John 7:19 - Sa Ugud Apudyus

¹⁹ Daḵampun ḵamman ḵan Moses nangitod ḵan diḵayu si lintog? Yaḵon naippun ossaan ḵan diḵayu'ḵ nanuttuwa si sanate lintog te nu tinuttuwayu, adiyupun oḵyan singsington inonyu we angongat ḵan saḵon?”

John 7:19 ပူးပေါင်းရင်းမြစ်များ

Matthew 12:14

Pun ummoyon da Pharisee woḵ umoyda an-uugud si inondae angongat ḵan Jesus.

Matthew 21:38

“Yaḵon innilan ḵad da gumagammole ye sa abeng ni sinḵuwa'tte mumuḻḻaan atta de grape, ḵanandae nantutuḻag, ‘Annaya angilaḵsun si annae mumuḻḻaan atta de grape. Awwayyu, gongaton taḵu ta anḵuwa taḵu da laḵsunna.’

Mark 11:18

Dingngoḻ ḵad ay da papangat da papadi ya da mimistulun ni lintog da ḵingwan Jesus, singsingngitda nu ngai inondae ampagongat ḵan siya. Te ummogyatda ḵan siya te nataag da aduadu we tagu'tta intuttuduna.

Mark 3:4

Pun ḵanan Jesus ḵan dida, “Ngai iyunud ni lintog taḵu si umillongan? Sa ḵoon taḵu ambaḻu baḵon nu sa ḵoon taḵu lawweng? Sa taguwon taḵu da tagu baḵon nu sa dadailon taḵu dida?” Ḵingwada ḵad, gummiginnoḵda.

Mark 3:6

Nagangput ḵad, ḵesan da Pharisee woḵ ummoyda nantutuḻag atta grupun Ari Herod nu ngai inondae angongat ḵan Jesus.

John 1:17

Innatod Apudyus lintog mipagapu ḵan Moses yaḵon mipagapu ḵan Jesu Kristu we pinilin Apudyus aḵ Anagu ya An-ari, impailana ḵinabaḻu ḵan ḵatuttuwaan mipanggob ḵan siya.

John 10:39

Pun pinadasda ḵasin doḵmaan aḵ Jesus yaḵon adidapun te nallibas ḵan dida.

John 11:53

Pun inggan ni sadi ye aḻgaw, namplanu da papangat da Judyu nu ngai inondae angongat ḵan Jesus.

John 5:16

Pun insaḻad da papangat da Judyu we sumasanga ḵan Jesus gapu ta umillongan nangwaana'tte ḵaḵna.

John 5:18

Gapu'tte sadi ye imbagan Jesus, amo pion da papangat da Judyu we gongaton. Te daḵampun ay aḵ abus nilisalisna lintog atte umillongan yaḵon imbagana bose aḵ Apudyus Amana ḵad iyisuna long-agna ḵan Apudyus.

John 5:45

Adiyu ḵanane saḵon amabasuḻ ḵan diḵayu si sinagung Amaḵ te aḵ Moses amabasuḻ ḵan diḵayu. Te namnamaonyu we taguwon diḵayu nu amati ḵayu'tte sadi ye inggilin Moses. Yaḵon adiḵayupun namati.

John 7:1

Nagangput ḵad sadi, ummoy aḵ Jesus atta nampaliḵwose ili'tte probinsiya'd Galilee. Adinapun pione umoy atte probinsiya'd Judea te singsington da papangat da Judyu inondae angongat ḵan siya.

John 7:25

Pun ḵanan da udume iJerusalem, “Daḵampun ḵamman atte annae tagu pion da papangat taḵu gongaton?

Acts 7:38

Inninggaw si gimung da danaḵḵoḻ taḵu si bumbummaawe sa naḵaugudan ni anghel ḵan siya'tte beleg Sinai woḵ inawatna matattagu we Ugud Apudyus ta ittona ḵan ditaḵu.

Galatians 3:19

Gapu ta aditaḵupun inawat da inkarin Apudyus si nanuttuwaan taḵu si lintog, ḵanan da udume an-imus ngai tuttuwae usar ni lintog? Iyyun-unud Apudyus indoga'tta inkarina ta maawatan da tagu we naḵabasuḻda. Sa panggobna ḵad, mapagatupan sanae lintog inggana si umaliyan ni ganaḵ Abraham, siya'ḵ Kristu we inkarina. Sa lintog, imbuun Apudyus da anghelna'ḵ umoy angiyugud ḵan Moses ya asin Moses imbaga'tta tagu.

Galatians 6:13

Te taḵon ay didae nasogyatan, adidapun tuttuwaon da lintog Moses yaḵon piondae ampasogyat ḵayu ta awad isḵaḻdae nampasogyat ḵayu'tte gapu ḵan dida.