John 16:25 - Sa Ugud Apudyus

²⁵ Pinagatupan Jesus woḵ ḵanana, “Imbagaḵ ḵan diḵayu da anna si pani. Yaḵon dumatong timpu we adiḵpun ogon ipani ye an-ugud ḵan diḵayu yaḵon ibabaggaḵ ḵan diḵayu mipanggob ḵan Amaḵ.

John 16:25 ပူးပေါင်းရင်းမြစ်များ

Mark 4:13

Pun ḵanan Jesus ḵan dida, “Ngaipayu adi maawatan annae pani? Nu adiyu maawatan ḵaḵna, ngai ḵad ain inonyu we angigammu'tta udume ipaniḵ?

Mark 4:34

Pasigna impani ye nantuttudu ḵan dida. Abusda ḵad atta disipuluna, impaḵaawatna ḵan dida.

Mark 8:32

Impaḵaawat Jesus ḵan dida. Pun imbattawan Peter ta suppaḵana.

John 10:24

Pun inaligummun da papangat da Judyu woḵ ḵananda, “Atoman os ay angisilisilibam ḵan siḵa? Ibabaggam ḵan diḵani nu siḵa Kristu.”

John 10:6

Sa annae pani, inug-uggud Jesus ḵan dida yaḵon adidapun maawatan piona ḵanan.

John 16:12

“Adu oḵyan da ibagaḵ ḵan diḵayu yaḵon adiyupun lamog maawatan sinsadi.

John 16:2

Paḻyawon diḵayu'tta sinagoga. Ḵad dumatong timpu we ngaimane angongat ḵan diḵayu, ḵananapun nu ḵoona ḵad ḵaḵna, anserbi ḵan Apudyus.

John 16:32

Madam-an dumatong timpu pun tuttuwae dummatong, nu mabuḵaḻ ḵayu, awad osa umoyon atte boḻoyna ya tinenanaḵe abus. Yaḵon daḵampun aḵ abusaḵ te anna'ḵ Amaḵ ḵan saḵon.

2 Corinthians 4:2

Nan-awidanni da losane ḵoḵoḵḵon da tagu we nililimod ḵan ḵababbain ya ippun inallelawni. Adinipun imbos Ugud Apudyus. Yaḵon atte sinagung Apudyus impaḵaawatni'tta losane tagu da losane ḵatuttuwaan te pionni ye igammuwonda'tta somsomoḵdae ambaḻu ḵewaaḻni.