John 6:61 - Sa Ugud Apudyus

⁶¹ Taḵon ay nu naippun angibaga ḵan siya, igammun Jesus we singngongonot da disipuluna woḵ ḵanana ḵan dida, “Nadismaya ḵayu ḵamman atta intuttuduḵ ḵan diḵayu?

John 6:61 ပူးပေါင်းရင်းမြစ်များ

Matthew 11:6

Ḵad ibagayu bos ḵan siyae pian tagu we adipun anduwaduwa si mipanggob ḵan saḵon.”

Matthew 17:27

Yaḵon daḵampun aḵ pion taḵu paḻawengon da annae tagu. Inḵa amungwit si baybay. Ḵad itaḵdangnu umunae ugadiwe mabungwitan. Ḵad taḵangom sungadna ḵad awad de pilaḵe laḻammogta ambayad si bugista. Aḻam ya binayadam bugista.”

John 16:19

Inigammun Jesus pionda imuson ḵan siya pun ḵanana ḵan dida, “Siya ḵamman nan-asiimusanyu pioḵ ḵanan si imbagaḵe, ‘Sin-aḵitan ya adiyupun ogon ilan saḵon ḵad sin-aḵitan os ya ilanyu saḵon’?

John 21:17

Pun impiḵlun Jesus ḵanan ḵan siya, “Simon we abeng John, ay-ayatom pagay saḵon?” Pun nasuḻsuḻdung aḵ Peter te piḵlunae nangimus ḵan siya we ḵanana, “Ay-ayatom pagay saḵon?” Ḵanan Peter, “Apu, igammum da losan. Ḵad igammume ay-ayatoḵ siḵa.” Ḵanan Jesus ḵasin, “Ayyuwanam da karneroḵ.

John 6:64

Yaḵon awad ḵan diḵayu da adipun amati.” Te gagangaye inigammun Jesus nu ngai da adipun amati ya sa angituyuḵ ḵan siya.

Hebrews 4:13

Naippun mitaḻu ḵan Apudyus te losane ḵingwana ampataḵda si antotollongna. Ḵad songbatan taḵu ḵan siya da losane ḵingwa taḵu.

Revelation 2:23

Gongatoḵ os da angunud ḵan siya. Ḵad siya angigammuwan da losane gimung da namati ḵan saḵone tuttuwae angigammu'tte awad atta somsomoḵ ḵan pusun da tagu. Ḵad gungunaaḵ sin-ossaossa ḵan diḵayu sigun atta ḵingwayu.