John 12:34 - Sa Ugud Apudyus

³⁴ Pun ḵanan da amode tagu, “Sa igammuni'tte lintog taḵu, aḵ Kristu matagu'ḵ inggana. Pun ngai inonae ḵaname ḵasapuḻane mipangatu Abeng Di Tagu? Ngai ḵad ain annae Abeng Di Tagu?”

John 12:34 ပူးပေါင်းရင်းမြစ်များ

Matthew 16:13

Dummatong ḵad da Jesus atte saḵub ni Caesarea Philippi, ḵanana'tta disipuluna, “Ngaiyaḵe Abeng Di Tagu atte ḵasomsomḵan da tagu?”

Matthew 21:10

Dummatongda ḵad ad Jerusalem, nagulu da losane tagu sidi woḵ ḵananda, “Ngai anna?”

Matthew 8:20

Ḵanan Jesus we summongbat, “Da mutit awad da lunguge inggawanda ya da sissiwit awad os da suḵbutda. Yaḵon saḵon ḵade Abeng Di Tagu we naḻpu'd langite niyanaḵ sina'd luta, naippun boḻoyku'ḵ iyyaḵ masuyopan.”

John 10:34

Ḵanan Jesus, “Daḵampun ḵamman aḵ sa nigili si lintogyu, ‘Imbagaḵe Apudyus ḵayu?’

John 12:32

Yaḵon nu mipangatuwaḵ atte annae luta, paadaniyoḵ da losane tagu ḵan saḵon.”

John 15:25

Maḵwa sana ta mituttuwa nigili si lintogdae ḵanana, ‘Sasangngaanda saḵone ippun gapuna.’ ”

John 8:28

Pun ḵanan Jesus, “Magangput ḵade itaḻayagyu saḵone Abeng Di Tagu atte kros, sadi angigammuwanyu we saḵone mismu sadi. Ḵad sadi bos angigammuwanyu we daḵampun aḵ buttungaḵ da losane ḵooḵ yaḵon da intuttudun Amaḵ da losane ibagaḵ.

Romans 3:19

Igammu taḵu we sa Ugud Apudyus we nigili'tte awe naatod ḵan ditaḵu we Judyu we anuttuwa si lintogna. Pun adipun maḵwae awad angibaga ḵanane naippun basuḻna. Te losane tagu sumangu ḵan Apudyus we maḵuwis.

Romans 5:18

Losane tagu madusa gapu'tte basuḻ ni osae tagu. Yaḵon gapu'tte naun-unane ḵingwan Kristu si natoyana para ḵan ditaḵu, sa ambanagana losane tagu aḵ Apudyus angwa si maun-unanda ya awad ḵan dida biyag aḵ inggana.

Hebrews 7:24

Yaḵon aḵ Jesus matattagu'ḵ inggana, ḵad sissiya ḵinapadina'ḵ inggana.