John 14:19 - Sa Ugud Apudyus

¹⁹ Sin-aḵitan ya da tagu we adipun amati naippun ogon ilanda ḵan saḵon yaḵon diḵayu asiyu ilan saḵon. Te mataguwaḵ ḵasin ya matagu ḵayu bos.

John 14:19 ပူးပေါင်းရင်းမြစ်များ

John 11:25

Ḵanan Jesus, “Saḵon anagu ḵasin atta natoy ya angitod atte biyag aḵ inggana. Ḵad ngaimane amati ḵan saḵon, taḵon ay nu matoy, matagu'ḵ inggana.

John 12:35

Ḵanan Jesus we nangipani, “Sin-aḵitan inggawan ni silaw ḵan diḵayu. Pun ummanyu we anaddaḻan si annaan ni silaw ḵan diḵayu ta adi ḵayu magiḵbotan. Te sa anoḻwap, ippun igammuna'tte ḵapnona.

John 13:33

“Aabengḵu, sin-aḵitan inggawaḵ ḵan diḵayu. Ḵad singtonyu saḵon ya sa imbagaḵ atta Judyu, sinsadi annae ibagaḵ ḵan diḵayu we sa annae ayaḵ, adiḵayupun maḵaali.

John 14:6

Ḵanan Jesus, “Saḵon daḻan, ḵatuttuwaan ḵan biyag. Naippun maḵaoy ḵan Amaḵ nu adi angoy ḵan saḵon.

John 16:16

Pinagatupan Jesus we nan-ugud atta disipuluna woḵ ḵanana, “Sin-aḵitan ya adiyupun ogon ilan saḵon ḵad sin-aḵitan os ya ilanyu saḵon.”

John 16:22

Pun isuna bos ḵan diḵayu te andadauy ḵayu sinsadi. Yaḵon sa umali ye aḻgaw, an-asiila taḵu ḵasin ḵad anggangganas ḵayu ya naippun ḵallamog angaan atte layadyu.

John 6:40

te sa pinion Amaḵ, losane angimatune saḵon Abengna ya amati ḵan saḵon, maittanda si biyag aḵ inggana. Ḵad pauliyoḵ dida taguwon si anungus ni aḻgaw.”

John 7:33

Ḵanan Jesus ḵan dida, “Sin-aḵitan inggawaḵ ḵan diḵayu ya mipauliyaḵ atte nangibuun ḵan saḵon.

John 8:21

Ḵanan os Jesus ḵasin, “Iyyaḵon ya asiyu sington saḵon. Yaḵon adiḵayupun maḵaali si ayaḵ te matoy ḵayu we adipun napakawan da basuḻyu.”

Acts 10:41

Daḵampun aḵ nampaila'tta losane tagu yaḵon ḵan diḵani ye pinilin Apudyus aḵ anaḵdoḻ ḵan siya, naḵaḵan ḵan naḵainum ḵani ḵan siya si nagangput ummuliyana.

Romans 5:10

Sa awe sissiyae ḵabusuḻ taḵu'ḵ Apudyus. Yaḵon sinsadi, nipaḻ-og naḵabuḻbuḻunan taḵu ḵan siya mipagapu'tte natoyan Jesu Kristu we abengna. Gapu ta buḻbuḻunna ditaḵu, amo dallu we taguwona ditaḵu gapu si ummuliyana.

Romans 8:34

Ngai ḵad ain maḵwae angoddong ḵan ditaḵu'ḵ madusa? Naippun te aḵ Jesu Kristu natoy woḵ ummuli. Pun siya tutuḵdu si madawinan Apudyus we maḵapangat ya angiyugud ḵan ditaḵu.

1 Corinthians 15:20

Yaḵon sa ḵatuttuwaan, tuttuwae ummuli'ḵ Kristu we siya ḵaunaane ummuli'tta losane natoy. Ḵad sadi amanoḵnoḵe losane amati ḵan siya, umulida.

1 Corinthians 15:45

Te sa nigili ye Ugud Apudyus ḵanana, “Sa ummunae tagu we aḵ Adam, innattan Apudyus aḵ biyag,” yaḵon aḵ Jesu Kristu we maawagan aḵ naudi ye Adam, siya Ispiritu we angitod si naispirituwane biyage ippun anungusna.

Hebrews 7:25

Pun sadi gapunae maḵwae taguwona si losane timpu da umadani ḵan Apudyus mipagapu ḵan siya te siya matattagu'ḵ ingganae angiyugud ḵan ditaḵu si sinagung Apudyus.

Revelation 20:4

Pun innilaḵ da tummuḵdu'tta trono we naittan aḵ ḵaḻabbongane anḵuwis. Innilaḵ os da ḵalidodwan da nagongat gapu'tte nangitaḵdoḻanda'tte mipanggob ḵan Jesus ya sa nangiwaḻagawaganda si Ugud Apudyus. Dida da adipun nandaydayaw atte ḵaog-ogyate ayam ya sa sinan-ayame ḵais-isuna. Adidapun os impamaḻḵa da ḵidayda baḵon nu da imada. Nataguda bos ḵasin woḵ nidogada ḵan Kristu we nampangat si sillibu we tawon.