John 19:18 - Sa Ugud Apudyus

¹⁸ Pun impattoḻda'ḵ Jesus atte kros sidi. Inninggaw os da duwae impattoḻda dida'tta krosda, sa osa'tte madawinanna ya sa osa'tte madawigina.

John 19:18 ပူးပေါင်းရင်းမြစ်များ

Matthew 27:44

Taḵon ay da tulisane nipattoḻ si daḻnig Jesus, isuna bose ininsultuda'ḵ Jesus.

John 18:32

Naḵwa da anna ta mituttuwa imbagan Jesus si mipanggob atte inonae matoy.

John 19:32

Pun iyyunud Pilate woḵ ummoy da suḻdadu pintod da suḵin da duwae buḻun Jesus we nipattoḻ atta krosda.

Acts 2:23

Aḵ Jesus, gagangaye simsimmoḵ Apudyus we ipuḻangna ḵan diḵayu te siya inḵoddongna si awe. Ḵad diḵayu, impaipattoḻyu'tte kros ya impagongatyu'tta tagu.

Galatians 3:13

Yaḵon sinubut Kristu ditaḵu si madusaan taḵu te aditaḵupun lamog tuttuwaon da losane lintog si natoyana'tte kros para ḵan ditaḵu. Te sa nigili ye Ugud Apudyus ḵanana, “Ngaimane madusa ta matoy gapu si mitayunana'tte ḵayu, nadusa ḵan Apudyus.”

Hebrews 12:2

Isisimoḵ taḵu'ḵ Jesus te siya puun ḵan magangputan ni pammati taḵu. Ḵad adinapun imbaine natoy atte kros para ḵan ditaḵu gapu si gangganase anguuway ḵan siya. Pun sinsadi, awade tutuḵdu si madawinan Apudyus we maḵapangat ḵan siya.