John 17:11 - Sa Ugud Apudyus

¹¹ Sinsadi naippunaḵ ogon si lubung te mipauliyaḵ ḵan siḵa. Yaḵon matenanda si annae lubung. Nasantuwane Ama, ḵodawoḵe ayyuwanam dida mipagapu si ḵabooḻame innatodnu ḵan saḵon ta an-ossaandae isun ni nan-ossaananta.

John 17:11 ပူးပေါင်းရင်းမြစ်များ

Matthew 10:16

Pinagatupan os Jesus woḵ ḵanana, “Sosomḵonyu anna. Ibuunḵu diḵayu'tta lawweng ya ḵaog-ogyate tagu ḵad isuyun karnero we umoy atte lugar we igaw da tanane asu. Ḵad ḵasapuḻane nalaing ḵayu we isun da uḻog ya adiyu ḵoon lawwenge isun da kalapati.

Matthew 5:48

Pun ḵasapuḻane ippun angkuranganyu we isun Apudyus we Amayu'd langite ippun angkurangana.”

Matthew 6:9

Ḵaḵna inonyu we alluwaḻu. “ ‘Amani ye awad ad langit, madayawḵa oḵyane nasantuwane Apudyus.

John 13:1

Madam-an ḵad Gayagayan da Judyu we ngannonda Nallausan, iniiggammun Jesus we dummatong timpu we tenana lubung ya mipauli ḵan Amana. Gapu'tte ayatna'tta taguna si lubung, ay-ayatona dida inggana'ḵ anungus.

John 13:3

Yaḵon inigammun Jesus we impuḻang Amana ḵan siya da losan ya inigammuna bose naḻpu ḵan Apudyus ḵad mipauli bos ḵan siya.

John 14:20

Sa sadi ye aḻgaw, igammuwonyu we awadaḵ ḵan Amaḵ ya awad ḵayu ḵan saḵon ya awadaḵ ḵan diḵayu.

John 16:28

Naḻpuwaḵ ḵan Amaḵ ya ummaliyaḵ si annae lubung. Sinsadi, tenaḵ annae lubung ya iyyaḵ ḵan Amaḵ.”

John 16:33

Imbagaḵ sana ḵan diḵayu ta mipagapu ḵan saḵon lumin-awa ḵayu oḵyan. Ampaḵaḻamon diḵayu'tta adipun amati. Yaḵon tumuḻod ḵayu te illogyu da losane lawweng si annae lubung.”

John 17:23

Awadaḵ ḵan dida ya awadḵa ḵan saḵon ya an-ossaandae ustuustu ta igammuwon da tagu we siḵa nangibuun ḵan saḵon ya ay-ayatom didae isun ni an-aayatnu ḵan saḵon.

John 17:25

“Naun-unane Ama, da tagu we adipun namati adidapun inigammu siḵa yaḵon inigammuḵ siḵa ya da disipuluḵ igammudae siḵa nangibuun ḵan saḵon.

John 17:6

“Impaigammuḵ siḵa'tta tagu si annae lubunge innatodnu ḵan saḵon. Ḵuwam dida ya innatodnu dida ḵan saḵon woḵ tinuttuwada ugudnu.

John 7:33

Ḵanan Jesus ḵan dida, “Sin-aḵitan inggawaḵ ḵan diḵayu ya mipauliyaḵ atte nangibuun ḵan saḵon.

Acts 3:21

Ḵasapuḻane inggaw aḵ Jesus ad langit inggana'ḵ dumatong timpu we pabaruwon Apudyus da losan te siya inkarina mipagapu'tta profetanae nanserbi ḵan siya si awe.

Romans 12:5

Isuna bos ditaḵu we namati, taḵon ay nu adu taḵu, mipani taḵu si ossaane long-ag Kristu ḵad nan-os-ossaan taḵu.

Romans 9:17

Ḵanan ni nigili ye Ugud Apudyus ḵan Pharaoh we ari'd Egypt, “Annaya panggobḵu'tte ḵingwaḵ: Nambalinoḵ siḵa'ḵ ari ta angipail-aḵ si ḵabooḻaḵ ḵan siḵa ya mipaigammu ngadanḵu si intero we luta.”

1 Corinthians 1:10

Susunudḵu ḵan Kristu, gapu'tte ngadan Apu taḵu we Jesu Kristu, an-uunud oḵyan da losane ugudonyu ya adi ḵayu magoggogwa yaḵon an-os-ossaanonyu somsomoḵyu ya sa panggobyu.

Galatians 3:28

Ḵad nu ḵatti, sa antotollong Apudyus, naippun mangadanan aḵ Judyu baḵon nu Gentil, musassu baḵon nu daḵampun, laḻaḵi baḵon nu bubai te os-ossaan ḵayu gapu si niyossaananyu ḵan Jesu Kristu.

Ephesians 4:4

Losan taḵu we niyossaan ḵan Kristu, isu taḵun os-ossaane long-ag ya ossaane Ispiritu. Os-ossaan os namnama taḵu gapu si namiliyan Apudyus ḵan ditaḵu.

Philippians 2:9

Pun intaḻayag Apudyus aḵ Jesus ta siya ḵangatuwan atta losan,

Hebrews 1:3

Sa Abeng angil-an taḵu si ḵadayawan Apudyus ya miyiissu ḵinaapudyusna. Ḵad siya amagatup atta losane mipagapu si ḵabooḻan ni ugudna. Ginangputna ḵad pinapoḻḵas da tagu'tta basuḻda, nipauli'd langit woḵ tutuḵdu si madawinan Apudyus we ḵangatuwan ya maḵapangat ḵan siya.

Hebrews 9:24

Te adipun nillumnoḵ aḵ Kristu si Ḵasantuwane Kuwartu we ḵingwan di tagu ḵan abuse ladawan ni tuttuwae igaw Apudyus. Yaḵon siyae mismu nillumnoḵ ad langit ya awad sinsadi ye angitaḵdoḻ ḵan ditaḵu si sinagung Apudyus.

James 4:4

Diḵayu we adipun mataḻgodan da pammatiyu ḵan Apudyus. Adiyupun ḵamman igammu we nu siya ayatonyu da gangganason da tagu we adipun amati, ḵabusuḻ diḵayu ḵan Apudyus? Pun ngaimane angunud atta ugali ye misullagi'tta pinion Apudyus, ambalinona long-agna'ḵ ḵabusuḻ Apudyus.

1 Peter 1:5

Gapu'tte ḵabooḻan Apudyus, ayyuwanana diḵayu mipagapu'tte pammatiyu ḵan siya inggana'ḵ mituttuwa anaguwana ḵan diḵayu. Inabusna insagana sanate mataguwane ipailana nu anungus ni timpu.

1 John 3:12

Daḵampun oḵyan atte ugalin Cain unudonyu te aḵ Cain tagun Satan woḵ gingngatna'ḵ Abel we sunudna. Ngai gapun ni nangongatan Cain ḵan Abel? Gapu'tte lawweng da ḵoḵoḵḵona yaḵon naun-unan da ḵingwan ni sunudna.

1 John 5:19

Sa ḵumagwa, igammu taḵu we abeng Apudyus ditaḵu taḵon ay nu impangatan Satan da losane tagu we adipun amati.

Jude 1:1

Saḵon aḵ Jude we sammilun Jesu Kristu ya sunud James. Annaya suḻatḵu ḵan diḵayu we napili ya ay-ayaton Apudyus we Ama ya sinaḻaḵnibana inggana si mipauliyan Jesu Kristu.

Jude 1:24

Madaydayaw oḵyan os-ossaane Apudyus we anagu ḵan ditaḵu mipagapu ḵan Jesu Kristu we Apu taḵu. Lamogna saḻaḵniban diḵayu ta adi ḵayu maḵabasuḻ ya ippun madellaw ḵan diḵayu nu pasiḵadona diḵayu si sinagungna. Ḵad maganasan ḵayu we angitotollong atte sumilinge ḵinaapudyusna. Madaydayaw te siya ḵangatuwan ḵan maḵabooḻe Apudyus we naippun ḵigad ni ḵaḻabbongana inggan ni laplapuna, sinsana ya aḵ inggainggana. Amen.

Revelation 15:4

Naippun adi angisipog ḵan siḵa, Apu. Ḵad naippun adi angidayaw si ḵinangatun ni ngadannu. Te siḵa abus aḵ gattoḵe nasantuwan. Ḵad da tagu we maḻpu'tta losane ili, madagupda'tte sinagungnu ta idaydayawda siḵa te innilada da losane naun-unane ḵingwam.”

Revelation 19:12

Sa atana ḵad, isunan gumilgillayabe apuy ya sa uḻuna ḵad, nabaḻangatan atta adu we korona. Ḵad nigili bos ḵan siya ngadanna yaḵon siya abus aḵ angigammu si piona ḵanan.

Revelation 4:8

Ḵad da sanae opate ḵingwana, napayaḵanda bos aḵ sin-oonom ya losan ata long-agda taḵon ay ad daḻom si payaḵda. Inaḻgaw ḵan nilabi, adidapun paat iginoḵe anḵanta. Ḵanandae angiḵanḵanta, “Aḵ Apudyus abus aḵ gattoḵe nasantuwan! Siya maḵabooḻ atta losan. Inninggaw si awe, iinggaw sinsadi ya iinggaw aḵ inggana.”