John 14:26 - Sa Ugud Apudyus

²⁶ Yaḵon sa bumadange ibuun Amaḵ, siya Ispiritu Santu we angiyugud ḵan saḵon. Ituttuduna ḵan diḵayu da losan ya paiḵagasmoḵna ḵan diḵayu da losane imbagaḵ.

John 14:26 ပူးပေါင်းရင်းမြစ်များ

Matthew 1:18

Annaya ug-uggud ni niyanaḵan Jesu Kristu. Sa inanae aḵ Mary, nantuḻagdae an-asawada ḵan Joseph. Yaḵon sa daanda an-asaw-an, nabugi'ḵ Mary mipagapu si ḵabooḻan ni Ispiritu Santu.

Matthew 1:20

Sinomsomoḵna ḵad mipanggob si sana, baag-en nampaila ḵan siya anghel Apudyus si in-inop woḵ ḵanana, “Siḵa Joseph we ganaḵ Ari David, adiḵa maḵimute angiḵamboḻoy ḵan Mary te sa bugina mipagapu si ḵabooḻan ni Ispiritu Santu.

Matthew 28:19

Pun inḵayu'tta losane tagu'tta losane ili ya ambalinonyu dida'ḵ disipuluḵ. Annaya inonyu we angwa'ḵ disipulu. Bonyaganyu dida mipagapu'tte ḵaḻabbongan Apudyus we Ama ya Apudyus we Abeng ya Apudyus we Ispiritu Santu.

Matthew 3:11

“Bonyagaḵ diḵayu'tte danum aḵ angipailae nambabawi ḵayu'tta basuḻyu ya agayyu we angwa. Yaḵon sa dumatonge miyun-unud ḵan saḵon, bonyagana diḵayu si Ispiritu Santu ya sa apuy. Nangatngatu nu saḵon ya gapu si ḵinangatuna, naippun labbongḵu we angaptin atte sandalna.

Mark 12:36

Te aḵ Ari David we mismu ngannona'ḵ Kristu Apuḵ. Te sa imbagana, impaspasmoḵ ni Ispiritu Santu ḵan siyae ḵanana, “ ‘Ḵanan Apudyus atte Apuḵ: Tumuḵduḵa'tte madawinanḵu inggana'ḵ oḻgoḵ da ḵabusuḻnu.’ ”

Mark 13:11

Ḵad nu sumaḻyaonda diḵayu, adi ḵayu ambinsaw atta isongbatyu yaḵon ibagayu da ngaimane mipaigammu ḵan diḵayu si sadi ye timpu. Te daḵampun ḵan diḵayu maḻpuwan ni ibagayu yaḵon sa Ispiritu Santu.

Luke 1:15

te ampatog atte antotollong Apudyus. Adipun oḵyan uminum aḵ bayas ya da udume bumartek. Taḵon ay sissiyaana'tte buwang inana, inggaw ḵabooḻan ni Ispiritu Santu ḵan siya.

Luke 1:35

Ḵanan ni anghel, “Umali Ispiritu Santu ḵan siḵa ḵad mabugiḵa gapu si ḵabooḻan ni Ḵangatuwane Apudyus. Ḵade sadi mibuḵnag ngannonda nasantuwane Abeng Apudyus.

Luke 1:41

Dingngoḻ ḵad Elizabeth gingan Mary, nanggidu abeng atte buwangna. Pun ummoy ḵabooḻan ni Ispiritu Santu ḵan Elizabeth

Luke 1:67

Pune sadi, aḵ Zechariah we aman John, ummoy ḵabooḻan ni Ispiritu Santu ḵan siya woḵ impaigammuna sanae Ugud Apudyus. Ḵanana,

Luke 11:13

Pun diḵayu we ḵabasbassuḻan, igammuyu we angitod si ambaḻu'tta abengyu, maguḻaman aḵ Amayu'd langit adina itton Ispiritu Santu atta anḵodaw ḵan siya?” Sana mungimung ni tutttudun Jesus mipanggob atte luwaḻu.

Luke 2:25

Inninggaw maḻmaḻong-ag ad Jerusalem we nangngadan aḵ Simeon. Naun-unane tagu te tinuttuwana Lintog Apudyus ya naapudyusan. Ḵad iinggaw Ispiritu Santu ḵan siya. Nabayage uuwayona dumaḵngan ni Anagu atta ganaḵ Israel.

Luke 24:49

Ḵad saḵone mismu angibuun si inkarin Amaḵ ḵan diḵayu. Yaḵon ḵasapuḻane uwayonyu sina'd Jerusalem inggana'ḵ awatonyu ḵabooḻane maḻpu'd langit.”

Luke 3:22

Pun dummoḻa Ispiritu Santu we isunan kalapati woḵ nansap-oy ḵan siya. Ḵanan ni gingae naḻpu'd langit, “Siḵa Abengḵu we ay-ayatoḵ ya masmas-omaḵ ḵan siḵa.”

John 12:16

Adimpun da disipulun Jesus naawatan da sadi ye naḵwa. Yaḵon nipauli ḵad aḵ Jesus ta midayaw ad langit, inḵagasmoḵdae da naḵwa ḵan siya dida da nituttuwaan ni nigili'tte Ugud Apudyus.

John 14:16

Ḵad ḵodawoḵ ḵan Amaḵ ta angibuun aḵ Bumadang ḵan diḵayu. Siya Ispiritu Santu we inggaw ḵan diḵayu'ḵ inggana.

John 14:25

“Imbagaḵ da sana si sissiyaaḵ ḵan diḵayu.

John 15:26

Ḵanan Jesus atta disipuluna, “Ibuunḵu Ispiritu Santu we siya Bumadang ḵan diḵayu we maḻpu ḵan Apudyus we Ama. Sa Ispiritu Santu angituttudu'tte ḵatuttuwaan ya taḵdoḻana mipanggob ḵan saḵon.

John 16:7

Yaḵon ibagaḵ ḵan diḵayu ḵatuttuwaan, bumaḻuwanyu nu iyyaḵon te nu adiyaḵ umoyon, adipun umali Bumadang ḵan diḵayu. Yaḵon nu iyyaḵon, ibuunḵu ḵan diḵayu.

John 2:22

Pun ummuli ḵad aḵ Jesus, inḵagasmoḵ da disipuluna sanae imbagana. Pun namatida si nigili ye Ugud Apudyus mipanggob ḵan siya ya tuttuwa da imbagan Jesus.

John 20:22

Imbagana ḵad sana, sinap-uyana dida woḵ ḵanana, “Awatonyu Ispiritu Santu.

John 6:45

Te ḵanan ni inggilin da profeta si awe, ‘Tuttuduwan Apudyus da losane tagu.’ Ḵad ngaimane andongoḻ ya an-adaḻ ḵan Amaḵ, dida da umali ḵan saḵon.

John 7:39

Siya inugud Jesus mipanggob si Ispiritu Santu we awaton da amati ḵan siya. Yaḵon daampun maatod ḵan dida te daampun mipauli'ḵ Jesus ta midayaw ad langit.

Acts 1:2

inggana si aḻgawe nipangatuwana'd langit. Yaḵon sa daanna mipangatuwan ad langit, innatodna bilinna mipagapu'tte Ispiritu Santu atta apostol we pinilina.

Acts 1:4

Sa inninggawana ḵan dida, binilin Jesus dida ta adida tenan ad Jerusalem yaḵon uwayonda inkarin Apudyus we Ama we isun ni imbagana ḵan dida si awe.

Acts 1:8

Yaḵon nu umali Ispiritu Santu ḵan diḵayu, maittan ḵayu'tte ḵabooḻan Apudyus ta iwaḻagawagyu mipanggob ḵan saḵon sina'd Jerusalem ya da adu we ili'tta probinsiya'd Judea ḵan Samaria ya sa intero we lubung.”

Acts 11:16

Pun inḵagasmoḵḵu imbagan Apu Jesus si awe ye ḵanana, ‘Binonyagan John diḵayu'tte danum yaḵon diḵayu ḵad, mabonyagan ḵayu'tte Ispiritu Santu.’

Acts 13:2

Sin-aḻgawan ḵad atte nandaydayawanda ḵan Apudyus ya sa nallaunanda, ḵanan ni Ispiritu Santu ḵan dida, “Dutuḵanyu da Barnabas ḵan Saul. Dida piniliḵ aḵ angwa'tta ḵewaaḻ te siya nangayagaḵ ḵan dida.”

Acts 13:4

Pune sadi, imbuun ni Ispiritu Santu dida woḵ ummoyda'd Seleucia si inggawan da bapur woḵ inggana sidi nalluganda si bapur we umoy ad Cyprus.

Acts 15:28

Te sa pionni ye ibaga ḵan diḵayu, siya bos pion ni Ispiritu Santu te impaspasmoḵna ḵan diḵani ye umadini ampaḵaḻamon diḵayu gapu'tte ipatutni ye unudonyu da ugalini. Abus da annae bilin aḵ ḵasapuḻane tuttuwaonyu.

Acts 15:8

Aḵ Apudyus we angigammu si awad atte somsomoḵ da tagu, impailanae inawatna da Gentil we namati si nangattana'tte Ispiritu Santu ḵan didae isun ni nangattana ḵan ditaḵu.

Acts 16:6

Pun ummoy da Paul atte probinsiya'd Phrygia ya sa probinsiya'd Galatia te adimpun ni Ispiritu Santu iyyunud didae umoy angiwaḻagawag atte Ugud Apudyus si probinsiya'd Asia.

Acts 2:33

Nipangatu'ḵ Jesus atte madawinan Apudyus woḵ innatod Amana ḵan siya ḵaḻabbongane angitod ḵan diḵani si Ispiritu Santu we inkarina ya imbuunna ḵan diḵani ta ilanyu ḵan dongngonyu da ḵingwan ni Ispiritu Santu.

Acts 2:4

Pune sadi, ummoy ḵabooḻan ni Ispiritu Santu ḵan dida woḵ insaḻaddae an-ugud atta nansabasabali ye ugude adidapun inadaḻe impaibagan ni Ispiritu ḵan dida.

Acts 20:28

“Pun ummanyu ayyuwanan da long-agyu ya da losane tagu we ipaayyuwan ni Ispiritu Santu ḵan diḵayu te sanat biyangyu we angipangpangu. Ayyuwananyu we ustu da magimugimunge namati ḵan Apudyus te sinubutna dida si daḻan ni mismu we abengna.

Acts 20:35

Sana pasigḵu ḵingwa ta awad unudonyu te ḵasapuḻane pumangog taḵu we anḵewaaḻ ta awad ibadang atta anḵasapuḻ, sosomḵonyu imbagan Apu Jesus we ḵanana, ‘Amo pian angitod nu sa an-awat.’ ”

Acts 28:25

Pun ummoyonda, nanggogwada ya nansosongbatda. Yaḵon sa daanda ayonan, iyyanungus Paul ḵanane, “Tuttuwa pagay impaigilin ni Ispiritu Santu ḵan Profeta Isaiah mipanggob atta danaḵḵoḻ taḵu we ḵanana,

Acts 5:3

Yaḵon ḵanan Peter, “Ananias, ngaipam iyunude aḵ Satan anḵewaaḻ atte somsomoḵnu ya nantultulliḵa si Ispiritu Santu atte nangitaḻuwam si udume bayad ni lutayu?

Acts 7:51

Pinagatupan Stephen woḵ ḵanana, “Diḵayu we tummungitong! Isuyun pagano we adipun amati ḵan Apudyus ya tuḻtuḻḻongonyu ḵatuttuwaan. Isuyu bos da danaḵḵoḻyu we pasigda sullagiyon Ispiritu Santu.

Acts 7:55

Yaḵon aḵ Stephen, naittan atte ḵabooḻan ni Ispiritu Santu woḵ nantangad ad langit. Pun innilana ḵinapaddan Apudyus ya aḵ Jesus we sisiḵad atte madawinanna.

Romans 14:17

Te sa ampangatan Apudyus atta taguna, daḵampun aḵ ampatog ḵanon taḵu ḵan inumon taḵu. Yaḵon sa ampatog, ḵoona ditaḵu'ḵ maun-unan, sa allin-awaan taḵu'tta sin-ossaossa ya sa laylayad taḵu we maḻpu si Ispiritu Santu.

Romans 15:13

Iluwaḻuḵ ḵan Apudyus we maḻpuwan ni namnama taḵu ta ittona ḵan diḵayu amode layad ḵan lin-awan da somsomoḵyu gapu si namatiyanyu ta pumigsa namnamayu mipagapu si ḵabooḻan ni Ispiritu Santu.

Romans 15:16

ta anserbiyaḵ ḵan Jesu Kristu si antuttuduwaḵ atta Gentil. Anserbiyaḵe isun di padi atte angiwaḻagawagaḵ si Ambaḻu we Damag we naḻpu ḵan Apudyus ta ambalin da Gentil aḵ datune mas-oman Apudyus te intotoḵḵon ni Ispiritu Santu dida'ḵ taguna.

Romans 5:5

Ḵad nu awad namnama taḵu, aditaḵupun oḵyan madismaya te impailan Apudyus amode ayatna para ḵan ditaḵu mipagapu'tte Ispiritu Santu we innatodna ḵan ditaḵu.

1 Corinthians 12:3

Pun pioḵe maawatanyu we sa tagu we idaḻan ni Ispiritu Santu adipun an-aḻawag mipanggob ḵan Jesus. Ḵad naippun os tagu'ḵ ḵananae angibaga, “Aḵ Jesus siya Apu,” nu adin ni Ispiritu Santu idaḻan.

1 Corinthians 6:19

Adiyupun ḵamman igammu we sa long-ag taḵu templon ni Ispiritu Santu we innattod Apudyus aḵ iinggaw ḵan ditaḵu? Daḵampun aḵ ḵuwa taḵu long-ag taḵu te ḵuwan Apudyus,

2 Corinthians 13:14

Awad oḵyan ḵan diḵayu losan ḵinabaḻu we maḻpu ḵan Apu Jesu Kristu ya sa ayat Apudyus ya sa niyossaanan ni Ispiritu Santu.

2 Corinthians 6:6

Ipailani anserbiyanni ḵan Apudyus gapu'tte ampoḻḵase antataguni'tte nangigammuwanni si ḵatuttuwaan, gapu'tte ḵinaanusni'tta nampaḵaḻamanni. Mipaila bos ḵabooḻanni ye itton ni Ispiritu Santu ya sa gattoḵe ayatni'tta asintataguni.

Ephesians 1:13

Ḵad diḵayu bose niyossaan ḵan Kristu, dingngoḻyu ḵad ḵatuttuwaane Ugudna we sa Ambaḻu we Damag mipanggob atte mataguwanyu, namati ḵayu ḵan Kristu woḵ namaḻḵaan ḵayu si Ispiritu Santu we inkarina.

Ephesians 1:17

Ḵad ḵodaḵodawoḵ si madaydayawe Ama taḵu we Apudyus ḵan aman Apu taḵu we Jesu Kristu mipagapu si Ispiritu Santu we ittona oḵyan ḵan diḵayu ḵinalaing ḵan ipaigammuna mipanggob ḵan siya.

Ephesians 4:30

Ḵad adi ḵayu oḵyan angwa'ḵ lawweng aḵ adin ni Ispiritu Santu andadauyan te sanat innatod Apudyus we isun di maḻḵae taguna diḵayu. Ḵad sadi angipaigammu we subutona diḵayu si umali ye aḻgaw.

1 Thessalonians 4:8

Pun da ngaimane angidiyan atte annae bilin, daḵampun aḵ tagu idiyanna yaḵon aḵ Apudyus we nangitod atte Ispiritu Santu ḵan diḵayu.

2 Timothy 1:14

Mipagapu'tte ḵabooḻan ni Ispiritu Santu we iinggaw ḵan ditaḵu, ayyuwaname ustu ampatoge tuttudu we intaḻgod Apudyus ḵan siḵa.

Titus 3:5

tinaguna ditaḵu. Daḵampun aḵ gapu'tta naun-unane ḵingwa taḵu nataguwan taḵu, nu adi gapu si ḵummadaguwana. Tinaguna ditaḵu'tte namapoḻḵasana'tta basuḻ taḵu ḵad isun di niyanaḵ taḵu ḵasin ya naittan taḵu'ḵ baru we biyag gapu'tte ḵabooḻan ni Ispiritu Santu.

Hebrews 10:15

Ḵad sa Ispiritu Santu tinaḵdoḻana ditaḵu. Ummunae ḵanana,

Hebrews 2:4

Ḵad aḵ Apudyus we mismu pinanoḵnoḵana si tuttudunae tuttuwa gapu si nangittana si sinyal ni ḵabooḻana ya da nansabasabali ye miraculu. Ḵad innatodna'tta namati ḵabooḻane iwaḻas ni Ispiritu Santu sigun atte piniona.

Hebrews 3:7

Pun ḵanan ni Ispiritu Santu, “Sinsadi ye aḻgaw, nu dongngonyu Ugudna,

Hebrews 9:8

Ḵad gapu'tte sana, impaigammun ni Ispiritu Santu we adipun maḵwae lumnoḵ tagu si Ḵasantuwane kuwartu we igaw Apudyus, nu sissiyae mausar umunae kuwartun ni tulda.

1 Peter 1:12

Ḵad impaigammun Apudyus atta profetanae da sanae imbagada, daḵampun aḵ bumaḻuwanda yaḵon sa bumaḻuwanyu. Te sadi bos imbagabagan da nangiwaḻagawag sinsadi si Ambaḻu we Damag ḵan diḵayu mipagapu si Ispiritu Santu we nibuune naḻpu'd langit. Sana da banage taḵon ay da anghel, pionda maawatane ustu.

2 Peter 1:21

Te naippun nipadtu'ḵ naḻpu si pinion ni tagu yaḵon indaḻan ni Ispiritu Santu didae nangibagabaga si ugude naḻpu ḵan Apudyus.

1 John 2:20

Yaḵon awad ḵan diḵayu Ispiritu Santu we innatod Kristu, siya gapunae igammuyu losan ḵatuttuwaan.

1 John 2:27

Yaḵon sa Ispiritu Santu we inawatyu, siya iinggaw ḵan diḵayu, pun daḵampun aḵ ḵasapuḻane awad angituttudu ḵan diḵayu mipanggob si ḵatuttuwaan. Yaḵon sa Ispiritu Santu angituttudu ḵan diḵayu'tta losane ḵatuttuwaan ya ippun tuli'ḵ ituttuduna. Pun unudonyu da intuttuduna ḵan diḵayu ta iinggaw ḵayu ḵan Kristu.

Jude 1:20

Yaḵon ḵan diḵayu we ay-ayatoḵe buḻbuḻun, papigsaonyu da pammatiyu ḵan Apudyus. Ḵad alluwaḻu ḵayu'tte ḵabooḻan ni Ispiritu Santu.

Revelation 2:11

“ ‘Diḵayu we naingaan, andongoḻ ḵayu si ibagan ni Ispiritu Santu atta gimung da namati. Da tagu we angngog si lawweng, adidapun midoga'tte dusa'ḵ inggana'tte ḵumagwae matoyan da tagu.’ ”