John 12:36 - Sa Ugud Apudyus

³⁶ Sa annaan ni silaw ḵan diḵayu, amati ḵayu atte silaw ta ambalin ḵayu'ḵ tagun ni silaw.” Naabus ḵade imbagan Jesus anna, tinenana dida woḵ adipun ogon nampappaila.

John 12:36 ပူးပေါင်းရင်းမြစ်များ

Matthew 21:17

Pun tinenan Jesus dida woḵ ummoy ummiyan ad Bethany.

Matthew 5:14

“Diḵayu bos isun di silawe allangḻang atte somsomoḵ da tagu si lubung. Isuyu ili ye inggaw si tuḵtuḵ ni belege daḵampun aḵ natalingdan.

Luke 16:8

“Inigammun ḵad ni apuna, intaḻayagna sanae adipun mataḻgodane anḵeḵewwaaḻona si ḵinalaingnae namnammoḵ si iḵataguna. Te tuttuwae da tagu we adipun namati, nalaingdae angwa'tta inondae maḵaug-uggud atta udume tagu we isuna didae adipun nasilawan da somsomoḵda.

John 1:7

Ummali ta taḵdoḻana mipanggob si sadi ye silaw ta mipagapu ḵan siya amati oḵyan da losane tagu.

John 11:54

Pun adipun ogon aḵ Jesus umoy ampaila'tte maḻamaḻang atta Judyu yaḵon ummoy atte ili'd Ephraim we adani si bumbummaaw. Naḵaigaw sidi atta disipuluna.

John 12:37

Taḵon ay nu adu da nakaskasdaawe sinyale impailan Jesus ḵan dida, sissiyae adidapun amati ḵan siya,

John 12:46

Ummaliyaḵ atte annae lubung aḵ isun di silaw ta ngaimane amati ḵan saḵon, adidapun iinggaw atte giḵbot.

John 3:21

Yaḵon da angunud atte ḵatuttuwaan, umadanida'tte silaw ta mamaḵ-ilae aḵ Apudyus maḻpuwan ni angwaanda'tta ambaḻu we ḵoonda.

John 8:12

Ḵasin ḵad aḵ Jesus nan-ug-uggud atta adu we tagu ḵananae nangipani, “Saḵon silaw da tagu si annae lubung. Ḵad ngaimane angunud ḵan saḵon, adipun ogon inggaw atte giḵbot te nasilawan somsomoḵna ya maatod ḵan siya biyag aḵ inggana.”

John 8:59

Dingngoḻ ḵad ay da Judyu, nangaḻada'ḵ batu ta batuwonda yaḵon nantaḻu'ḵ Jesus woḵ lummawa si paway ni templo.

Ephesians 5:8

Te diḵayu ḵad, isun di anggiḵbot somsomoḵyu si awe yaḵon sinsana nasilawanda gapu si niyossaananyu ḵan Apu. Pun matagu ḵayu oḵyane isun da tagu we iinggaw atte padda.

1 Thessalonians 5:5

Te nambalin taḵu'ḵ abeng ni padda baḵon nu aḻgaw, daḵampun ogon aḵ anna taḵu si labi baḵon nu pongot.

1 Thessalonians 5:8

Yaḵon gapu ta ditaḵu ḵuwan ni aḻgaw, naannad taḵu oḵyan. Isu taḵu oḵyan suḻdadu we angiḵabot atta saḻaḵnib ni long-agna nu maḵagubat atte ḵabusuḻna. Sa pammati taḵu ḵan ayat taḵu saḻaḵnib da baḻuḵung taḵu. Ḵad sa helmet we saḻaḵnib ni uḻu taḵu, siya namnama taḵu'tte mataguwan taḵu.