John 12:27 - Sa Ugud Apudyus

²⁷ Pinagatupan Jesus woḵ ḵanana, “Sinsadi, an-aalimuunaḵ. Ngai nin ay ibagaḵ? Ama, iligsiyaḵ sinsadi ye oras. Naid te siya ummaliyaḵ ḵasapuḻane ampaḵaḻamaḵ sinsadi ye oras.”

John 12:27 ပူးပေါင်းရင်းမြစ်များ

Matthew 11:25

Sa sadi ye timpu, ḵanan Jesus we nalluwaḻu, “Ama, ipangatam da losan sina'd luta ya ad langit. Anggappiyaaḵ ḵan siḵa te adimpun impaigammu ḵatuttuwaan atta nalalaing ḵan naadaḻane tagu, siya nangipaigammuwam da napakumbaba ya da antaḻgode isudan abeng.

Matthew 11:26

On, ḵingwam ḵaḵna te siya piniom.”

Matthew 26:42

Pun ummoy os ḵasin aḵ Jesus nalluwaḻu woḵ ḵanana, “Ama, nu ḵasapuḻane maḵwa ḵan saḵon da sanae ampaḵaḻamaḵ, sa piniom maḵwa.”

Matthew 26:45

Nipauli ḵad, ḵanana ḵan dida, “Na! Ngaipa ḵayu gay sissiyae masusuyop ḵan umiillong! Dummatong timpu we inḵoddong Apudyus we saḵone Abeng Di Tagu, mipuḻangaḵ atta ḵabasbassuḻan.

Luke 22:44

Ḵad gapu'tte ummamdane ampaḵaḻamana, pummangoge nalluwaḻu woḵ sa lingotna isunan daḻae nantottod si luta.

Luke 22:53

Inaḻgawe inninggawaḵ ḵan diḵayu'tte paway ni templo we antuttudu, adiyupun saḵon dinoḵmaan. Yaḵon sinsadi, annae dummatong timpuyu we inḵoddong Apudyus ya dummatong os timpun Satan we angipangat atte giḵbot.”

John 11:41

Pune sadi, ḵinaanda batu. Ḵanan Jesus we nantangad, “Ama, anggappiyaaḵ ḵan siḵa te dingngoḻnu saḵon.

John 12:23

Ḵanan Jesus, “Saḵone Abeng Di Tagu, dummatong timpu we midayawaḵ.

John 13:21

Inabus ḵad Jesus imbaga da anna, an-aalimuun woḵ panoḵnoḵana'tta disipuluna ḵanane, “Ibagaḵ ḵan diḵayu ḵatuttuwaan, osa ḵan diḵayu angituyuḵ ḵan saḵon.”

John 18:37

Ḵanan os Pilate, “Pun siḵa Ari?” Summongbat aḵ Jesus woḵ ḵanana, “Tuttuwa sadi ye ḵanam. Te niyanaḵaḵ ya ummaliyaḵ si annae lubung ta taḵdoḻaḵ ḵatuttuwaan. Ḵad da ngaimane angipatog atte ḵatuttuwaan, tuttuwaonda da ibagaḵ.”

1 Timothy 1:15

Sana tuttuwae tuttudu ya labbongnae patiyon da losane tagu: Ummali'ḵ Jesu Kristu atte lubung ta taguwona da ḵabasbassuḻan. Saḵon ḵapaatan ḵan dida.

Hebrews 2:14

Gapu ta tagu da annae abeng Apudyus we maḵwae matoy, nambalin aḵ Jesus aḵ tagu we isuda. Ḵingwana sana ta mipagapu si matoyana, oḻgona'ḵ Satan we anna ḵabooḻana si ḵatoy

Hebrews 5:7

Sa inninggawan Jesus si annae lubung, indangsoḻna iyyibile nalluwaḻu ḵan nanḵodaw ḵan Apudyus we ḵallamog anagu ḵan siya si ḵatoy. Pun dingngoḻ Apudyus luwaḻuna te tummuttuwa ya impakumbabana long-agna.