John 15:26 - Sa Ugud Apudyus

²⁶ Ḵanan Jesus atta disipuluna, “Ibuunḵu Ispiritu Santu we siya Bumadang ḵan diḵayu we maḻpu ḵan Apudyus we Ama. Sa Ispiritu Santu angituttudu'tte ḵatuttuwaan ya taḵdoḻana mipanggob ḵan saḵon.

John 15:26 ပူးပေါင်းရင်းမြစ်များ

Luke 24:49

Ḵad saḵone mismu angibuun si inkarin Amaḵ ḵan diḵayu. Yaḵon ḵasapuḻane uwayonyu sina'd Jerusalem inggana'ḵ awatonyu ḵabooḻane maḻpu'd langit.”

John 14:26

Yaḵon sa bumadange ibuun Amaḵ, siya Ispiritu Santu we angiyugud ḵan saḵon. Ituttuduna ḵan diḵayu da losan ya paiḵagasmoḵna ḵan diḵayu da losane imbagaḵ.

John 16:7

Yaḵon ibagaḵ ḵan diḵayu ḵatuttuwaan, bumaḻuwanyu nu iyyaḵon te nu adiyaḵ umoyon, adipun umali Bumadang ḵan diḵayu. Yaḵon nu iyyaḵon, ibuunḵu ḵan diḵayu.

John 8:42

Ḵanan Jesus, “Nu Amayu oḵyan aḵ Apudyus, ayatonyu saḵon te naḻpuwaḵ ḵan siya ya annaaḵ sinsadi. Daḵampun aḵ ḵasomsomḵaḵ ummaliyaḵ yaḵon imbuun Apudyus saḵon.

Acts 1:4

Sa inninggawana ḵan dida, binilin Jesus dida ta adida tenan ad Jerusalem yaḵon uwayonda inkarin Apudyus we Ama we isun ni imbagana ḵan dida si awe.

Acts 15:8

Aḵ Apudyus we angigammu si awad atte somsomoḵ da tagu, impailanae inawatna da Gentil we namati si nangattana'tte Ispiritu Santu ḵan didae isun ni nangattana ḵan ditaḵu.

Acts 5:32

Diḵani da anaḵdoḻ atta sana ya sa Ispiritu Santu we innatod Apudyus atta anuttuwa ḵan siya.”

1 Corinthians 1:6

Te napanoḵnoḵan atte pammatiyu intuttuduni ḵan diḵayu si mipanggob ḵan Kristu,

Hebrews 2:4

Ḵad aḵ Apudyus we mismu pinanoḵnoḵana si tuttudunae tuttuwa gapu si nangittana si sinyal ni ḵabooḻana ya da nansabasabali ye miraculu. Ḵad innatodna'tta namati ḵabooḻane iwaḻas ni Ispiritu Santu sigun atte piniona.

Revelation 22:1

Pun impailan ni anghel ḵan saḵon tawwange maḻpuwan ni danume angitod si biyag. Sa annae tawwang, sumilisilinge isunan kristal ḵad maḻpu'tte tronon Apudyus ya sa Ubbu we Karnero.