John 4:15 - Sa Ugud Apudyus

¹⁵ Ḵanan ni bubai, “Apu, ittanaḵ ud atte sanate danum ta adiyaḵ ogon mauwaw ḵad agayḵu we umoy anaḵdu.”

John 4:15 ပူးပေါင်းရင်းမြစ်များ

John 4:16

Ḵanan Jesus ḵan siya, “Inḵa ayagan aḵ asawam ta umali ḵayu.”

John 6:26

Ḵanan Jesus ḵan dida, “Ibagaḵ ḵan diḵayu ḵatuttuwaan, singsingtonaḵ te nangan ḵayu ya nassug ḵayu'tte tinapaye impaḵanḵu ḵan diḵayu. Daḵampun aḵ gapu ta naawatanyu da nakaskasdaawe sinyale innilayu.

John 6:34

Ḵananda ḵan siya, “Mistulu, patilayunḵa oḵyan angitod si sanate maḵan.”

John 6:35

Ḵanan Jesus, “Saḵon maḵane angitod atte biyag aḵ inggana. Ḵad da umali ya amati ḵan saḵon, adidapun paat mauḻat ḵan mauwaw.

Romans 6:23

Te sa bayad ni basuḻ siya ḵatoy. Yaḵon sa libli ye atod Apudyus siya biyag aḵ inggana mipagapu si niyossaanan taḵu ḵan Jesu Kristu we Apu taḵu.

Romans 8:5

Te sa tagu we isisimoḵna pion ni long-agna, paituray atte pion ni long-agna. Yaḵon sa tagu we angwa'tta pion ni Ispiritu Santu, sa Ispiritu Santu angituray ḵan siya.

1 Corinthians 2:14

Yaḵon sa tagu we naippun Ispiritu Santu ḵan siya, adinapun awaton da ngaimane atode maḻpu'tte Ispiritu Santu te dinodong-og ḵan siya. Ḵad adinapun maawatan dida te abus da tagu we iinggawan ni Ispiritu Santu aḵ maḵaawat.

James 4:3

Ḵad taḵon ay nu anḵodaw ḵayu, adinapun os itton te lawweng panggobyu we anḵodaw. Te abus gangganason da long-agyu'ḵ ḵodawonyu.

1 John 5:20

Ḵumaḵlu, igammu taḵu we ummali Abeng Apudyus woḵ innatodna ḵan ditaḵu pannakaawat ta igammuwon taḵu tuttuwae Apudyus. Ḵad sinsadi iinggaw taḵu si tuttuwae Apudyus te iinggaw taḵu si Abengna we aḵ Jesu Kristu. Siya tuttuwae Apudyus ya siya maḻpuwan ni biyag aḵ inggana.