John 18:33 - Sa Ugud Apudyus

³³ Pune sadi, nillumnoḵ os aḵ Pilate si palasna woḵ impaayagna'ḵ Jesus. Ḵanana, “Siḵa ḵamman Arin da Judyu?”

John 18:33 ပူးပေါင်းရင်းမြစ်များ

Matthew 27:11

Aḵ Jesus ḵad, summiḵad atte sinagung Gobernor Pilate woḵ ḵanan gobernor we nan-imus ḵan siya, “Siḵa ḵamman Arin da Judyu?” Ḵanan Jesus we summongbat, “Siya imbagam.”

Matthew 27:27

Naabus ḵad, innaḻan da suḻdadu'ḵ Jesus woḵ illonoḵda'tte boḻoy Gobernor Pilate, pun inaligummun da losane suḻdadu'ḵ Jesus.

Mark 15:2

Ḵanan Pilate, “Siḵa ḵamman Arin da Judyu?” Ḵanan Jesus, “Siya imbagam.”

Luke 23:2

indaḻumda'ḵ Jesus woḵ ḵananda, “Indasanni annae tagu we al-allelawona da susunude ganaḵ Israel. Sa ḵumagwa, ḵananae adiḵanipun oḵyan ambayad si bugis atte Emperor ad Rome ya sa ḵumaḵlu, ḵananae siya Kristu we Ari.”

John 1:49

Pun ḵanan Nathanael, “Mistulu, siḵa Abeng Apudyus! Siḵa Ari'd Israel!”

John 12:13

Ḵingwada ḵad, nangaḻada'tta baing woḵ lummawada ta umoyda aboton. Ḵanandae nanugtug-uy, “Madaydayaw aḵ Apudyus! Madaydayaw oḵyan umali ye imbuun Apudyus we Ari taḵu we ganaḵ Israel!”

John 12:15

“Diḵayu we tagu'd Jerusalem, adi ḵayu maḵimut te annae umali Ariyu we nangabayu'tte ubbun ni donkey.”

John 18:34

Ḵanan Jesus, “Naḻpu ḵamman si somsomoḵnu sanate imusom baḵon nu awad udum aḵ nangibaga si mipanggob ḵan saḵon?”

John 18:37

Ḵanan os Pilate, “Pun siḵa Ari?” Summongbat aḵ Jesus woḵ ḵanana, “Tuttuwa sadi ye ḵanam. Te niyanaḵaḵ ya ummaliyaḵ si annae lubung ta taḵdoḻaḵ ḵatuttuwaan. Ḵad da ngaimane angipatog atte ḵatuttuwaan, tuttuwaonda da ibagaḵ.”

John 18:38

Ḵanan Pilate, “Ngai ḵatuttuwaan?” Imbagana ḵad sadi, lummawa ḵasin woḵ ḵanana'tta Judyu, “Naippun indasaḵ aḵ basuḻ ni annae tagu.

John 19:12

Inggan ni sadi, pinadas Pilate puḵayan aḵ Jesus yaḵon da Judyu ḵanandae nanugtug-uy, “Nu puḵayam sanate tagu, daḵampun aḵ buḻbuḻunnu Emperor ad Rome. Ngaimane ngannona long-agna ari, sumullagi si Emperor.”

John 19:3

Pun nampasapasanidae ummoy ḵan siya woḵ ḵanandae nangang-angyag, “Matataguḵae Arin da Judyu!” Pun nilipaḵda.

John 19:4

Lummawa ḵasin aḵ Pilate woḵ ḵanana'tta Judyu, “Annae paḻawaoḵ annae tagu ta igammuwonyu we ippun indasaḵ aḵ basuḻna.”

John 19:9

Pun nillumnoḵ ḵasin atte palasna woḵ ḵanana ḵan Jesus, “Dinu naḻpuwam?” Yaḵon adipun aḵ Jesus summongbat.

1 Timothy 6:13

Bilinoḵ siḵa'tte sinagung Apudyus we angatod atte biyag atta losan ya aḵ Jesu Kristu we nanaḵdoḻ atte sinagung Pontius Pilate.