John 19:11 - Sa Ugud Apudyus

¹¹ Ḵanan Jesus, “Naippun ḵabooḻam ḵan saḵon nu adin Apudyus innatod ḵan siḵa. Pun da nangipuḻang ḵan saḵon ḵan siḵa nadagdagson da basuḻda.”

John 19:11 ပူးပေါင်းရင်းမြစ်များ

Matthew 26:65

Dingngoḻ ḵad ay ni ḵangatuwane padi imbagana, pinissayna silupna te summanga. Ḵanana, “Iyisuna long-agna ḵan Apudyus! Pun ngaipa taḵu ḵasapuḻan da udum aḵ anaḵdoḻ? Dingngoḻ taḵu da lawwenge imbagana.

Matthew 27:2

Pun binaḻudda woḵ inniyoyda ḵan Gobernor Pilate.

Matthew 6:13

Ḵad adim iyunude masulisug ḵani, yaḵon iligsim diḵani si lawweng.’ ”

Mark 14:44

Inggaw sinyale intuḻag Judas ḵan dida ta imatunanda'ḵ Jesus. Ḵanana, “Sa iyyaḵ ogoḵan, sanat doḵmaanyu ta itallayyu ya guwaḻdaanyu.”

Luke 22:53

Inaḻgawe inninggawaḵ ḵan diḵayu'tte paway ni templo we antuttudu, adiyupun saḵon dinoḵmaan. Yaḵon sinsadi, annae dummatong timpuyu we inḵoddong Apudyus ya dummatong os timpun Satan we angipangat atte giḵbot.”

John 18:13

Inunada inniyoy ḵan Annas we ḵatugangan Caiaphas we ḵangatuwane padi si sadi ye tawon.

John 18:3

Pun impuyut Judas da suḻdadu we iRome ya da guwaḻdan ni templo we imbuun da papangat da papadi ya da Pharisee. Nampaḵ-odonda'ḵ silaw, pinatud ya aggom.

John 19:10

Pun ḵanan Pilate, “Ngaipam saḵon adi songbatan? Adimpun ḵamman igammu we anna ḵabooḻaḵe amuḵay ḵan siḵa ya ḵabooḻaḵe ampaipattoḻ ḵan siḵa'tte kros?”

John 3:27

Summongbat aḵ John woḵ ḵanana, “Naippun tagu'ḵ awad awatona nu adi abus maatod ḵan siyae maḻpu ḵan Apudyus.

John 7:30

Imbagan ḵad Jesus sadi, pinadas da papangat doḵmaan yaḵon adimpun Apudyus iyunud te daampun yan dumatong mituttuwaan ni planuna ḵan siya.

John 9:41

Ḵanan Jesus ḵan dida, “Nu naḵuḻap ḵayu naippun oḵyan ḵabasuḻanyu. Yaḵon sinsadi ye ḵananyu we maḵaila ḵani, sissiya da basuḻyu.”

Acts 2:23

Aḵ Jesus, gagangaye simsimmoḵ Apudyus we ipuḻangna ḵan diḵayu te siya inḵoddongna si awe. Ḵad diḵayu, impaipattoḻyu'tte kros ya impagongatyu'tta tagu.

Acts 3:13

Daḵampun ḵan diḵani yaḵon sa Apudyus da Abraham, Isaac, Jacob ya da losane danaḵḵoḻ taḵu. Siya namataddaḻan si laḻaḵi ta maila ḵinaapudyus Jesus we nanserbi ḵan siya si annae lubung. Aḵ Jesus, siya impuḻangyu'tta papangat ya indiyanyu si sinagung Gobernor Pilate atte simsimmoḵnae piona puḵayan.

Acts 4:28

Ḵad ḵingwada da ngaimane simsimmoḵnu si awe mipagapu'tte ḵabooḻam ḵan piome maḵwa.

Romans 11:36

Gapu ta siya nangwa'tta losan, naḵwa da losan mipagapu ḵan siya ya para'tte midayawana! Madayaw aḵ Apudyus aḵ inggainggana. Amen.

Romans 13:1

Losane tagu ḵasapuḻane tuttuwaonda da angipangat si gubilnu te naippun ḵaḻabbongandae ampangat nu adin Apudyus iyunud. Ḵad losane ampangat, aḵ Apudyus nangisaad ḵan dida.

James 1:17

Aḵ Apudyus ad langit naḻpuwan da losane ambaḻu ḵan gattoḵe atod. Siya bos nangwa'tta losane sumilaw ad langit. Ḵad taḵon ay nu ambaliw ḵatollongan da sana, adipun paat ambaliw aḵ Apudyus.

James 4:17

Pun sa tagu we igammuna ustu we maḵwa yaḵon adinapun ḵoon, maḵabasuḻ.