John 13:31 - Sa Ugud Apudyus

³¹ Nalismud ḵad aḵ Judas, ḵanan Jesus, “Sinsadi midayaw Abeng Di Tagu ya mipagapu ḵan siya midayaw aḵ Apudyus.

John 13:31 ပူးပေါင်းရင်းမြစ်များ

Matthew 8:20

Ḵanan Jesus we summongbat, “Da mutit awad da lunguge inggawanda ya da sissiwit awad os da suḵbutda. Yaḵon saḵon ḵade Abeng Di Tagu we naḻpu'd langite niyanaḵ sina'd luta, naippun boḻoyku'ḵ iyyaḵ masuyopan.”

Luke 12:50

Yaḵon umunae ampaḵapaḵaḻamaḵ ya amod dadauyḵu inggana'ḵ magangput.

John 11:4

Dingngoḻ ḵad Jesus ḵanana, “Sa sanate saḵit, daḵampun aḵ miḵatoy yaḵon ambanag si midayawan Apudyus ta sa Abeng Apudyus midayaw gapu'tte sanat.”

John 12:23

Ḵanan Jesus, “Saḵone Abeng Di Tagu, dummatong timpu we midayawaḵ.

John 12:28

Pun ḵanana ḵan Apudyus, “Ama, ipailam ḵinadayawnu.” Pun inninggaw gingae naḻpu'd langite ḵanana, “Impailaḵ ḵinadayawḵu ḵad asiḵ os ipaila ḵasin.”

John 14:13

Ḵad ngaimane ḵodawonyu mipagapu'tte ḵaḻabbongaḵ, ḵooḵ ta midayaw Ama mipagapu'tte Abeng.

John 16:14

Ḵad padayawana saḵon te da losane maḻpu si somsomoḵḵu, dida ipaigammuna ḵan diḵayu.

John 7:39

Siya inugud Jesus mipanggob si Ispiritu Santu we awaton da amati ḵan siya. Yaḵon daampun maatod ḵan dida te daampun mipauli'ḵ Jesus ta midayaw ad langit.

Acts 2:36

“Pun ipaigammuḵ ḵan diḵayu we losane ganaḵ Israel we aḵ Jesus we impattoḻyu'tte kros, pinilin Apudyus aḵ Apu ya Kristu.”

Acts 3:13

Daḵampun ḵan diḵani yaḵon sa Apudyus da Abraham, Isaac, Jacob ya da losane danaḵḵoḻ taḵu. Siya namataddaḻan si laḻaḵi ta maila ḵinaapudyus Jesus we nanserbi ḵan siya si annae lubung. Aḵ Jesus, siya impuḻangyu'tta papangat ya indiyanyu si sinagung Gobernor Pilate atte simsimmoḵnae piona puḵayan.

2 Corinthians 3:18

Pun losan ḵan ditaḵu we namati, daḵampun aḵ isu taḵu'ḵ Moses we natalingdan bosaḻna yaḵon ipaila taḵu we isun di ladawan dayaw ḵan ḵabooḻan Apu ya patilayune mabaliwan taḵu bumaḻu inggana'ḵ miyisu taḵu ḵan siya. Te aḵ Apu we sa Ispiritu Santu amagatupe amabaru ḵan amabaḻu ḵan ditaḵu.

Ephesians 1:12

ta mipagapu ḵan diḵani ye ummun-una nannamnama ḵan Kristu, madaydayaw ḵinaapudyusna.

Ephesians 2:7

Ḵingwan Apudyus da sana ta ipailana'tte losane timpu ummamdane ḵinabaḻuna ya an-anggom ḵan ditaḵu mipagapu ḵan Jesu Kristu.

Ephesians 3:10

Sadi panggob Apudyus we mipagapu ḵan ditaḵu we namati, igammuwon da losane adipun mailae ampangat ya anna ḵabooḻanda ḵinalaing Apudyus we nipaila si nansabasabali ye inon.

Philippians 2:11

Ḵananda losan, aḵ Jesu Kristu Apu. Ḵad sadi midaydayawan Apudyus we Ama.

1 Peter 1:21

Mipagapu ḵan siya, antaḻgod ḵayu ḵan Apudyus we nanagu ḵasin ya nangipangatu ḵan siya. Ta sa pammatiyu ḵan namnamayu awad ḵan Apudyus.

1 Peter 2:12

Ḵasapuḻane unudonyu ambaḻu we antatagu ta taḵon ay nu ḵanan da adipun amati ye lawweng da ḵoonyu nu ilanda da ambaḻu we ḵoonyu, idayawda'ḵ Apudyus atte umaliyana.

1 Peter 4:11

Sa innattan Apudyus aḵ ḵabooḻane angiwaḻagawag, ḵasapuḻane sosomḵonae siya iwaḻagawagna Ugud Apudyus. Sa naittan aḵ ḵabooḻane anserbi'tta buḻunna, ḵasapuḻane anserbi ye usarona pigsae itton Apudyus ḵan siya ta da losane banage ḵoonyu, midaydayaw aḵ Apudyus mipagapu ḵan Jesu Kristu. Siya madaydayaw ḵan maḵabooḻe ampangat aḵ inggainggana. Amen.