John 19:28 - Sa Ugud Apudyus

²⁸ Inigammun ḵad Jesus we ginanggangputna da losan ḵanana, “Nauwawaḵ,” ta mituttuwa nigili ye Ugud Apudyus.

John 19:28 ပူးပေါင်းရင်းမြစ်များ

Luke 12:50

Yaḵon umunae ampaḵapaḵaḻamaḵ ya amod dadauyḵu inggana'ḵ magangput.

Luke 18:31

Pun imbattawana da nasawaḻan aḵ duwae disipuluna woḵ ḵanana ḵan dida, “Dongngonyu! Sinsadi anagada taḵu'd Jerusalem, ḵad da losane inggilin da profeta si mipanggob ḵan saḵone Abeng Di Tagu, mituttuwada.

Luke 22:37

Te ḵasapuḻane mituttuwa nigili ye Ugud Apudyus si mipanggob ḵan saḵone ḵanana, ‘Niyiyap atta tulisan.’ Ḵad annan madam-ane mituttuwa.”

John 13:1

Madam-an ḵad Gayagayan da Judyu we ngannonda Nallausan, iniiggammun Jesus we dummatong timpu we tenana lubung ya mipauli ḵan Amana. Gapu'tte ayatna'tta taguna si lubung, ay-ayatona dida inggana'ḵ anungus.

John 17:4

Indaydayawḵu siḵa sina'd luta si nangangputaḵ atta ḵewaaḻe innatodnu ḵan saḵone ḵooḵ.

John 18:4

Gapu ta inigammun Jesus da losane maḵwa ḵan siya, inabotna dida woḵ ḵanana, “Ngai singtonyu?”

John 19:24

Pun ḵananda, “Umadi taḵu pissayon ta ambubbunut taḵu nu ngai anginḵuwa.” Naḵwa da anna ta mituttuwa nigili ye Ugud Apudyus we ḵanana, “Nambisbisaḵanda silupḵu ya nambubbunutda nu ngai anginḵuwa si osae silupḵu.” Ḵaḵna ḵingwan da suḻdadu.

John 19:30

Sinusup ḵad Jesus ḵilom ḵanana, “Naganggangput.” Pun nayyung-ut woḵ natoy.

John 19:36

Ḵad naḵwa da sana ta mituttuwa nigili ye Ugud Apudyus we ḵanana, “Naippun ossaan aḵ maptod atta tung-aḻna.”

John 4:34

Pun ḵanan os Jesus ḵan dida, “Sa ḵanoḵ sa anuttuwaaḵ ḵan angangputaḵ atta ḵewaaḻe paḵwan ni nangibuun ḵan saḵon.

Acts 13:29

Ginangputda ḵad intuttuwa da losane nigili si mipanggob ḵan siya, ummoyda inopas long-agna'tte kros woḵ ummoyda illibon.