John 6:45 - Sa Ugud Apudyus

⁴⁵ Te ḵanan ni inggilin da profeta si awe, ‘Tuttuduwan Apudyus da losane tagu.’ Ḵad ngaimane andongoḻ ya an-adaḻ ḵan Amaḵ, dida da umali ḵan saḵon.

John 6:45 ပူးပေါင်းရင်းမြစ်များ

Matthew 11:27

Pun ḵanan Jesus atta tagu, “Innatod Amaḵ we Apudyus ḵan saḵon da losane ḵabooḻan ḵan laing. Iniiggammuna saḵon ya naippun udum aḵ nangigammu ḵan saḵon. Ḵaḵna bos aḵ Amaḵ we naippun angigammu ḵan siya malaksid ḵan saḵon ya da ngaimane tagu we pioḵ angipaigammuwan.”

Matthew 17:5

Sissiya ḵade an-uguugud, baag-en nalibuuwanda si ampaddapadda woḵ dingngoḻda gingae naḻpu'tte libuu we ḵanana, “Annaya ay-ayatoḵe abengḵu ya siya masmas-omaḵ. Dongngonyu da ibagana.”

Mark 1:2

Inninggaw imbagan Apudyus atte Abengna si awe ye impaigilina ḵan Profeta Isaiah we ḵanana, “Dongngonyu! Awad de ibuunḵu we umun-una nu siḵa ta umoyna isagana daḻane ayom.

Luke 1:70

Siya impaibagan Apudyus atta profetanae nanserbi ḵan siya si awe

Luke 18:31

Pun imbattawana da nasawaḻan aḵ duwae disipuluna woḵ ḵanana ḵan dida, “Dongngonyu! Sinsadi anagada taḵu'd Jerusalem, ḵad da losane inggilin da profeta si mipanggob ḵan saḵone Abeng Di Tagu, mituttuwada.

John 10:27

Te da karneroḵ dongngonda gingaḵ. Ḵad igammuḵ dida ya tun-udonda saḵon.

John 6:37

Da losane tagu we intaḻgod Amaḵ ḵan saḵon, dida bos da umali ḵan saḵon. Ḵad ngaimane umali ḵan saḵon, adiḵpun paat paḻyawon.

John 6:65

Pinagatupana bos woḵ ḵanana, “Sana gapun ni nangibag-aḵ ḵan diḵayu we naippun ḵallamog umali ya amati ḵan saḵon nu adin Amaḵ iyunud.”

Acts 13:40

Pun ummanyu ta adi maḵwa ḵan diḵayu imbagan ni profeta we ḵanana,

Acts 7:42

Nan-awidan Apudyus dida ya binaybay-anae andayawda'tta init, soḻag ḵan da bituwon ad langit, isun ni nigili si iblun da profetan Apudyus we ḵanana, “ ‘Diḵayu we ganaḵ Israel, indatunyu ḵad ain ḵan saḵon da ayame insidayu ya da atodyu si opatpuḻu we tawone inninggawanyu'tte bumbummaaw?

Ephesians 1:17

Ḵad ḵodaḵodawoḵ si madaydayawe Ama taḵu we Apudyus ḵan aman Apu taḵu we Jesu Kristu mipagapu si Ispiritu Santu we ittona oḵyan ḵan diḵayu ḵinalaing ḵan ipaigammuna mipanggob ḵan siya.

Philippians 3:15

Ḵatti oḵyan sosomḵon taḵu losane nanaḵman si pammati. Yaḵon nu awad nisabali somsomoḵna ḵan diḵayu, aḵ Apudyus angipaigammu ḵan siya si ustu.

1 Thessalonians 4:9

Yaḵon sa mipanggob si ayat atta sunud si pammati, naippun ibagani te aḵ Apudyus we mismu nanuttudu ḵan diḵayu'tte inonyu we an-asiayat.

Hebrews 10:16

“Annaya tuḻage ḵooḵ ḵan dida'tte umali ye aḻgaw. Imuḻaḵ da lintogḵu'tta somsomoḵda ya igiliḵ atta pusuda.

1 John 2:27

Yaḵon sa Ispiritu Santu we inawatyu, siya iinggaw ḵan diḵayu, pun daḵampun aḵ ḵasapuḻane awad angituttudu ḵan diḵayu mipanggob si ḵatuttuwaan. Yaḵon sa Ispiritu Santu angituttudu ḵan diḵayu'tta losane ḵatuttuwaan ya ippun tuli'ḵ ituttuduna. Pun unudonyu da intuttuduna ḵan diḵayu ta iinggaw ḵayu ḵan Kristu.