John 16:11 - Sa Ugud Apudyus

¹¹ Nankamalida mipanggob atte anḵuwisan Apudyus te da tagu we adipun amati naḵoddonganda'ḵ dusaon Apudyus te nagangpute inḵoddongnae dusaona'ḵ Satan we pangat da adipun amati.

John 16:11 ပူးပေါင်းရင်းမြစ်များ

Matthew 12:18

“Annaya sammiluḵe piniliḵ. Siya ay-ayatoḵ ḵan mas-omaḵ. Ibuunḵu Ispirituḵ ḵan siya ta iwaḻagawagna'tta losane Gentil inon da tagu we maun-unan atte antotollong Apudyus.

Matthew 12:36

Ibagaḵ ḵan diḵayu, nu dumatong aḻgawe anḵuwisan Apudyus, awad osa ya songbatana da losane ippun anunae inugudna.

Luke 10:18

Ḵanan Jesus, “Innilaḵ aḵ Satan we naottage naḻpu'd langite isun di ḵilat.

John 12:31

Sinsadi ḵuwison Apudyus da tagu si annae lubung ya sinsadi aḵ Satan we pangat da tagu we adipun amati, maabaḵ.

John 14:30

“Adipun ogon andu maḵaug-uggudaḵ ḵan diḵayu te annate umali'ḵ Satan we pangat da adipun amati ḵan saḵon. Naippun ḵabooḻana ḵan saḵon,

John 16:12

“Adu oḵyan da ibagaḵ ḵan diḵayu yaḵon adiyupun lamog maawatan sinsadi.

Acts 10:42

Binilinna diḵani ye iwaḻagawagni Ambaḻu we Damag mipanggob ḵan siya ya taḵdoḻanni ye siya dinutuḵan Apudyus aḵ anguwis atta matattagu ya da natoy.

Acts 24:25

Yaḵon intuttudun ḵad Paul mipanggob atte maun-unane antatagu, sa anupodan atta long-ag ta adi angwa'ḵ basuḻ ya sa umali ye aḻgawe anḵuwisan Apudyus atta tagu, naḵimtan aḵ Felix woḵ ḵanana, “Inḵan! Asiḵ ay siḵa paayag nu awad timpuḵ.”

Acts 26:18

Ibuunḵu siḵa ḵan dida ta igammuwonda ḵatuttuwaan ta masilawan da somsomoḵda ya an-awidanda da lawweng ya ansagungda si padda. Ḵad an-awidanda ḵabooḻan Satan ḵad ansagungda si ḵabooḻan Apudyus ta amatida ḵan saḵon ḵad mapakawan da basuḻda ya mibelangda'tta intotoḵḵon Apudyus aḵ taguna.’

Romans 16:20

Adipun manunnuwan ya aḵ Apudyus we maḻpuwan ni lin-awa oḻgona'ḵ Satan we isun di gusgusdan taḵu. Awad oḵyan ḵan diḵayu ḵinabaḻu we maḻpu ḵan Apu Jesu Kristu.

Romans 2:16

Pun sigun si annae Ambaḻu we Damag we iwwaḻagawagḵu, ḵaḵna maḵwa si aḻgawe anguwisan Apudyus mipagapu ḵan Jesu Kristu atta losane somsomoḵ da tagu ya da ḵingwadae nitataḻu.

1 Corinthians 4:5

Pun adiyu ḵuwison da asintataguyu'tte daampun timpuna. Uwayonyu ustu we timpu we dumaḵngan Apu ta siya anḵuwis. Te siya angitoḵwaḻ atta losane mitataḻu ya siya bos angipaigammu si panggob da pusuda. Sanat timpu we asin Apudyus padayawan tagu sigun atta ambaḻu we ḵingwana.

2 Corinthians 4:4

Adidapun amati te aḵ Satan we apudyus da tagu si annae lubung si sanae timpu, tatallingdana da somsomoḵda ta adida ilan silawe maḻpu'tte Ambaḻu we Damag mipanggob si ḵinangatun Kristu we ḵais-isun Apudyus.

Ephesians 2:2

Te siya inunudyu da antatagun da tagu we adipun amati ya tinuttuwayu gapu si namatiyanyu'tte pangat da ispiritu we adipun mailae siya angidaḻan atta tagu we adipun amati.

Colossians 2:15

Ḵad gapu'tte natoyan Kristu atte kros, ḵinaan Apudyus ḵabooḻan ḵan ḵaḻabbongan ni adipun maila ḵad impailanae illogna dida si antotollong da losan.

Hebrews 2:14

Gapu ta tagu da annae abeng Apudyus we maḵwae matoy, nambalin aḵ Jesus aḵ tagu we isuda. Ḵingwana sana ta mipagapu si matoyana, oḻgona'ḵ Satan we anna ḵabooḻana si ḵatoy

Hebrews 6:2

Adiyupun ḵasapuḻan da mapagapagatupane tuttudu mipanggob si bonyag ya sa angipatayan atte ima ya sa ḵasine umuliyan da natoy ḵan annanayune anguwisan Apudyus atta losane tagu.

Hebrews 9:27

Niḵoddonge amingsan tagu matoy, magangput ḵad, maḵuwis ḵan Apudyus.

2 Peter 3:7

Sinsadi, mipagapu bos atte Ugud Apudyus, nisasaggana annae langit ḵan lutae dadailon ni apuy nu dumatong aḻgawe anguwisan Apudyus atta tagu we ḵabasbassuḻan ta madusada'ḵ inggana.

1 John 3:8

Ḵad sa pagapagatupanae bumasubasuḻ, nidoga ḵan Satan te aḵ Satan ḵad bummasuḻ inggan ni laplapu. Pun siya gapun ni ummaliyan ni Abeng Apudyus sina'd luta ta dadailona da ḵoon Satan.

Revelation 1:7

Sosomḵonyu anna, umali'ḵ Jesus we midoga'tta libuu ḵad ilan da losane tagu. Taḵon ay da nanuy-uḵ ḵan siya, ilanda ya da losane tagu sina'd luta sin-iibilda gapu'tte ogyatda. Tuttuwa da anna. Amen.