John 5:39 - Sa Ugud Apudyus

³⁹ Adaadaḻonyu nigili ye Ugud Apudyus te ḵananyupun nu sadi angitod ḵan diḵayu si biyag aḵ inggana. Ḵad sa sanae Ugud Apudyus siya anaḵdoḻ si mipanggob ḵan saḵon.

John 5:39 ပူးပေါင်းရင်းမြစ်များ

Matthew 22:29

Ḵanan Jesus we summongbat, “Nankamali ḵayu te adiyupun naawatan nigili ye Ugud Apudyus ya sa ḵabooḻana.

Mark 10:3

Ḵanan Jesus, “Ngai ḵad ain imbilin Moses ḵan diḵayu'tte awe?”

Mark 12:10

Iḵagasmoḵyu oḵyan binasayu si nigili ye Ugud Apudyus we ḵanana, “ ‘Sa batu we indiyan da nantaḵad aḵ boḻoy, siya nambalinon Apudyus aḵ ḵapatogane batu we amapagdot atte boḻoy.

Luke 16:29

“Yaḵon ḵanan Abraham, ‘Nu mipanggob atta susunudnu, awad de inggilin Moses ya da profeta we anuttudu ḵan dida. Ḵad dongngonda oḵyan ya tuttuwaonda da sanae nigili.’

Luke 16:31

“Yaḵon ḵanan Abraham, ‘Nu adida amati'tta inggilin Moses ya da profeta, adidapun os maawise amati taḵon ay nu awad umuli ye maḻpu'tta natoy.’ ”

Luke 24:25

Pun ḵanan Jesus ḵan dida, “Anḵadong-og ḵayu! Ngaipa anḵamnut amatiyanyu'tta losane imbagan da profetan Apudyus?

Luke 24:27

Pun impaḵaawat Jesus ḵan dida da losane nigili'tte Ugud Apudyus mipanggob si long-agna, nisaḻad atte umunae iblun Moses inggana'tta losane inggilin da profetan Apudyus.

Luke 24:44

Pun ḵanana ḵan dida, “Da annae naḵwa, ustuustu'tta imbagaḵ si sissiyaaḵ ḵan diḵayu: Losan atta nigili ye lintog Moses ya da profetan Apudyus ya da losane nigili'tte Psalm atte mipanggob ḵan saḵon ḵasapuḻane mituttuwada.”

John 1:45

Pune sadi, indasan Philip aḵ Nathanael woḵ ḵanana ḵan siya, “Indasanni tagu we inggilin Moses si lintog ya da profetan Apudyus atte awe. Siya'ḵ Jesus we abeng Joseph we iNazareth.”

John 5:32

Yaḵon awad de osae anaḵdoḻ ḵan saḵon. Ḵad igammuḵe tuttuwa da ibagana si mipanggob ḵan saḵon.

John 5:36

Yaḵon awad de anaḵdoḻ ḵan saḵone nangatngatu nu aḵ John. Te da ḵooḵe impaḵwan Amaḵ, sana da anaḵdoḻe saḵon imbuunna.

John 5:40

Yaḵon adiyupun pione umali ḵan saḵon ta ittoḵ ḵan diḵayu biyag aḵ inggana.

John 5:46

Ḵad nu amati ḵayu ḵan Moses, amati ḵayu oḵyan os ḵan saḵon te inggilina mipanggob ḵan saḵon.

John 7:52

Ḵanandae summongbat ḵan siya, “Isum nin naḻpu'tte probinsiya'd Galilee. Singtom si Ugud Apudyus woḵ igammuwome naippun profeta'ḵ naḻpu'tte probinsiya'd Galilee.”

Acts 13:27

Te da tagu'd Jerusalem ya da papangatda, adidapun immatunane aḵ Jesus baḵon nu naawatan da imbagabagan da profetan Apudyus we basabasaonda'tta umillongan da Judyu. Pun dida nangituttuwa'tta imbagan da profetan Apudyus si nangoddonganda ḵan Jesus aḵ matoy.

Acts 17:11

Da annae Judyu amo nabaḻbaḻu ugalida nu da iThessalonica te sisinnoogonda Ugud Apudyus ḵad inaḻgawe adaadaḻonda ta panoḵnoḵanda nu tuttuwa da intuttudun Paul.

Acts 26:27

Ari Agrippa, patiyom ḵamman imbagan da profetan Apudyus? Igammuḵe patiyom.”

Romans 1:2

Sa annae Ambaḻu we Damag, mipanggob si abengnae inkarina si awe atte impaigilinae ugudna mipagapu'tta profetanae an-uuggudona. Nu mipanggob si ḵinatataguna, naḻpu'tta ganaḵ Ari David.

Romans 3:2

Sa ḵatuttuwaan, ampatog tagu we mibelang aḵ Judyu. Sa umuna, ditaḵu nangitaḻgodan Apudyus si nigili ye ugudna.

Colossians 3:16

Ḵad pasigyu oḵyan isisimoḵ mipanggob atta tuttudun Kristu. An-asituttudu ya an-asibagbaga ḵayu we usaronyu da losane ḵinalainge innatodna. Ḵantaonyu da ḵantae naḻpu'tta de Psalm, sa udume nigili'tte Ugud Apudyus ya da udume ḵantan da namati ye andayaw ḵan Apudyus ḵad pasig oḵyane anggappiya ḵayu ḵan Apudyus atta somsomoḵyu.

Hebrews 11:16

Yaḵon siya amaamayonda nabaḻu we ili ye siya'd langit. Pun sadi gapunae adipun mabain aḵ Apudyus si awaganda'ḵ Apudyusda te insaganaana dida'ḵ siyudad ad langit.

Hebrews 11:35

Gapu'tte pammatin da udume bubai, inawatda da ummuli ye ḵabagiyandae nanḵaḵatoy. Da udum, adidapun pione mapuḵayan atte ampaḵaḻamanda. Minangnuda nampaḵaḻamda inggana'ḵ natoyda ta umulida si nabaḻbaḻu we biyag.

Revelation 19:10

Sa nangugudan ni anghel atte sadi, nanalluḵuwaḵe andayaw ḵan siya. Yaḵon ḵanana, “Adipun ḵasapuḻane ḵoom ḵaḵnat! Aḵ Apudyus abuse andayawam! Saḵon ḵad, anserserbiyaḵ ose isum ḵan Apudyus ya da susunudnu ḵan Kristu we sissiyae amati'tta impaigammun Jesus. Te da impaibagan ni Ispiritu Santu atta profeta, naḻpuda si impaigammun Jesus.”