John 15:15 - Sa Ugud Apudyus

¹⁵ Adiḵpun ogon diḵayu ngadanon aḵ sammilu te sa sammilu naippun igammuna'tte ḵoon ni apuna. Yaḵon ngadanoḵ diḵayu buḻbuḻunḵu te da losane dingngoḻḵu ḵan Amaḵ impaigammuḵ ḵan diḵayu.

John 15:15 ပူးပေါင်းရင်းမြစ်များ

Matthew 13:11

Ḵanan Jesus, “Diḵayu ḵad, nipaigammu da banage adipun nipaigammu si awe mipanggob atte ampangatan Apudyus. Yaḵon ḵan dida, adinapun impaigammu.

Luke 10:23

Pune sadi, nansagung atta disipuluna ta tuttuduwana didae abus. Ḵanana, “Diḵayu ḵad, pian ḵayu te lamogyu ilan da ḵooḵ.

John 12:26

Ngaimane anserbi ḵan saḵon, ḵasapuḻane tun-udonaḵ ya dinumane inggawaḵ, siya bos inggawan ni sammiluḵ. Ngaimane anserbi ḵan saḵon, dayawon Amaḵ.”

John 13:16

Ibagaḵ ḵan diḵayu ḵatuttuwaan, naippun sammilu'ḵ nangatngatu nu sa apuna. Ḵad naippun mibuun aḵ nangatngatu nu sa nangibuun ḵan siya.

John 15:20

Sosomḵonyu da imbagaḵ ḵan diḵayu, naippun sammilu'ḵ nangatngatu nu sa apuna. Nu nampaḵaḻamonaḵ, ampaḵaḻamonda bos diḵayu. Ḵad nu tuttuwaonda da ugudḵu, tuttuwaonda bos da ugudonyu.

John 16:12

“Adu oḵyan da ibagaḵ ḵan diḵayu yaḵon adiyupun lamog maawatan sinsadi.

John 17:26

Impaigammuḵ ḵan dida ḵabooḻam ya pagatupaḵe angipaigammu ḵan siḵa ta sa ayatnu ḵan saḵon awad ḵan dida ya awadaḵ ḵan dida.”

John 20:17

Ḵanan Jesus, “Adim yan onnan saḵon te daanaḵpun mipauli ḵan Amaḵ. Yaḵon inḵa'tta susunudḵu we namati ya ibagam ḵan didae mipauliyaḵ ḵan Amaḵ we Amayu ya Apudyusḵu we Apudyusyu.”

John 4:19

Ḵanan ni bubai, “Apu, igammuḵe profetaḵa.

John 8:26

Adu ibagaḵ ḵan ipabasuḻḵu mipanggob ḵan diḵayu yaḵon sa nangibuun ḵan saḵon tuttuwa ya da dingngoḻḵu ḵan siya, dida da ibagabagaḵ atta tagu si annae lubung.”

Acts 20:27

Te impaigammuḵ ḵan diḵayu da losane pinion Apudyus.

Romans 7:15

Adiḵpun maawatan da mismu we ḵooḵ te sa ambaḻu we pioḵ ḵoon, sadi adiḵpun ḵoon. Yaḵon sa sasangngaaḵ ḵoon, sadi da ḵooḵ.

1 Corinthians 2:16

Te sa ḵanan ni nigili ye Ugud Apudyus, “Awad ḵamman angigammu si ḵasomsomḵan Apu ta bagbagaana?” Yaḵon anna somsomoḵ Kristu ḵan ditaḵu.

Galatians 4:6

Gapu ta abeng Apudyus ditaḵu, imbuunna Ispirituna we inkarin ni Abengna ta iinggaw ḵan ditaḵu. Ḵad gapu'tte Ispirituna, Ama usaron taḵu we angawag ḵan Apudyus si alluwaḻuwan taḵu ḵan siya.

Ephesians 1:9

Ḵad allaylayade nangipaigammu ḵan ditaḵu si pinionae adipun nipaigammu si awe ye asi mituttuwa ḵan Kristu.

Ephesians 3:5

Naippun nangigammu si anna'tte awe yaḵon sinsana, impaigammun ni Ispiritu Santu ḵan diḵani ye apostol ya da profetanae pinilina'ḵ anserbi ḵan siya.

Colossians 1:26

Sa annae ugudnae impaigammuḵ ḵan diḵayu, adipun nipaigammu'tte awe taḵon ay ngai ye tagu. Yaḵon simsimmoḵ Apudyus we ipaigammuna sinsadi ḵan ditaḵu we tagunae nidoga taḵu we Gentil. Ḵad sana ambaḻu ḵan nakaskasdaawe impaigammun Apudyus. Iinggaw aḵ Kristu ḵan diḵayu, pun siya namnamaonyu we midog-anyu si ḵabaḻuwane antatagu ḵan Apudyus ad langit.

Philemon 1:16

Yaḵon inggana sinsadi, daḵampun ogon aḵ musassu lawa, nu adi amo napatpatog nu sa musassu. Siya ampatoge sunud ḵan Apu Jesus. Amo ampatog ḵan saḵon! Ḵad amo dallu we napatpatog ḵan siḵa sinsadi ye musassum ḵan sunudnu ḵan Apu.

James 1:1

Kumusta ḵayu? Saḵon aḵ James we sammilun Apudyus ya aḵ Apu Jesu Kristu. Annaya suḻatḵu'tta Judyu we namati ye naas-asipaḻaḵ atta udume ili.

James 2:23

Pun nituttuwa nigili ye Ugud Apudyus we ḵanana, “Pinatin Abraham aḵ Apudyus, pun imbelangna'ḵ naun-unan” woḵ nangngadan aḵ buḻbuḻun Apudyus.

1 Peter 1:11

Inniggada ḵabooḻandae an-imus nu ḵamaan ni maḵwaana ya ngai inonae mituttuwa, impaigammun ni Ispiritun Kristu ḵan dida mipanggob atte ampaḵaḻamana ya madayawana'tte ampangatana.

2 Peter 1:1

Saḵon aḵ Simon Peter we osa'tta apostol Jesu Kristu we anserbi ḵan siya. Annaya bos suḻatḵu ḵan diḵayu we innattan Apudyus aḵ pammati ye ippun nisabaliyana si pammatini mipagapu si naun-unan Jesu Kristu we Apudyus taḵu ya Anagu ḵan ditaḵu.

Jude 1:1

Saḵon aḵ Jude we sammilun Jesu Kristu ya sunud James. Annaya suḻatḵu ḵan diḵayu we napili ya ay-ayaton Apudyus we Ama ya sinaḻaḵnibana inggana si mipauliyan Jesu Kristu.

Revelation 1:1

Saḵon aḵ John we nangigili si annae iblu atta banage impaigammun Jesu Kristu we ḵasapuḻane madam-an maḵwa. Aḵ Apudyus nangipaigammu ḵan siya ta ipaigammuna bos atta tagu we anserbi ḵan siya. Pun imbuun Kristu anghelna aḵ angipaigammu ḵan saḵone sammiluna.