John 5:36 - Sa Ugud Apudyus

³⁶ Yaḵon awad de anaḵdoḻ ḵan saḵone nangatngatu nu aḵ John. Te da ḵooḵe impaḵwan Amaḵ, sana da anaḵdoḻe saḵon imbuunna.

John 5:36 ပူးပေါင်းရင်းမြစ်များ

Matthew 11:4

Ḵanan Jesus, “Mipauli ḵayu ḵan John ya ibagayu da innilayu ḵan dingngoḻyu.

Luke 2:49

Ḵanan Jesus, “Ngaipayu ḵad ain saḵon taḻataon? Adiyupun ḵamman igammu we ḵasapuḻane annaaḵ si boḻoy Amaḵ?”

John 10:25

Ḵanan Jesus, “Ginangputḵu imbaga ḵan diḵayu yaḵon adiḵayupun amati. Da ḵewaaḻe ḵooḵ atte ḵaḻabbongan Amaḵ, dida anaḵdoḻ nu ngaiyaḵ.

John 11:37

Yaḵon ḵanan da udum, “Daḵampun ḵamman aḵ siya naniyat atta atan ni naḵuḻap ḵad ngaipana adi ḵinaan saḵit Lazarus ta adi oḵyan natoy?”

John 15:24

Naippun oḵyan maḵabasuḻanda nu adiḵ ḵingwa da nakaskasdaawe naippun maḵaḵwa. Yaḵon sinsadi ye innilada, sasangngaanda diḵani ḵan Amaḵ.

John 17:4

Indaydayawḵu siḵa sina'd luta si nangangputaḵ atta ḵewaaḻe innatodnu ḵan saḵone ḵooḵ.

John 2:23

Adu da namati ḵan siya si inggawana'd Jerusalem atte timpun ni Gayagayan da Judyu we ngannonda Nallausan te innilada da nakaskasdaawe sinyale ḵingwana.

John 3:17

Imbuun Apudyus abengna si lubunge daḵampun aḵ dusaona da tagu gapu'tta basuḻda. Yaḵon imbuunna ta taguwona dida si sadi ye madusaanda.

John 3:2

Sillabiyan ḵad, ummoy ḵan Jesus woḵ ḵanana, “Mistulu, igammuni ye siḵa imbuun Apudyus we umoy antuttudu ḵan diḵani te naippun maḵaḵwa'tta nakaskasdaawe sinyale ḵoom nu maid aḵ Apudyus ḵan siya.”

John 4:34

Pun ḵanan os Jesus ḵan dida, “Sa ḵanoḵ sa anuttuwaaḵ ḵan angangputaḵ atta ḵewaaḻe paḵwan ni nangibuun ḵan saḵon.

John 5:32

Yaḵon awad de osae anaḵdoḻ ḵan saḵon. Ḵad igammuḵe tuttuwa da ibagana si mipanggob ḵan saḵon.

Acts 2:22

Pinagatupan Peter woḵ ḵanana, “Susunude ganaḵ Israel, dongngonyu annae ibagaḵ ḵan diḵayu. Aḵ Jesus we iNazareth, pinanoḵnoḵan Apudyus ḵan diḵayu we imbuunna mipagapu'tta nakaskasdaaw ya da sinyale ḵingwan Apudyus ḵan diḵayu mipagapu ḵan siyae iniiggammuyu.

1 John 5:9

Nu patiyon taḵu panoḵnoḵ da tagu, amo patiyon taḵu oḵyan panoḵnoḵ Apudyus mipanggob si Abengna te nangatngatu'ḵ Apudyus we nangibaga.