John 6:30 - Sa Ugud Apudyus

³⁰ Ḵananda bos, “Ngai nakaskasdaawe sinyale ḵoom ta ilanni ya amati ḵani'tta imbagam? Ngai ḵoom?

John 6:30 ပူးပေါင်းရင်းမြစ်များ

Mark 15:32

Dumoḻa ud oḵyan sinsadi'tte kros sanate Kristu we Arin da ganaḵ Israel ta ilan taḵu ḵad, amati taḵu.” Taḵon ay da tulisane nipattoḻ si daḻnig Jesus, isuna bose inang-angyagda'ḵ Jesus.

Mark 8:11

Pun inninggaw da udume Pharisee ye ummoy ḵan Jesus. Pionda padason, pun insaḻaddae nansosongbat. Ḵad ḵindawdae ḵoona nakaskasdaawe sinyal ta mapanoḵnoḵane aḵ Apudyus pagay nangibuun ḵan siya.

John 10:38

Yaḵon nu ḵooḵ dida, taḵon ay nu adiyu saḵon patiyon, patiyonyu oḵyan da ḵooḵ ta igammuwonyu ya maawatanyu we sa Ama awad ḵan saḵon ya awadaḵ os ḵan siya.”

John 12:37

Taḵon ay nu adu da nakaskasdaawe sinyale impailan Jesus ḵan dida, sissiyae adidapun amati ḵan siya,

John 2:18

Innilan ḵad da papangat da Judyu ḵingwana ḵananda, “Ngai sinyale ipailam ḵan diḵani ta panoḵnoḵame anna ḵaḻabbongame angwa'tta ḵaḵna?”

John 6:14

Innilan ḵad da amode tagu da nakaskasdaawe sinyale ḵingwan Jesus ḵananda, “Sana pagay tuttuwae profeta we inkarin Apudyus we umali si annae lubung.”

John 6:2

Amoamod da tagu we nitun-ud ḵan siya te innilada da nakaskasdaawe ḵingwana'tta nasaḵit.

John 6:36

Yaḵon ibagaḵ ḵan diḵayu we taḵon ay nu innilayu saḵon, sissiyae adiḵayupun amati.

Acts 4:30

Ipailam ḵabooḻame angaan atta saḵit ya angwa'tta nakaskasdaaw mipagapu'tte ḵabooḻan Jesus we nasantuwane sammilum.”

1 Corinthians 1:22

Te da Judyu, ḵasapuḻan da awad mipaila'ḵ nakaskasdaaw aḵ amatiyanda. Ḵad da Gentil, siya singtonda ḵinalaing.

Hebrews 2:4

Ḵad aḵ Apudyus we mismu pinanoḵnoḵana si tuttudunae tuttuwa gapu si nangittana si sinyal ni ḵabooḻana ya da nansabasabali ye miraculu. Ḵad innatodna'tta namati ḵabooḻane iwaḻas ni Ispiritu Santu sigun atte piniona.