John 19:38 - Sa Ugud Apudyus

³⁸ Naabus ḵad sadi, ummoy ḵan Pilate aḵ Joseph we iyArimathea we osa'tta disipulun Jesus yaḵon illimodna te maḵimut atta Judyu. Pun ḵindawna ḵan Pilate nu maḵwae opasona ladag Jesus atte kros ta itallayna. Iyyunud Pilate woḵ ummoyna impas ladag Jesus woḵ intallayna.

John 19:38 ပူးပေါင်းရင်းမြစ်များ

John 12:42

Yaḵon taḵon ay nu ḵatti, namati da adu we papangat da Judyu ḵan Jesus. Yaḵon insilibda te maḵimutda'tta Pharisee. Ta adida mapaḻyaw atte sinagoga.

John 7:13

Yaḵon adidapun indangsoḻe angug-uggud si mipanggob ḵan siya te maḵimutda'tta papangat da Judyu.

John 9:22

Ḵaḵna imbagan da sin-abeng te maḵimutda'tta papangat da Judyu te nantutuḻagandae ngaimane angibabagga ḵanane, “Aḵ Jesus de Kristu,” adipun ogon maḵwae lumnoḵ atte sinagogan da Judyu.

Acts 13:29

Ginangputda ḵad intuttuwa da losane nigili si mipanggob ḵan siya, ummoyda inopas long-agna'tte kros woḵ ummoyda illibon.

Philippians 1:14

Gapu bos atte nibaḻudaḵ, pummigsa taḻgodda ḵan Apu da ḵaaduwane susunud taḵu ḵan Kristu. Pun adidapun umogyat yaḵon amo tummuḻoddae angiwaḻagawag si Ugud Apudyus.