John 3:17 - Sa Ugud Apudyus

¹⁷ Imbuun Apudyus abengna si lubunge daḵampun aḵ dusaona da tagu gapu'tta basuḻda. Yaḵon imbuunna ta taguwona dida si sadi ye madusaanda.

John 3:17 ပူးပေါင်းရင်းမြစ်များ

Matthew 1:23

“Baag-en, mabugi babaḻasange ippun natnattoḵana. Umanaḵ aḵ laḻaḵi ḵad mangadanan aḵ Emmanuel.” Sa piona ugudon, “Anna ḵan ditaḵu'ḵ Apudyus.”

Matthew 18:10

Pinagatupan Jesus woḵ ḵanana, “Ilanyu ta adiyu am-amsewon ngaiman atta sanae amati ḵan saḵon ya ibelang da udum aḵ nababa te da anghel we anguguwaḻda ḵan dida, patilayune awadda ḵan Amaḵ ad langit.

Matthew 18:11

Saḵon ḵad ose Abeng Di Tagu, ummaliyaḵ ta iyyaḵ sington da tagu we naḵabasuḻ ya taguwoḵ dida ta adin Apudyus dida dusaon aḵ inggana.”

Luke 19:10

Te saḵone Abeng Di Tagu, ummaliyaḵ ta iyyaḵ sington ḵan taguwon da nataḻaḵe tagu.”

Luke 9:56

Pun ummoyda'tte sabali ye ili.

John 1:29

Mabigat ḵad, innilan John aḵ Jesus we annate umali woḵ ḵanana, “Ilanyu! Annaya Karneron Apudyus we innatodna'ḵ midatun ta angaan atta basuḻ da tagu'tte lubung.

John 10:36

Ngaipayu ḵanan ḵan saḵone intotoḵḵon ni Ama ya imbuunna si annae lubung, ‘Nan-ugud ḵayu'ḵ lawweng ḵan Apudyus,’ te sa imbagaḵ, ‘Saḵon Abeng Apudyus’?

John 11:42

Inigammuḵe pasige dongngom saḵon yaḵon ibagaḵ sana mipagapu'tta annae tagu we ataḵtaḵdog ta amatidae siḵa nangibuun ḵan saḵon.”

John 17:18

Sa nangibuunam ḵad ḵan saḵon si annae lubung isuna nangibuunaḵ atta disipuluḵ si lubung.

John 17:21

Iluwaḻuḵe an-os-ossaanom dida losan. Ama, awadḵa ḵan saḵon ya awadaḵ ḵan siḵa ya awadda oḵyan os ḵan dita ta amati da tagu we siḵa nangibuun ḵan saḵon.

John 17:23

Awadaḵ ḵan dida ya awadḵa ḵan saḵon ya an-ossaandae ustuustu ta igammuwon da tagu we siḵa nangibuun ḵan saḵon ya ay-ayatom didae isun ni an-aayatnu ḵan saḵon.

John 17:25

“Naun-unane Ama, da tagu we adipun namati adidapun inigammu siḵa yaḵon inigammuḵ siḵa ya da disipuluḵ igammudae siḵa nangibuun ḵan saḵon.

John 17:3

Ḵad sana biyag aḵ inggana, siya angigammuwandae siḵa abus aḵ tuttuwae Apudyus ya saḵon aḵ Jesu Kristu we imbuunnu.

John 17:8

Te intuttuduḵ ḵan dida ugudnu we innatodnu ḵan saḵon woḵ tinuttuwada. Igammuda ḵatuttuwaane naḻpuwaḵ ḵan siḵa ḵad namatidae siḵa nangibuun ḵan saḵon.

John 20:21

Pun ḵanan os Jesus ḵasin ḵan dida, “Lin-awa awad ḵan diḵayu. Ibuunḵu diḵayu we isun ni nangibuunan Amaḵ ḵan saḵon.”

John 3:34

Sa imbuun Apudyus, siya ugudona da Ugud Apudyus te innatod Apudyus Ispiritu Santu ḵan siyae ippun anungusna.

John 5:36

Yaḵon awad de anaḵdoḻ ḵan saḵone nangatngatu nu aḵ John. Te da ḵooḵe impaḵwan Amaḵ, sana da anaḵdoḻe saḵon imbuunna.

John 5:38

Ḵad sa ugudna, adipun lumnoḵ atta somsomoḵyu te adiḵayupun amati ḵan saḵone imbuunna.

John 5:45

Adiyu ḵanane saḵon amabasuḻ ḵan diḵayu si sinagung Amaḵ te aḵ Moses amabasuḻ ḵan diḵayu. Te namnamaonyu we taguwon diḵayu nu amati ḵayu'tte sadi ye inggilin Moses. Yaḵon adiḵayupun namati.

John 6:29

Ḵanan Jesus, “Annaya pinion Apudyus we ḵoonyu, amati ḵayu oḵyan ḵan saḵone imbuunna.”

John 6:38

Te daḵampun aḵ ummaliyaḵe naḻpu'd langit ta ḵooḵ da pinioḵ yaḵon ummaliyaḵ ta ḵooḵ da pinion ni nangibuun ḵan saḵon.

John 6:40

te sa pinion Amaḵ, losane angimatune saḵon Abengna ya amati ḵan saḵon, maittanda si biyag aḵ inggana. Ḵad pauliyoḵ dida taguwon si anungus ni aḻgaw.”

John 6:57

Aḵ Amaḵ we naḻpuwan ni biyag, imbuunaḵ woḵ nataguwaḵ gapu ḵan siya. Pun sadi isun ni angan atte long-agḵu, matagu bos gapu ḵan saḵon.

John 7:29

Saḵon ḵad, igammuḵ te siya naḻpuwaḵ ya siya nangibuun ḵan saḵon.”

John 8:11

Ḵanan ni bubai, “Apu, naippun.” Ḵanan Jesus, “Taḵon ay saḵon, adiḵpun os siḵa pabasuḻon. Inḵan ya adiḵa ogon bumasuḻ.”

John 8:42

Ḵanan Jesus, “Nu Amayu oḵyan aḵ Apudyus, ayatonyu saḵon te naḻpuwaḵ ḵan siya ya annaaḵ sinsadi. Daḵampun aḵ ḵasomsomḵaḵ ummaliyaḵ yaḵon imbuun Apudyus saḵon.

1 John 2:2

Siya bos nangidatun atte long-agna ta maḵaan sangan Apudyus ya mapakawan da basuḻ taḵu ya daḵampun aḵ abus da basuḻ taḵu yaḵon da basuḻ os da losane tagu'tte annae lubung.

1 John 4:14

Ḵad innilani ḵan panoḵnoḵanni ye imbuun Apudyus we Ama Abengna aḵ anagu'tta tagu si annae lubung.