John 12:13 - Sa Ugud Apudyus

¹³ Ḵingwada ḵad, nangaḻada'tta baing woḵ lummawada ta umoyda aboton. Ḵanandae nanugtug-uy, “Madaydayaw aḵ Apudyus! Madaydayaw oḵyan umali ye imbuun Apudyus we Ari taḵu we ganaḵ Israel!”

John 12:13 ပူးပေါင်းရင်းမြစ်များ

Matthew 23:39

Te ibagaḵ ḵan diḵayu we inggana sinsadi, ippun ogon ilanyu ḵan saḵon inggana'ḵ dumatong timpu we asiyu ḵanan, ‘Madaydayaw oḵyan umali ye imbuun Apudyus!’ ”

Matthew 27:42

“Tinaguna da udume tagu yaḵon adinapun lamog taguwon long-agna. Siya Arin da ganaḵ Israel, dumoḻa ud oḵyan sinsadi si sanate kros ta amati ḵani ḵan siya.

John 1:49

Pun ḵanan Nathanael, “Mistulu, siḵa Abeng Apudyus! Siḵa Ari'd Israel!”

John 12:14

Aḵ Jesus ḵad, impaidatongna ubbun ni donkey woḵ angabayuwana te ḵanan ni nigili si Ugud Apudyus,

John 12:15

“Diḵayu we tagu'd Jerusalem, adi ḵayu maḵimut te annae umali Ariyu we nangabayu'tte ubbun ni donkey.”

John 19:15

Pun ḵanandae nanugtug-uy, “Pagongatnu! Pagongatnu! Paipattoḻnu'tte kros!” Ḵanan Pilate, “Pionyu ḵammane ipattoḻḵu'tte kros ariyu?” Ḵanan da papangat da papadi, “Naippun udum aḵ arini yaḵon sa Emperor.”

Revelation 15:3

woḵ nanḵanḵantada'tte ḵantan Moses we nanserbi ḵan Apudyus si awe ya sa ḵantan os ni Ubbu we Karnero. Ḵanandae nanḵanta, “Apu we Apudyus we maḵabooḻ atta losan, nangatu ḵan nakaskasdaaw da ḵingwam. Siḵa ari'tta losane ili, naun-unan ḵan tuttuwa da losane ḵoom.

Revelation 19:16

Sa langgoyodna ya sa uḻpuna, nigili annae ngadane ḵanana, “Ḵangatuwane Ari atta losane Ari ya Ḵangatuwane Apu atta losane Apu.”

Revelation 7:9

Naabus ḵad sadi, innilaḵ os da amoamode tagu we adidapun mabelange naḻpu'tta losane ili ya da losane tribu ya da tagu we nansabasabali gingada ḵan naḻpuwanda. Sumisiḵadda'tte sinagung ni trono ya sa Ubbu we Karnero. Nampassilupda'ḵ itaḵe langgoyod ya nampaḵ-odonda'ḵ tubu we isun di baing ta angipail-anda si layadda.