John 18:37 - Sa Ugud Apudyus

³⁷ Ḵanan os Pilate, “Pun siḵa Ari?” Summongbat aḵ Jesus woḵ ḵanana, “Tuttuwa sadi ye ḵanam. Te niyanaḵaḵ ya ummaliyaḵ si annae lubung ta taḵdoḻaḵ ḵatuttuwaan. Ḵad da ngaimane angipatog atte ḵatuttuwaan, tuttuwaonda da ibagaḵ.”

John 18:37 ပူးပေါင်းရင်းမြစ်များ

Matthew 26:64

Ḵanan Jesus we summongbat, “Siya imbagame sadi. Yaḵon ibagaḵ ḵan diḵayu, ilanyu saḵone Abeng Di Tagu we tumuḵdu si madawinan Apudyus we maḵabooḻ atta losan. Ḵad asiyu bos ilan umaliyaḵe mibuḻun atta libuu'd langit.”

Matthew 27:11

Aḵ Jesus ḵad, summiḵad atte sinagung Gobernor Pilate woḵ ḵanan gobernor we nan-imus ḵan siya, “Siḵa ḵamman Arin da Judyu?” Ḵanan Jesus we summongbat, “Siya imbagam.”

Mark 14:62

Ḵanan Jesus, “On, saḵon. Sa umali ye aḻgaw, ilanyu saḵone Abeng Di Tagu we tutuḵdu'tte madawinan Apudyus we maḵabooḻ. Ḵad asiyu bos ilan umaliyaḵe mibuḻun atta libuu'd langit.”

Mark 15:2

Ḵanan Pilate, “Siḵa ḵamman Arin da Judyu?” Ḵanan Jesus, “Siya imbagam.”

Luke 22:70

Pun amo sinootda woḵ ḵananda, “Siḵa ḵad ain Abeng Apudyus?” Ḵanana, “Diḵayu we mismu nangibaga'tte sanat.”

Luke 23:3

Pun ḵanan Pilate we nan-imus ḵan Jesus, “Siḵa ḵamman Arin da Judyu?” Ḵanan Jesus, “Ustu imbagam.”

John 1:14

Sa Ugud, nambalin aḵ tagu woḵ inninggaw ḵan ditaḵu. Amod de ḵinabaḻuna ya ḵatuttuwaan da losane imbagabagana. Innilani ḵan siya nakaskasdaawe ugalin Apudyus te siya abus aḵ Abeng we naḻpu ḵan Amana.

John 1:17

Innatod Apudyus lintog mipagapu ḵan Moses yaḵon mipagapu ḵan Jesu Kristu we pinilin Apudyus aḵ Anagu ya An-ari, impailana ḵinabaḻu ḵan ḵatuttuwaan mipanggob ḵan siya.

John 14:6

Ḵanan Jesus, “Saḵon daḻan, ḵatuttuwaan ḵan biyag. Naippun maḵaoy ḵan Amaḵ nu adi angoy ḵan saḵon.

John 3:32

Ibagana da innilana ḵan dingngoḻna yaḵon aḵit da amati'tta ibagana ḵan dida.

John 7:17

Ngaimane pionae angwa'tta pinion Apudyus, igammuwona nu maḻpu ḵan Apudyus da tuttuduḵ baḵon nu maḻpu si mismu we ḵaḻabbongaḵ.

John 8:14

Ḵanan Jesus, “Taḵon ay nu saḵon anaḵdoḻ si long-agḵu, tuttuwa ibagaḵ te igammuḵ naḻpuwaḵ ḵan ayonaḵ. Yaḵon naippun paat igammuyu nu dinu naḻpuwaḵ baḵon nu ayonaḵ.

John 8:45

Yaḵon gapu ta ibabaggaḵ ḵatuttuwaan, adiḵayupun amati ḵan saḵon.

John 8:46

Ngai ḵan diḵayu anaḵdoḻe naḵabasuḻaḵ? Ippun! Nu ibagaḵ ḵatuttuwaan, ngaipayu adi patiyon nu?

John 8:47

Da abeng Apudyus, ummanda dongngon da ugudona ya amatida'tta ibagana. Yaḵon daḵanḵayupun aḵ abeng Apudyus, siya adiyu angngoḻan ḵan amatiyan atta ugudona.”

1 Timothy 6:13

Bilinoḵ siḵa'tte sinagung Apudyus we angatod atte biyag atta losan ya aḵ Jesu Kristu we nanaḵdoḻ atte sinagung Pontius Pilate.

1 Peter 1:22

Te pummoḻḵas ḵayu we ustu si tummuttuwaanyu gapu si namatiyanyu'tte ḵatuttuwaan, gattoḵe ayatonyu da susunudyu ḵan Kristu we namati. Pun pagapagatupanyu we an-asiayat atta losane somsomoḵyu.

1 John 2:21

Sa gapun ni annae insuḻatḵu ḵan diḵayu, daḵampun atte adiyu nangigammuwan si ḵatuttuwaan yaḵon gapu ta iniiggammuyu, inigammuyu bose naippun paat tuli'ḵ maḻpu si tuttuwae mituttudu.

1 John 3:14

Igammu taḵu we aditaḵupun ogon misina ḵan Apudyus we isun ni awe, pun sinsadi anna ḵan ditaḵu biyag aḵ inggana. Ḵad igammu taḵu ḵatuttuwaan te ay-ayaton taḵu da susunud taḵu ḵan Kristu. Sa tagu we adipun angayat atta asintataguna, isun di sissiyae natoy.

1 John 3:19

Nu ḵaḵnat inon taḵu we angayat atta udum, sanat amo angigammuwan taḵu we ditaḵu da tuttuwae abeng Apudyus. Ḵad taḵon ay nu pabasuḻon ditaḵu'tta somsomoḵ taḵu, antaḻgod taḵu we umadani ḵan Apudyus. Te igammu taḵu we nangatngatu somsomoḵ Apudyus nu sa somsomoḵ taḵu ya igammuna ditaḵu we ustuustu.

1 John 4:6

Yaḵon ditaḵu da abeng Apudyus. Pun da buḻun taḵu we angigammu ḵan Apudyus, piondae andongoḻ atta ituttudu taḵu. Yaḵon da daḵampun aḵ abeng Apudyus, adidapun pione andongoḻ. Sanat angimatunan taḵu'tta mituttudu nu naḻpu si Ispiritu Santu we puun ni ḵatuttuwaan baḵon nu aḵ Satan we puun ni tuli.

1 John 5:20

Ḵumaḵlu, igammu taḵu we ummali Abeng Apudyus woḵ innatodna ḵan ditaḵu pannakaawat ta igammuwon taḵu tuttuwae Apudyus. Ḵad sinsadi iinggaw taḵu si tuttuwae Apudyus te iinggaw taḵu si Abengna we aḵ Jesu Kristu. Siya tuttuwae Apudyus ya siya maḻpuwan ni biyag aḵ inggana.

Revelation 1:4

Annaya suḻatḵu'tta pitu we gimung da namati'tte probinsiya'd Asia. Awad oḵyan ḵan diḵayu ḵinabaḻu ḵan lin-awae maḻpu ḵan Apudyus we inninggaw si awe, iinggaw sinsana ya aḵ inggana. Naḻpu bos atta pitu we ispiritu we inggaw si sangun ni tronona.

Revelation 3:14

Ḵanana bos, “Annaya isuḻatnu'tte anghel we angayyuwan atta namati ye magimugimung ad Laodicea, ‘Saḵon nangadanan aḵ Amen te saḵon mataḻgodan ya tuttuwae anaḵdoḻ. Ḵad Saḵon os laplapun da losane ḵingwan Apudyus. Annaya ibagaḵ ḵan diḵayu.