John 12:43 - Sa Ugud Apudyus

⁴³ Te pipionda anayawan da tagu ḵan dida nu sa anayawan Apudyus ḵan dida.

John 12:43 ပူးပေါင်းရင်းမြစ်များ

Matthew 6:2

“Pun nu awad ibadangnu si anḵasapuḻe tagu, adim umoy ipalapalawag ḵingwame ambaḻu, isun ni ḵoon da ḵapappaila'tta sinagoga ya da ḵaḻsa. Ḵoonda da sana ta midayawanda'tta tagu. Ibagaḵ ḵan diḵayu ḵatuttuwaan, nagagangpute inawatda da gungunada.

Luke 16:15

Pun ḵanan Jesus ḵan dida, “Diḵayu ḵad, ambalinonyu long-agyu'ḵ naun-unan si antotollong da tagu yaḵon iniiggammun Apudyus da somsomoḵyu. Ummanyu te sa ibelang da tagu we ampatog, lawwelawweng atte antotollong Apudyus.

Luke 19:17

Ḵanan ni Ari, ‘Ambaḻu ḵingwam. Ambaḻuḵae sammilu. Gapu ta mataḻgodanḵa'tte aḵite intaḻgodḵu ḵan siḵa, ampangatoḵ siḵa'tta simpuḻu we siyudad.’

John 12:26

Ngaimane anserbi ḵan saḵon, ḵasapuḻane tun-udonaḵ ya dinumane inggawaḵ, siya bos inggawan ni sammiluḵ. Ngaimane anserbi ḵan saḵon, dayawon Amaḵ.”

John 5:41

“Adiḵpun pion dayawe maḻpu'tta tagu,

John 5:44

Ngai inonyu we amati nu siya pionyu an-asidayaw ḵayu ḵad adiyupun sington dayawe maḻpu si ossaane Apudyus?

John 7:18

Sa tagu we antuttudu we maḻpu si somsomoḵna, siya singtona midayawana. Yaḵon sa tagu we siya singtona dayaw ni nangibuun ḵan siya, pasige ustu ya tuttuwa da ibagana.

John 8:54

Ḵanan Jesus, “Nu saḵone mismu angidayaw si long-agḵu, naippun anun ni dayawḵu. Yaḵon siya angidayaw ḵan saḵon aḵ Amaḵ we ngannonyu Apudyusyu.

Romans 2:29

Te sa tuttuwae Judyu, sa tagu we binaliwan Apudyus. Daḵampun si nasogyatana yaḵon sa nabaliwan ni ḵinatataguna. Yaḵon daḵampun si nigili ye lintog namaliw ḵan siya yaḵon sa ḵewaaḻ ni Ispiritu Santu. Daḵampun aḵ tagu angidayaw ḵan siya yaḵon aḵ Apudyus.

Romans 2:7

Da tagu we angipapati angwa'tta ambaḻu ta madayawanda, mapatganda ya mataguda'd langit aḵ inggainggana ya dida angittan Apudyus si biyag aḵ inggana.

1 Corinthians 4:5

Pun adiyu ḵuwison da asintataguyu'tte daampun timpuna. Uwayonyu ustu we timpu we dumaḵngan Apu ta siya anḵuwis. Te siya angitoḵwaḻ atta losane mitataḻu ya siya bos angipaigammu si panggob da pusuda. Sanat timpu we asin Apudyus padayawan tagu sigun atta ambaḻu we ḵingwana.

2 Corinthians 10:18

Te sa tuttuwae awaton Apudyus, daḵampun aḵ sa angiyisḵaḻ si long-agna yaḵon sa iyisḵaḻ Apudyus.

1 Thessalonians 2:6

Ḵad daḵampun aḵ singtonni dayawe maḻpu'tta tagu, diḵayu baḵon nu da udum taḵon ay nu ḵaḻabbonganni oḵyane ḵodawonni dayaw baḵon nu da masapuḻni ḵan diḵayu te diḵani da apostol Kristu.

1 Peter 3:4

yaḵon mibatay oḵyan si awad atte somsomoḵyu we adipun maila ya adipun ḵumupas. Te sa ḵinabaḻu we ampatopatog atte antotollong Apudyus, siya ḵinaanggom ḵan allin-awae somsomoḵ.