John 7:15 - Sa Ugud Apudyus

¹⁵ Pun nataag da papangat da Judyu woḵ ḵananda, “Naippun nangatu'ḵ adaḻ ni annae tagu. Dinu nangaḻ-ana si laingna?”

John 7:15 ပူးပေါင်းရင်းမြစ်များ

Matthew 13:54

woḵ nipauli si mismu we ilinae dummaḵoḻana. Ummoy atte sinagoga ta antuttudu woḵ nasdaaw da nandongoḻ ḵan siya. Ḵanandae nan-asiimus, “Ngai nangaḻ-ana si laingna ḵan ḵabooḻanae angwa'tta nakaskasdaaw?

Matthew 22:22

Dingngoḻda ḵad insongbatna, nataagda pun tinenanda woḵ mabuḵaḻda.

Matthew 22:33

Da tagu we nandodongngoḻ nataagda'tta intuttuduna.

Luke 2:47

Da losane nandongoḻ ḵan siya, nataagda'tte laingna ya da isongbatna.

Luke 4:22

Losan da tagu nan-ugud aḵ ambaḻu mipanggob ḵan Jesus te nataagda'tte allin-awae nan-uugudna. Inninggaw os da sin-aayutimtime ḵananda, “Daḵampun ḵamman aḵ siya abeng Joseph?”

John 1:19

Annaya tinaḵdoḻan John. Sin-aḻgawan ḵad, imbuun da papangat da Judyu ad Jerusalem da udume papadi ya da udume ganaḵ Levi ta umoyda imuson ḵan John nu ngai'ḵ siya.

John 7:11

Nangwa ḵad da papangat da Judyu, singsingtonda'tte gayagayae ḵananda, “Dimman aḵ Jesus?”

John 7:13

Yaḵon adidapun indangsoḻe angug-uggud si mipanggob ḵan siya te maḵimutda'tta papangat da Judyu.

John 7:46

Ḵanan da guwaḻda, “Adinipun te naippun paat miyisu'tte an-uugudnae ambaḻubaḻu!”

Acts 26:24

Sa nanaḵdoḻan Paul atte long-agna, napapḵaaw aḵ Festus woḵ ḵanana, “Natingangḵa Paul! Sa ummamdane inadaḻnu natingangam!”

Acts 4:13

Innilan ḵad da ḵuḵunsisaḻ tuḻod da Peter ḵan John nataagda te igammudae nababa ḵasasaaddae tagu we adidapun naadaḻan. Pun immatunandae nibuḻubuḻunda ḵan Jesus.