John 14:11 - Sa Ugud Apudyus

¹¹ Pun patiyonyu we awadaḵ ḵan Amaḵ ya awad aḵ Amaḵ ḵan saḵon. Nu adiyupun patiyon imbagaḵ, patiyonyu oḵyan gapu'tta ḵingwaḵe nakaskasdaaw.

John 14:11 ပူးပေါင်းရင်းမြစ်များ

John 10:25

Ḵanan Jesus, “Ginangputḵu imbaga ḵan diḵayu yaḵon adiḵayupun amati. Da ḵewaaḻe ḵooḵ atte ḵaḻabbongan Amaḵ, dida anaḵdoḻ nu ngaiyaḵ.

John 10:32

Yaḵon ḵanan Jesus, “Impailaḵ da adu we ambaḻu ḵan diḵayu we impaḵwan Amaḵ. Ngai'tta anna gapunae batuwonaḵ?”

John 10:38

Yaḵon nu ḵooḵ dida, taḵon ay nu adiyu saḵon patiyon, patiyonyu oḵyan da ḵooḵ ta igammuwonyu ya maawatanyu we sa Ama awad ḵan saḵon ya awadaḵ os ḵan siya.”

John 14:10

Adimpun ḵamman patiyone awadaḵ ḵan Amaḵ ya awad aḵ Amaḵ ḵan saḵon? Sa imbagaḵ ḵan diḵayu, daḵampun aḵ ugudoḵ si ḵuwaḵe ḵaḻabbongan yaḵon sa Ama we iinggaw ḵan saḵon, ḵoona da ḵewaaḻna.

John 14:20

Sa sadi ye aḻgaw, igammuwonyu we awadaḵ ḵan Amaḵ ya awad ḵayu ḵan saḵon ya awadaḵ ḵan diḵayu.

John 5:36

Yaḵon awad de anaḵdoḻ ḵan saḵone nangatngatu nu aḵ John. Te da ḵooḵe impaḵwan Amaḵ, sana da anaḵdoḻe saḵon imbuunna.

Acts 2:22

Pinagatupan Peter woḵ ḵanana, “Susunude ganaḵ Israel, dongngonyu annae ibagaḵ ḵan diḵayu. Aḵ Jesus we iNazareth, pinanoḵnoḵan Apudyus ḵan diḵayu we imbuunna mipagapu'tta nakaskasdaaw ya da sinyale ḵingwan Apudyus ḵan diḵayu mipagapu ḵan siyae iniiggammuyu.

Hebrews 2:4

Ḵad aḵ Apudyus we mismu pinanoḵnoḵana si tuttudunae tuttuwa gapu si nangittana si sinyal ni ḵabooḻana ya da nansabasabali ye miraculu. Ḵad innatodna'tta namati ḵabooḻane iwaḻas ni Ispiritu Santu sigun atte piniona.