John 13:18 - Sa Ugud Apudyus

¹⁸ “Daḵampun aḵ ugudoḵe diḵayu losan te igammuḵ da piniliḵ. Yaḵon ḵasapuḻane mituttuwa Ugud Apudyus we ḵanana, ‘Sa ḵaubungḵu, siya angituyuḵ ḵan saḵon.’

John 13:18 ပူးပေါင်းရင်းမြစ်များ

Matthew 10:36

Ḵad sa ḵabusuḻ ni osae tagu, da mismu we ḵabaḻyanna.

Matthew 26:21

Sa sadi ye angananda, ḵanan Jesus, “Ibagaḵ ḵan diḵayu ḵatuttuwaan, awad ḵan diḵayu osae angituyuḵ ḵan saḵon.”

Matthew 26:23

Ḵanan Jesus we summongbat, “Sa naḵasawsaw ḵan saḵon si tinapay atte maḻuḵung, siya angituyuḵ ḵan saḵon.

Mark 14:17

Lummabi ḵad, ummoy da Jesus ya da disipuluna'tte sadi ye boḻoy.

Mark 14:18

Sa anḵaḵaḵananda ḵanan Jesus, “Ibagaḵ ḵan diḵayu ḵatuttuwaan, awad de osa ḵan diḵayu we maḵaḵane angituyuḵ ḵan saḵon.”

Mark 14:20

Ḵanana, “Osa ḵan diḵayu we nasawaḻan aḵ duwa, sa maḵasawsaw ḵan saḵon atte tinapay si annae maḻuḵung.

Luke 22:21

“Yaḵon ibagaḵ ḵan diḵayu we sa angituyuḵ ḵan saḵon, awad sinsadi ye maḵaḵan ḵan ditaḵu.

John 13:21

Inabus ḵad Jesus imbaga da anna, an-aalimuun woḵ panoḵnoḵana'tta disipuluna ḵanane, “Ibagaḵ ḵan diḵayu ḵatuttuwaan, osa ḵan diḵayu angituyuḵ ḵan saḵon.”

John 13:22

Nan-asitollong da disipuluna te naippun igammuda nu ngai ḵan dida.

John 13:26

Ḵanan Jesus, “Sa angittaḵ atte isawsawḵu we tinapay, siya.” Pun insawsawna ḵad innatodna ḵan Judas Iscariot we abeng Simon.

John 15:16

Daḵampun aḵ diḵayu namili ḵan saḵon yaḵon saḵon namili ḵan diḵayu. Ḵad dinutuḵaḵ diḵayu'ḵ umoy amunga'ḵ adu ya annanayun oḵyan bungayu. Ta ngaimane ḵodawonyu ḵan Amaḵ mipagapu'tte ḵaḻabbongaḵ, ittona.

John 15:19

Nu isuyu da tagu we adipun amati, ayatonda diḵayu. Yaḵon gapu ta piniliḵ diḵayu'ḵ amati, sadi gapunae sasangngaan diḵayu.

John 15:25

Maḵwa sana ta mituttuwa nigili si lintogdae ḵanana, ‘Sasangngaanda saḵone ippun gapuna.’ ”

John 17:12

Sa inninggawaḵ ḵan dida, inayyuwanaḵ dida mipagapu'tte ḵabooḻame innatodnu ḵan saḵon. Naippun nataḻaḵ ḵan dida abus sadi ye tagu we naḵoddongan aḵ mataḻaḵ ta mituttuwa nigili ye Ugud Apudyus.

John 18:32

Naḵwa da anna ta mituttuwa imbagan Jesus si mipanggob atte inonae matoy.

John 19:24

Pun ḵananda, “Umadi taḵu pissayon ta ambubbunut taḵu nu ngai anginḵuwa.” Naḵwa da anna ta mituttuwa nigili ye Ugud Apudyus we ḵanana, “Nambisbisaḵanda silupḵu ya nambubbunutda nu ngai anginḵuwa si osae silupḵu.” Ḵaḵna ḵingwan da suḻdadu.

John 19:36

Ḵad naḵwa da sana ta mituttuwa nigili ye Ugud Apudyus we ḵanana, “Naippun ossaan aḵ maptod atta tung-aḻna.”

John 21:17

Pun impiḵlun Jesus ḵanan ḵan siya, “Simon we abeng John, ay-ayatom pagay saḵon?” Pun nasuḻsuḻdung aḵ Peter te piḵlunae nangimus ḵan siya we ḵanana, “Ay-ayatom pagay saḵon?” Ḵanan Peter, “Apu, igammum da losan. Ḵad igammume ay-ayatoḵ siḵa.” Ḵanan Jesus ḵasin, “Ayyuwanam da karneroḵ.

John 6:70

Pun ḵanan Jesus, “Daḵampun ḵamman aḵ saḵon namili ḵan diḵayu we nasawaḻan aḵ duwa? Yaḵon awad pagay osa ḵan diḵayu we dimunyu.”

Acts 1:16

“Susunud ḵan Kristu, ḵasapuḻane mituttuwa Ugud Apudyus we impaigilin ni Ispiritu Santu ḵan Ari David si awe mipanggob si maḵwa ḵan Judas we nangipuyut atta nanoḵma ḵan Jesus.

Acts 1:2

inggana si aḻgawe nipangatuwana'd langit. Yaḵon sa daanna mipangatuwan ad langit, innatodna bilinna mipagapu'tte Ispiritu Santu atta apostol we pinilina.

2 Corinthians 4:5

Te daḵampun aḵ sa mipanggob atta long-agni iwwaḻagawagni yaḵon sa mipanggob ḵan Jesu Kristu we Apu. Ḵad anserbi ḵani ḵan diḵayu gapu ḵan Jesus.

Hebrews 4:13

Naippun mitaḻu ḵan Apudyus te losane ḵingwana ampataḵda si antotollongna. Ḵad songbatan taḵu ḵan siya da losane ḵingwa taḵu.

Revelation 2:23

Gongatoḵ os da angunud ḵan siya. Ḵad siya angigammuwan da losane gimung da namati ḵan saḵone tuttuwae angigammu'tte awad atta somsomoḵ ḵan pusun da tagu. Ḵad gungunaaḵ sin-ossaossa ḵan diḵayu sigun atta ḵingwayu.