John 20:26 - Sa Ugud Apudyus

²⁶ Naḻaḵpus ḵad sindumingguwan, inninggaw os da disipulu'tte boḻoy woḵ inninggaw aḵ Thomas ḵan dida. Nidaḵig onob yaḵon nampaila'ḵ Jesus woḵ naḵataḵdog ḵan dida woḵ ḵanana, “Lin-awa awad ḵan diḵayu.”

John 20:26 ပူးပေါင်းရင်းမြစ်များ

Matthew 17:1

Naḻaḵpus ḵad onom aḻgaw, inayagan Jesus aḵ Peter ya da James ḵan John we ansunud woḵ nanagadadae mismu atte antaḵnange beleg.

Mark 16:14

Unipun, nampaila'ḵ Jesus atta nasawaḻan aḵ ossaane disipuluna si anḵaḵaḵananda woḵ sinang-ana dida gapu'tte ippun pammatida ḵan tummungitong somsomoḵda te adidapun pinati imbagan da nangila ḵan siya si ummuliyana.

Luke 24:36

Sissiya ḵade ug-uggudonda da sanae naḵwa, natanaḵdog aḵ Jesus we mismu'tte inggawanda woḵ ḵanana, “Lin-awa oḵyan awad ḵan diḵayu.”

Luke 9:28

Naḻaḵpus ḵad de sindumingguwan atte nangibag-an Jesus atta sadi, inayagana'ḵ Peter, John ya aḵ James woḵ nanagadada'tte beleg ta umoyda alluwaḻu.

John 11:16

Ḵanan Thomas we ngannonda Ḵapil atta buḻunnae disipulu, “Intaḵu ta maḵaḵatoy taḵu ḵan Jesus.”

John 14:27

“Tenaḵ ḵan diḵayu lin-awa ya sa lin-awaḵ ittoḵ ḵan diḵayu. Daḵampun aḵ isun ni an-aatod da tagu we adipun amati an-aatodḵu ḵan diḵayu. Ḵad adi ḵayu maal-alimuunan ya maḵimut.

John 20:19

Ḵugḵugab ḵad si sadi ye aḻgawe sa umunae aḻgaw ni sindumingguwan, nidaḵig inggawan da disipulu te maḵimutda'tta Judyu. Nampaila'ḵ Jesus woḵ naḵataḵdog ḵan dida woḵ ḵanana, “Lin-awa oḵyan awad ḵan diḵayu.”

John 20:21

Pun ḵanan os Jesus ḵasin ḵan dida, “Lin-awa awad ḵan diḵayu. Ibuunḵu diḵayu we isun ni nangibuunan Amaḵ ḵan saḵon.”

John 21:1

Naḻaḵpus ḵad anna, nampaila'ḵ Jesus ḵasin atta disipuluna si Baybay Tiberias. Ḵaḵna inonae nangipaila si long-agna.

John 21:14

Sana piḵlun Jesus we nampaila'tta disipuluna si nagangput ummuli.

Acts 1:3

Naabus ḵad natoy aḵ Jesus woḵ ummuli, dam-on nampaila'tta disipuluna si unog ni opatpuḻu we aḻgaw ya adu da ḵingwanae angipanoḵnoḵe tuttuwae ummuli woḵ intuttuduna mipanggob si ampangatan Apudyus.