John 6:51 - Sa Ugud Apudyus

⁵¹ Saḵon maḵane angitod si biyag aḵ ingganae naḻpu'd langit. Ḵad ngaimane angan atte annae maḵan, matagu'ḵ inggana. Sa sanae maḵan, sa long-agḵu we ittoḵ ta matagu da tagu si lubung.”

John 6:51 ပူးပေါင်းရင်းမြစ်များ

Matthew 20:28

Siya unudonyu saḵone Abeng Di Tagu te daḵampun aḵ ummaliyaḵ ta anserbi da tagu ḵan saḵon. Yaḵon ummaliyaḵ ta anserbiyaḵ ḵan dida ya ittoḵ biyagḵu ta masubut da adu we tagu'tte madusaanda'tta basuḻda.”

Luke 22:19

Pun innaḻana bos tinapay woḵ nagangput ḵad nanggappiya ḵan Apudyus, binisbisaḵna woḵ ḵananae nangitod ḵan dida, “Sana long-agḵu we ittoḵ ḵan diḵayu. Pasigyu ḵoon ḵaḵna ta angiḵagasmoḵanyu ḵan saḵon.”

John 1:14

Sa Ugud, nambalin aḵ tagu woḵ inninggaw ḵan ditaḵu. Amod de ḵinabaḻuna ya ḵatuttuwaan da losane imbagabagana. Innilani ḵan siya nakaskasdaawe ugalin Apudyus te siya abus aḵ Abeng we naḻpu ḵan Amana.

John 1:29

Mabigat ḵad, innilan John aḵ Jesus we annate umali woḵ ḵanana, “Ilanyu! Annaya Karneron Apudyus we innatodna'ḵ midatun ta angaan atta basuḻ da tagu'tte lubung.

John 11:26

Ḵad ngaimane matagu ya amati ḵan saḵon, adipun paat matoy. Patiyom ḵamman anna?”

John 3:13

Naippun nampangatu'd langit yaḵon abusaḵe Abeng Di Tagu we dummoḻae naḻpu'd langit.

John 3:14

Sa ḵingwan Moses, intayagna gambange sinan-uḻog si inninggawanda'tte bumbummaaw. Sadi isun ni maḵwa ḵan saḵone Abeng Di Tagu we ḵasapuḻane mitaḻayag,

John 3:16

Gapu ta amod de ayat Apudyus atta tagu si lubung, innatodna os-ossaane abengna'ḵ datun ta ngaimane amati ḵan siya, adipun madusa'ḵ inggana yaḵon awad ḵan siya biyag aḵ inggana.

John 3:36

Ḵad ngaimane tumuttuwa gapu si amatiyana'tte Abengna, maatod ḵan siya biyag aḵ inggana. Yaḵon sa adipun tumuttuwa gapu si adinapun amatiyan atte Abengna, ippun ḵan siya biyag aḵ inggana yaḵon sa sangan Apudyus iinggaw ḵan siya.

John 5:24

“Ibagaḵ ḵan diḵayu ḵatuttuwaan, ngaimane amati'tta ugudḵu ya amati'tte nangibuun ḵan saḵon, awad ḵan siya biyag aḵ inggana. Adipun ogon maḵuwis te illasatna dusa woḵ awad ḵan siya biyag aḵ inggana.

John 6:33

Te sa maḵane itton Apudyus, siya dummoḻae maḻpu'd langite angitod si biyag aḵ inggana'tta tagu si lubung.”

John 6:35

Ḵanan Jesus, “Saḵon maḵane angitod atte biyag aḵ inggana. Ḵad da umali ya amati ḵan saḵon, adidapun paat mauḻat ḵan mauwaw.

John 6:41

Pune sadi, insaḻad da Judyu we singngongonot ḵan siya te ḵanana, “Saḵon maḵane naḻpu'd langit.”

John 6:47

Ibagaḵ ḵan diḵayu ḵatuttuwaan, ngaimane amati ḵan saḵon, awad ḵan siya biyag aḵ inggana.

John 6:48

Te saḵon maḵane angitod atte biyag.

John 6:50

Sa maḵane ugudoḵ, sana tuttuwae maḵane dummoḻae naḻpu'd langit. Ḵad ngaimane angan, adipun paat matoy.

John 7:38

Ngaimane amati ḵan saḵon, maitttan si awade nibaga'tte nigili si Ugud Apudyus we ḵanana, ‘Sa danume angitod si biyage isun di bubune bumubuse maḻpu'tte pusuna ya adipun mattuḵan.’ ”

2 Corinthians 5:19

Sa pionni ibaga, mipagapu'tte ḵingwan Kristu, impaḻ-og Apudyus maḵabuḻbuḻunan da tagu ḵan siya woḵ adinapun ogon ibelang da basuḻda. Intaḻgodna ḵan diḵani mituttuduwan ni sanae damag atte angipaḻ-ogan Apudyus si maḵabuḻbuḻunan da losane tagu ḵan siya.

2 Corinthians 5:21

Aḵ Kristu, ippun paat basuḻna. Yaḵon gapu ḵan ditaḵu, imbelang Apudyus aḵ ḵabasbassuḻan ta mipagapu si niyossaanan taḵu ḵan siya, aḵ Apudyus angwa si maun-unan taḵu.

Ephesians 5:2

ta miyisu oḵyan an-aayatyu si nan-aayat Kristu ḵan ditaḵu. Te innatodna long-agna'ḵ matoy para ḵan ditaḵu ya sa natoyana, isunan ambangu we datun ḵan Apudyus we mas-omana.

Ephesians 5:25

Ḵan diḵayu bose lallaḻaḵi, ḵasapuḻane ayatonyu da asawayu we isun ni an-aayat Kristu ḵan ditaḵu we namati. Te sa ḵingwana, innatodna biyagna para ḵan ditaḵu si natoyana,

Titus 2:14

Siya nangitod si long-agna'ḵ matoy para ḵan ditaḵu ta mapuḵayan taḵu'tta losane ḵabooḻan ni basuḻ ya papoḻḵasona ditaḵu'tta basuḻ taḵu aḵ mitotoḵḵone tagunae sillalaylayade angwa'tta ambaḻu.

Hebrews 10:20

Inggan ni nangidatunana si long-agna, imbuḵatna ḵan ditaḵu baru we daḻane lumnoḵ si igaw Apudyus we angidatong ḵan ditaḵu si biyag aḵ inggana. Sa natoyana isun ni napissayan ni kortinae nangibuḵat si daḻane lumnoḵ si Ḵasantuwane Kuwartu.

1 Peter 2:4

Umadani ḵayu ḵan Apu Jesus we mipani si matattagu we batu. Sa annae batu, indiyan da tagu yaḵon siya pinilin Apudyus aḵ ḵapatogan ḵan siya.

1 John 2:2

Siya bos nangidatun atte long-agna ta maḵaan sangan Apudyus ya mapakawan da basuḻ taḵu ya daḵampun aḵ abus da basuḻ taḵu yaḵon da basuḻ os da losane tagu'tte annae lubung.

1 John 4:10

Ḵad sana gattoḵe ayat: Daḵampun atte ayat taḵu ḵan Apudyus yaḵon sa ayatnae impailana ḵan ditaḵu si nangibuunana si Abengna ta siya angidatun atte long-agna ta maḵaan sangan Apudyus ya mapakawan da basuḻ taḵu.

1 John 4:14

Ḵad innilani ḵan panoḵnoḵanni ye imbuun Apudyus we Ama Abengna aḵ anagu'tta tagu si annae lubung.