John 15:21 - Sa Ugud Apudyus

²¹ Yaḵon ḵoonda da anna ḵan diḵayu gapu ḵan saḵon te naippun igammuda si nangibuun ḵan saḵon.

John 15:21 ပူးပေါင်းရင်းမြစ်များ

Matthew 10:18

Gapu'tte pammatiyu ḵan saḵon, midaḻum ḵayu'tta gobernor ya da ari ta panoḵnoḵanyu Ambaḻu we Damag ḵan dida ya da Gentil.

Matthew 10:22

Ḵad sasangngaan os diḵayu'tta losane tagu gapu si pammatiyu ḵan saḵon. Yaḵon ngaimane angiyattom atta losane ampaḵaḻaman ya gogomgomana pammatina, matagu'ḵ inggana.

Matthew 10:39

Te ngaimane angipatog atte long-agna, matoy pos pagay. Yaḵon sa angiḵatoy atte pammatina ḵan saḵon, itton Apudyus ḵan siya biyag aḵ inggana.”

Matthew 24:9

“Sa umali ye aḻgaw, doḵmaanda diḵayu ya ampaḵaḻamon ḵan gongatonda diḵayu. Ḵad sasangngaan os diḵayu'tta losane tagu gapu si pammatiyu ḵan saḵon.

Matthew 5:11

Pian ḵayu nu potogonda diḵayu ya ampaḵaḻamon diḵayu ḵan an-ugudan diḵayu'ḵ lawweng gapu'tte pammatiyu ḵan saḵon.

Mark 13:13

Sasangngaan os diḵayu'tta losane tagu gapu ḵan saḵon. Yaḵon ngaimane angiyattom atta losane ampaḵaḻaman ya gogomgomana pammatina, matagu'ḵ inggana.”

Luke 21:12

“Yaḵon sa daan da sadi maḵwaan, doḵmaanda ḵan ampaḵaḻamon diḵayu. Idaḻumda diḵayu'tta sinagoga ḵad ibaḻudda diḵayu. Gapu si pammatiyu ḵan saḵon, iyoyda diḵayu'tta ari ya da gobernor.

Luke 21:17

Ḵad sasangngaan os diḵayu'tta losane tagu gapu ḵan saḵon.

Luke 6:22

Pian ḵayu nu sasangngaan diḵayu'tta tagu, ya nu laḵsigonda diḵayu, potogonda diḵayu, ya am-amsewonda diḵayu gapu'tte pammatiyu ḵan saḵone Abeng Di Tagu.

John 15:24

Naippun oḵyan maḵabasuḻanda nu adiḵ ḵingwa da nakaskasdaawe naippun maḵaḵwa. Yaḵon sinsadi ye innilada, sasangngaanda diḵani ḵan Amaḵ.

John 16:3

Ḵoonda ḵaḵna ḵan diḵayu te adidapun inigammu'ḵ Amaḵ baḵon nu saḵon.”

John 17:25

“Naun-unane Ama, da tagu we adipun namati adidapun inigammu siḵa yaḵon inigammuḵ siḵa ya da disipuluḵ igammudae siḵa nangibuun ḵan saḵon.

John 8:19

Pun ḵanandae nan-imus, “Dinu ḵad ain aḵ Amam?” Ḵanan Jesus, “Naippun igammuyu ḵan saḵon baḵon nu aḵ Amaḵ. Nu igammuyu oḵyan saḵon, igammuyu bos aḵ Amaḵ.”

John 8:54

Ḵanan Jesus, “Nu saḵone mismu angidayaw si long-agḵu, naippun anun ni dayawḵu. Yaḵon siya angidayaw ḵan saḵon aḵ Amaḵ we ngannonyu Apudyusyu.

John 8:55

Ippun igammuyu ḵan siya. Yaḵon igammuḵ. Nu ḵanaḵe naippun igammuḵ ḵan siya, tuliyanaḵe isuyu. Yaḵon tuttuwae igammuḵ ya tuttuwaoḵ da ugudona.

Acts 17:23

te nanggaḵayaḵ ḵad atte siyudad, innilaḵ da lugar we andaydayawanyu'tta adu we sinan-apudyus. Indasaḵ os altar we nagiliyan atte ḵaḵnae ugude ḵanana, ‘Para si apudyus we ippun angigammu.’ Sa sanate daydayawonyu we taḵon ay ippun igammuyu, siya sanae ipaigammuḵ ḵan diḵayu.

Acts 26:9

“Taḵon ay saḵon atte awe, simsimmoḵḵu we ḵasapuḻane iggaḵ ḵabooḻaḵe sumullagi'tta namati ḵan Jesus we iNazareth.

Acts 3:17

“Susunude ganaḵ Israel inigammuḵe gingngatyu ḵad aḵ Jesus, ippun igammuyu nu ngai'ḵ siya taḵon ay da papangatyu ippun os igammuda.

Acts 4:17

Yaḵon sa ḵoon taḵu ta adida ogon iyasaḵ atta tagu, ḵoḻḵogon taḵu dida ta adida pagapagatupane angug-uggud atta tagu si mipanggob si ngadan Jesus.”

Acts 5:41

Tinenan ḵad da apostol da ḵuḵunsisaḻ, amod de layadda te imbelang Apudyus didae labbongdae mapaḵaḻam ḵan mibabbain gapu ḵan Jesus.

Acts 9:14

Ḵad annae ummali sinae naittan aḵ ḵaḻabbongane naḻpu'tta papangat da papadi ta andoḵma'tta losane anḵodaw aḵ ḵadagu ḵan Apu.”

Acts 9:16

Ipailaḵ ḵan siya ummamdane ampaḵaḻamanae asina laḵ-amon mipagapu'tte ngadanḵu.”

Romans 1:28

Gapu'tte adidapun namigbigan ḵan Apudyus, iwwaḻangna dida ta iturayan da lawwenge somsomoḵda dida ta ḵoonda da baḻangnae daḵampun oḵyan aḵ maḵwa.

1 Corinthians 15:34

Pabaḻuwonyu ḵappos da somsomoḵyu ta iwaḻangyu we bumasuḻ. Te awad da udum ḵan diḵayu we ippun igammuda ḵan Apudyus. Ibagaḵ anna ta mabainan ḵayu.

1 Corinthians 2:8

Naippun naḵaawat atta pangat si sanae timpu. Te nu naawatanda oḵyan, adidapun impaipattoḻ ḵangatuwane Apu atte kros.

2 Thessalonians 1:8

Ḵad dusaona'tte apuy ta bumaḻos atta adipun angigammu ḵan Apudyus ya da adipun tumuttuwa gapu si adidapun amatiyan atte Ambaḻu we Damag mipanggob ḵan Jesus we Apu taḵu.

1 John 3:1

Somsomḵon taḵu ḵad mipanggob si ḵapatog ni ayat Apudyus we Ama ḵan ditaḵu te gapu'tte sanae nakaskasdaawe ayat, imbelangna ditaḵu'ḵ abengna ḵad tuttuwae abengna ditaḵu. Yaḵon da adipun amati, adidapun bigbigone abeng Apudyus ditaḵu te adidapun os binigbig aḵ Apudyus we Ama taḵu.

3 John 1:7

Te ummoyda ta iwaḻagawagda mipanggob ḵan Apu Jesus woḵ adidapun inawat badange naḻpu'tta adipun namati.

Revelation 2:3

Igammuḵ ḵinaanusyu we angiyattom atta ampaḵaḻamanyu gapu ḵan saḵon ya adiḵayupun maayong.