John 21:22 - Sa Ugud Apudyus

²² Ḵanan Jesus, “Nu pioḵe sissiyae matagu inggana'ḵ mipauliyaḵ, ngai ḵad ain biyangnu? Tun-udonaḵ!”

John 21:22 ပူးပေါင်းရင်းမြစ်များ

Matthew 16:24

Pun ḵanan Jesus atta disipuluna, “Ngaimane pionae mitun-ud ḵan saḵon, ḵasapuḻane an-awidana long-agna, buḵudona de krosna ya mitun-ud ḵan saḵon.

Matthew 24:27

Te saḵone Abeng Di Tagu, sa umaliyaḵ mailan da losane tagu we isunan ḵilate mamamdiyat si dumingitan init inggana si mipisongana.

Matthew 24:3

Pun tutuḵdu ḵad aḵ Jesus atte Beleg Olives, ummoy da disipulu iyyagapaap ḵan siya woḵ ḵananda, “Apu, ḵamaan ni maḵwaan ni imbagam ḵan diḵani? Ḵad ngai da sinyale angigammuwanni ye madam-an mipauliyam ya sa angigammuwanni si anungus ni timpu?”

Matthew 24:44

Pun ḵasapuḻane maḵasagana ḵayu oḵyan te dumatong Abeng Di Tagu si timpu we adiyupun namnamaon.”

Matthew 25:31

Pun pinagatupan Jesus woḵ ḵanana, “Nu umaliyaḵe Abeng Di Tagu, maila nakaskasdaawe ḵinaapudyusḵu ya buḻunḵu da adu we anghel ḵad tumuḵduwaḵ atte tronoḵe an-ari.

Matthew 8:22

Ḵanan Jesus ḵan siya, “Tun-udonaḵ. Awad da adipun amati ḵan saḵone isudan natoy, dida asi umoy angilibon atta natoyda.”

Mark 9:1

Pinagatupan Jesus woḵ ḵanana, “Ibagaḵ ḵan diḵayu ḵatuttuwaan, awad da udum ḵan diḵayu we adidapun yan matoy inggana'ḵ ilanda ḵabooḻan Apudyus si ampangatana.”

John 21:19

Imbagan Jesus sana ta ipaigammuna inon Peter we matoy ta midayaw aḵ Apudyus. Ḵanana ḵan Peter, “Tun-udonaḵ.”

John 21:21

Innilan ḵad Peter, ḵanana ḵan Jesus, “Apu, ngai inon ni annae tagu nu?”

1 Corinthians 11:26

Sa timpu we angan ḵayu si tinapay ḵan uminum ḵayu si bayas, ipaigammuyu natoyan Apu inggana'ḵ angulinana.

1 Corinthians 4:5

Pun adiyu ḵuwison da asintataguyu'tte daampun timpuna. Uwayonyu ustu we timpu we dumaḵngan Apu ta siya anḵuwis. Te siya angitoḵwaḻ atta losane mitataḻu ya siya bos angipaigammu si panggob da pusuda. Sanat timpu we asin Apudyus padayawan tagu sigun atta ambaḻu we ḵingwana.

1 Thessalonians 2:19

Pionni pagay umali te antaḻgod ḵani ye ipapatiyu we amati. Ḵad gapu si sadi, maganasan ḵani si mipanggob ḵan diḵayu. Ḵad nu umali ḵasin aḵ Apu taḵu we Jesu Kristu, antaḻgod ḵani ye misangu ḵan siya te diḵayu da ambaḻu we nambanagan ni ḵewaaḻni.

James 5:7

Pun diḵayu we susunudḵu ḵan Kristu, ḵasapuḻane anusanyu da losane ampaḵaḻamanyu inggana'tte umaliyan Apu. Sosomḵonyu ḵad da mammaumae anusanda uuwayon umudanana ta ammuḻada ya anusanda bos uwayon umudanana ta dumaḵoḻ da ampatoge immuḻada inggana'ḵ dumatong an-apitanda.

James 5:8

Anusanyu bos papigsaon da somsomoḵyu te madam-an umaliyan Apu.

Revelation 1:7

Sosomḵonyu anna, umali'ḵ Jesus we midoga'tta libuu ḵad ilan da losane tagu. Taḵon ay da nanuy-uḵ ḵan siya, ilanda ya da losane tagu sina'd luta sin-iibilda gapu'tte ogyatda. Tuttuwa da anna. Amen.

Revelation 2:25

Sa abuse ibagaḵ ḵan diḵayu, ipapatiyu unudon tuttuwae tuttudu inggana'ḵ umaliyaḵ.

Revelation 22:20

Sa anaḵdoḻe tuttuwa losan da anna ḵanana, “Tuttuwae madam-an umaliyaḵ.” Amen! Awwaynu, Apu Jesus.

Revelation 22:7

Pune sadi ḵanan Jesus, “Dongngonyu anna. Madam-an angulinaḵ. Pian tagu we tuttuwaona da ngaimane nipadtu si annae iblu.”

Revelation 3:11

Madam-an timpu we umaliyaḵ. Pun ipapatiyu unudon tuttuwae tuttudu ta ippun osa'ḵ angaan atte gungunayu.