon aḵ Jesus ḵad, ippun igammuni si naḻpuwana.”

Acts 17:23

te nanggaḵayaḵ ḵad atte siyudad, innilaḵ da lugar we andaydayawanyu'tta adu we sinan-apudyus. Indasaḵ os altar we nagiliyan atte ḵaḵnae ugude ḵanana, ‘Para si apudyus we ippun angigammu.’ Sa sanate daydayawonyu we taḵon ay ippun igammuyu, siya sanae ipaigammuḵ ḵan diḵayu.

Romans 1:28

Gapu'tte adidapun namigbigan ḵan Apudyus, iwwaḻangna dida ta iturayan da lawwenge somsomoḵda dida ta ḵoonda da baḻangnae daḵampun oḵyan aḵ maḵwa.

Romans 3:4

Naid! Te tuttuwa'ḵ Apudyus, taḵon ay nu tuliyan da losane tagu. Te sa nigili ye ugudna ḵanana, “Nu taḵdoḻam mismu we long-agnu, ipailame ustu da ḵingwam ḵan pasige oḻgom da losane amabasuḻ ḵan siḵa.”

2 Corinthians 1:18

Tuttuwa da ibagani ḵan diḵayu, isuna bos ḵan Apudyus we siya losane ibagana da ḵatuttuwaan.

2 Corinthians 4:6

Te aḵ Apudyus nangibaga ḵanane, “Awad oḵyan padda” ta papaddaona anggiḵbot. Siya bos amapadda'tte somsomoḵni ta igammuwonni dayaw ḵan ḵabooḻan Apudyus we maila ḵan Kristu.

Titus 1:2

Ḵooḵ da sadi ta namnamaonda biyag aḵ inggana. Aḵ Apudyus adipun paat antultulli, inkarina sadi ye biyag atte daan ni lubung maḵwaan.

Hebrews 6:18

Inggan ni nankariyan Apudyus ya pinanoḵnoḵana si sapata, igammu taḵu we mituttuwa te adipun maḵwae maobos ya adipun antultulli'ḵ Apudyus. Pun ditaḵu we ummoy ḵan siya ta masaḻaḵniban taḵu, gattoḵe masoḻgag taḵu taḵon ay nu amo popotpotan taḵu namnamae innatodna ḵan ditaḵu.

1 John 5:10

Pun ngaimane amati si Abeng Apudyus, nimumuḻa'tte somsomoḵna panoḵnoḵ Apudyus atte mipanggob ḵan siya. Yaḵon sa adipun amati si imbagan Apudyus, ambalinonae tuliyan aḵ Apudyus te adinapun patiyon impanoḵnoḵnae mipanggob atte Abengna.