John 12:20 - Sa Ugud Apudyus

²⁰ Inninggaw os da udume Gentil we ummoy nandayaw ḵan Apudyus atte gayagaya'd Jerusalem.

John 12:20 ပူးပေါင်းရင်းမြစ်များ

Mark 7:26

woḵ nandagdagu ḵan siya ta paḻyawona oḵyan aḻan atte abengna. Sa bubai ye sadi, niyanaḵ ad Phoenicia we saḵubna'd Syria ya sa ugudna ḵad Grineek.

John 12:1

Anna ḵad onom aḻgaw ya asiyot Gayagayan da Judyu we ngannonda Nallausan, ummoy da Jesus ad Bethany ye sa ilin Lazarus we tinagun Jesus.

John 12:19

Pun ḵanan da Pharisee, “Ilanyu ḵad, ippun botlon taḵu te siya unudon da losane tagu si lubung.”

John 7:35

Ḵanan da Judyu we nan-asiimus, “Dinu ayanae aditaḵupun maḵaodas ḵan siya? Umoy ḵamman nin atta adayu we ilin da Gentil we igaw da naas-asipaḻaḵe Judyu ya antuttudu'tta Gentil?

Acts 14:1

Ḵaḵna naḵwa'd Iconium. Ummoy da Paul ḵan Barnabas atte sinagoga woḵ aduadu da Judyu ḵan Gentil we namati gapu ta ambaḻu inondae nangiwaḻagawag.

Acts 16:1

Ummoy os da Paul ḵan Silas ad Derbe ya ad Lystra. Sidi inninggawan Timothy ye osae namati. Namati bos inanae Judyu yaḵon Gentil amana.

Acts 17:4

Naawis da udume Judyu, pun nidogada ḵan da Paul ḵan Silas. Nidoga bos da adu we Gentil we nandaydayaw ḵan Apudyus ya da mabigbige bubai.

Acts 20:21

Binagbagaaḵ os da dogaḵe Judyu ya da Gentil we ḵasapuḻane ibabawida da basuḻda ya agaydae angwa ta umadanida ḵan Apudyus ya amatida ḵan Jesu Kristu we Apu taḵu.

Acts 21:28

pun ḵanandae simbobogga, “Diḵayu we ganaḵ Israel, bumadang ḵayu! Annaya tagu we ummoy nangituttudu'tta losane tagu'tta ḵinailin di ili ye sumullagi ḵan ditaḵu we Judyu, sa lintog taḵu ya sa templo. Ḵad amo ummoyna ḵinaissawan templo taḵu te inniyoyna da udume Gentil sidi.”

Acts 8:27

Pun nallibbat aḵ Philip we ummoy. Inggaw pun si daḻan inabotna nangatu we opisyale iyEthiopia we siya angayyuwan atta losane binaḵnang ni Candace we Queen ad Ethiopia. Ummoy nandayaw ḵan Apudyus ad Jerusalem.

Romans 1:16

Adiḵpun ibaine angiwaḻagawag atte Ambaḻu we Damag te siya Ugud Apudyus we maḵabooḻ anagu'tta losane amati, umuna'tta Judyu ya asiyot da Gentil.

Romans 10:12

Te naippun laḵsigon Apudyus taḵon ay Judyu baḵon nu Gentil te aḵ Jesu Kristu abus aḵ Apu taḵu we amindisyun atta losane anḵodaw aḵ ḵadagu ḵan Apu.

Galatians 2:3

Taḵon ay aḵ Titus we buḻunḵu we Gentil, adidapun impatute ampasogyat.

Galatians 3:28

Ḵad nu ḵatti, sa antotollong Apudyus, naippun mangadanan aḵ Judyu baḵon nu Gentil, musassu baḵon nu daḵampun, laḻaḵi baḵon nu bubai te os-ossaan ḵayu gapu si niyossaananyu ḵan Jesu Kristu.

Colossians 3:11

Gapu'tta sanae ḵingwan Apudyus, an-iisuwona da losan si antotollongna, Judyu man baḵon nu da Gentil, da naadaḻan ya da adipun naadaḻan, ḵaḵḵaili ya da maaḻmot, musassu ya daḵampun aḵ musassu te aḵ Kristu ḵapatogan atta losan ya awad os atta losane namati.