John 21:15 - Sa Ugud Apudyus

¹⁵ Nagangputda ḵad nanugda, ḵanan Jesus ḵan Simon Peter, “Simon we abeng John, amo ay-ayatom pagay saḵon nu da annae udum?” Ḵanan Peter, “On Apu, igammume ay-ayatoḵ siḵa.” Ḵanan Jesus, “Pun ayyuwanam da karneroḵ.”

John 21:15 ပူးပေါင်းရင်းမြစ်များ

Matthew 10:37

“Sa tagu we amod ayatna'tta amana ḵan inana ya da abengna nu sa ayatna ḵan saḵon, adipun mibelang aḵ disipuluḵ.

Matthew 16:17

Pun ḵanan Jesus, “Pianḵa ḵammos, Simon we abeng Jonah te daḵampun aḵ tagu nangipaigammu ḵan siḵa nu adi aḵ Amaḵ we awad ad langit.

Matthew 18:10

Pinagatupan Jesus woḵ ḵanana, “Ilanyu ta adiyu am-amsewon ngaiman atta sanae amati ḵan saḵon ya ibelang da udum aḵ nababa te da anghel we anguguwaḻda ḵan dida, patilayune awadda ḵan Amaḵ ad langit.

Matthew 26:33

Ḵanan Peter ḵan siya, “Taḵon ay nu tenan da buḻunḵu siḵa gapu'tte maḵwa ḵan siḵa, adiḵpun siḵa tenan.”

Matthew 26:35

Pun ḵanan Peter ḵan siya, “Taḵon ay nu ḵasapuḻane maḵaḵatoyaḵ ḵan siḵa, adiḵpun paat puḵlitan siḵa.” Pun ḵaḵna bos imbagan da udume disipulu.

Mark 14:29

Ḵanan Peter, “Taḵon ay nu tenan da buḻunḵu siḵa, adiḵpun paat siḵa tenan.”

Luke 12:32

“Adi ḵayu maḵimut, taḵon ay nu aḵit ḵayu we disipuluḵ te aḵ Apudyus we Ama taḵu allaylayade nanomsomoḵe midoga ḵayu si ampangatana.

Luke 22:32

Yaḵon illuwaḻuwaḵ siḵa Simon ta adi pammatim maabaḵ ḵad nu ansagungḵa ḵan saḵon, ḵasapuḻane papigsaom oḵyan pammatin da susunudnu we namati.”

John 1:42

Pun inniyoyna'ḵ Simon woḵ ummoyda si igaw Jesus. Intollong ḵad Jesus ḵanana, “Siḵa'ḵ Simon we abeng John. Sinsadi ngadanaḵ siḵa'ḵ Cephas.” Sa ngadane Cephas atte Hinebrew, Peter atte Greek. Ḵad sa piona ḵanan batu.

John 13:37

Ḵanan Peter ḵan siya, “Apu, ngaipa adi maḵwae mitun-udaḵ sinsadi? Ittoḵ long-agḵu'ḵ matoy gapu ḵan siḵa.”

John 16:27

Te aḵ Amaḵ we mismu ayatona diḵayu te inayatyu saḵon ya namati ḵayu we naḻpuwaḵ ḵan Ama.

John 21:12

Pun ḵanan Jesus ḵan dida, “Awwayyu ta anugda taḵu.” Naippun naḵatuḻod atta disipuluna'ḵ angimus ḵan siya ḵanane, “Ngaiḵa?” Te igammudae aḵ Apu.

John 21:7

Pun sa disipulu we ay-ayaton Jesus ḵanana ḵan Peter, “Siya'ḵ Apu.” Dingngoḻ ḵad Simon Peter we siya'ḵ Apu, nansilup te namponas si nanḵewaaḻana woḵ pummaytuḵ si baybay.

John 8:42

Ḵanan Jesus, “Nu Amayu oḵyan aḵ Apudyus, ayatonyu saḵon te naḻpuwaḵ ḵan siya ya annaaḵ sinsadi. Daḵampun aḵ ḵasomsomḵaḵ ummaliyaḵ yaḵon imbuun Apudyus saḵon.

Acts 20:28

“Pun ummanyu ayyuwanan da long-agyu ya da losane tagu we ipaayyuwan ni Ispiritu Santu ḵan diḵayu te sanat biyangyu we angipangpangu. Ayyuwananyu we ustu da magimugimunge namati ḵan Apudyus te sinubutna dida si daḻan ni mismu we abengna.

Acts 20:29

Te igammuḵe sibot ḵad ni ayonaḵ, awad da umali ḵan diḵayu we sinan mistulu we isudan atape asu we umoy dumadail si pammatiyu ya da ayyuwananyu. Ḵad ippun gagada ḵan dida.

Romans 14:1

Awatonyu tagu we anḵuya pammatina yaḵon adi ḵayu maḵasossongbat ḵan siya mipanggob si ḵasomsomḵana.

Romans 15:1

Ditaḵu we ampigsa da pammati taḵu, ḵasapuḻane anusan taḵu da anḵuya da pammatida. Daḵampun aḵ abus bumaḻuwan taḵu'ḵ somsomḵon taḵu.

1 Corinthians 8:11

Ḵad gapu si igammum, nadadail sunudnu ḵan Kristu we anḵuya pammatinae inḵatoy Kristu.

Galatians 5:6

Te sa niyossaanan taḵu ḵan Jesu Kristu, ippun paat nisabaliyana si antotollong Apudyus nu nasogyatan taḵu baḵon nu aditaḵupun. Yaḵon sa awad de patogna, sa pammati taḵu we mipaila si angayatan taḵu'tta buḻun taḵu.

Ephesians 4:14

Ḵad nu miyisu taḵu ḵan siya, aditaḵupun ogon isun di abenge allasu mabaliwan ni somsomoḵna ya maallelaw atta tinutuli ye ituttudun da tuliyan.

Ephesians 6:24

Awad oḵyan ḵan diḵayu ḵinabaḻu we maḻpu ḵan Apudyus ya da losane angipapati'tte ayatna ḵan Jesu Kristu we Apu taḵu.

Hebrews 13:20

Aḵ Apudyus we maḻpuwan ni lumin-awaan, tinaguna ḵasin aḵ Jesus we Apu taḵu we ḵangatuwane angayyuwan atta karnero. Mipagapu si daḻan Jesus we pummoy-as si natoyana'tte kros, pinanoḵnoḵana annanayune tuḻag.

Hebrews 4:13

Naippun mitaḻu ḵan Apudyus te losane ḵingwana ampataḵda si antotollongna. Ḵad songbatan taḵu ḵan siya da losane ḵingwa taḵu.

1 Peter 1:8

Adiyupun innila'ḵ Jesu Kristu yaḵon inay-ayatyu. Taḵon ay nu adiyupun ilan sinsadi, amati ḵayu ḵan siya. Pun amo allaylayad ḵayu'tte adipun mibungangay ya ippun miyisuwanae laylayad.

1 Peter 2:2

Isun da uttinge pasig mauuwaw atte susu, pasig ḵayu oḵyan mauuwaw atte naispirituwane gatase sa Ugud Apudyus ta pumigsa ḵayu si pammati inggana'ḵ mituttuwa mataguwanyu.

1 Peter 2:25

Te sa awe, nalimu taḵu we isun da karnero yaḵon sinsadi annae nipauli taḵu ḵan Kristu we angaayyuwan atta ḵalidodwa taḵu.

1 John 4:19

Ayaton taḵu da udum te ummunae inayat Apudyus ditaḵu.

1 John 5:1

Da amati ye aḵ Jesus siya Kristu we imbuun Apudyus, dida da abeng Apudyus. Ḵad da angayat atte ama, ayatonda bos abengna.

Revelation 2:23

Gongatoḵ os da angunud ḵan siya. Ḵad siya angigammuwan da losane gimung da namati ḵan saḵone tuttuwae angigammu'tte awad atta somsomoḵ ḵan pusun da tagu. Ḵad gungunaaḵ sin-ossaossa ḵan diḵayu sigun atta ḵingwayu.