John 12:35 - Sa Ugud Apudyus

³⁵ Ḵanan Jesus we nangipani, “Sin-aḵitan inggawan ni silaw ḵan diḵayu. Pun ummanyu we anaddaḻan si annaan ni silaw ḵan diḵayu ta adi ḵayu magiḵbotan. Te sa anoḻwap, ippun igammuna'tte ḵapnona.

John 12:35 ပူးပေါင်းရင်းမြစ်များ

Luke 18:37

Ḵanandae summongbat, “Annae lumaus aḵ Jesus we iNazareth.”

John 11:10

Yaḵon nu labi anaddaḻanan ni tagu, misaballut te anggiḵbot.”

John 11:9

Ḵanan Jesus, “Daḵampun ḵamman aḵ nasawaḻan aḵ duwae oras sin-aḻgaw? Nu anaddaḻan tagu si aḻgaw, adipun misaballut te ampadda.

John 12:36

Sa annaan ni silaw ḵan diḵayu, amati ḵayu atte silaw ta ambalin ḵayu'ḵ tagun ni silaw.” Naabus ḵade imbagan Jesus anna, tinenana dida woḵ adipun ogon nampappaila.

John 12:46

Ummaliyaḵ atte annae lubung aḵ isun di silaw ta ngaimane amati ḵan saḵon, adidapun iinggaw atte giḵbot.

John 16:16

Pinagatupan Jesus we nan-ugud atta disipuluna woḵ ḵanana, “Sin-aḵitan ya adiyupun ogon ilan saḵon ḵad sin-aḵitan os ya ilanyu saḵon.”

John 7:33

Ḵanan Jesus ḵan dida, “Sin-aḵitan inggawaḵ ḵan diḵayu ya mipauliyaḵ atte nangibuun ḵan saḵon.

John 8:12

Ḵasin ḵad aḵ Jesus nan-ug-uggud atta adu we tagu ḵananae nangipani, “Saḵon silaw da tagu si annae lubung. Ḵad ngaimane angunud ḵan saḵon, adipun ogon inggaw atte giḵbot te nasilawan somsomoḵna ya maatod ḵan siya biyag aḵ inggana.”

2 Corinthians 3:14

Isun di tummungitong da somsomoḵda. Taḵon ay sinsadi nu basaonda lintog Moses atte Dadaane Tuḻag, adidapun maawatan. Te adipun maḵaan anatallingod atta somsomoḵda nu adida amati ḵan Kristu.

Galatians 6:10

Pun nu mawayaan taḵu pagatupan taḵu we angwa si ambaḻu'tta losane tagu, amod ay da susunud taḵu we namati.

Ephesians 5:8

Te diḵayu ḵad, isun di anggiḵbot somsomoḵyu si awe yaḵon sinsana nasilawanda gapu si niyossaananyu ḵan Apu. Pun matagu ḵayu oḵyane isun da tagu we iinggaw atte padda.