John 11:55 - Sa Ugud Apudyus

⁵⁵ Madam-an ḵad de Gayagayan da Judyu we ngannonda Nallausan, summang-at da adu we tagu'd Jerusalem we naḻpu'tta probinsiya ta umoyda papoḻḵason da long-agda si daan misaḻad gayagaya.

John 11:55 ပူးပေါင်းရင်းမြစ်များ

Matthew 26:1

Naabus ḵade intuttudun Jesus losan da sana, ḵanana'tta disipuluna,

Matthew 26:2

“Igammuyu we aḵ osan ḵabigatna Gayagayan da Judyu we ngannon taḵu Nallausan. Ḵad Saḵone Abeng Di Tagu, mipuḻangaḵ ta mipattoḻaḵ atte kros.”

Mark 14:1

Duwan aḻgaw ya asiyot Gayagayan da Judyu we ngannonda Nallausan ya sa Gayagayae ngannonda Tinapaye Naippun Yeastna. Da papangat da papadi ya da mimistulun ni lintog, singsingngitda inondae anoḵma ḵan Jesus we adipun maigammu ta gongatonda.

Luke 22:1

Madam-an Gayagayan da Judyu we ngannonda Nallausan ya sa Gayagayae ngannonda Tinapaye Naippun Yeastna.

John 12:1

Anna ḵad onom aḻgaw ya asiyot Gayagayan da Judyu we ngannonda Nallausan, ummoy da Jesus ad Bethany ye sa ilin Lazarus we tinagun Jesus.

John 13:1

Madam-an ḵad Gayagayan da Judyu we ngannonda Nallausan, iniiggammun Jesus we dummatong timpu we tenana lubung ya mipauli ḵan Amana. Gapu'tte ayatna'tta taguna si lubung, ay-ayatona dida inggana'ḵ anungus.

John 18:28

Wiḵwiḵis ḵad, illawada'ḵ Jesus atte boḻoy Caiaphas woḵ inniyoyda'tte palas Gobernor Pilate. Yaḵon adipun nillumnoḵ da Judyu ta adida mibelang aḵ ḵaissaw yaḵon maḵaḵanda'tte Gayagayae ngannonda Nallausan.

John 2:13

Madam-an ḵad de Gayagayan da Judyu we ngannonda Nallausan, ummoy da Jesus ad Jerusalem.

John 2:6

Awad de ugalin da Judyu atte pumoḻḵasan. Pun inggaw sidi onome ammutu we batug di opat baḵon nu onom lataan si danum.

John 5:1

Nagangput ḵad sana, inninggaw gayagayan da Judyu'd Jerusalem woḵ ummoy aḵ Jesus.

John 6:4

Sa sadi ye timpu, madam-an Gayagayan da Judyu we ngannonda Nallausan.

Acts 21:24

Mibuḻunḵa ḵan dida si templo ta ampailaḵa si padi ḵad maḵaḵwaḵa ḵan dida si angwaanda'tte ugali ye ampapoḻḵasan. Nu magangput, bayadam da isidada ta maḵwae puluḵan ni padi dida ta angipailae naabus inkarida. Ta igammuwon da tagu we ippun ḵatuttuwaan ni dingngoḻda'tte mipanggob ḵan siḵa yaḵon sissiyae tuttuwaom lintog Moses.

Acts 21:26

Mabigat ḵad naḵaoy aḵ Paul atta sadi ye opate laḻaḵi woḵ midoga ḵan dida maḵaḵwa si ugali ye ampapoḻḵas si long-agda. Pun ummoyda si templo woḵ imbagan Paul si padi aḻgawe magangputan ni ampapoḻḵasan ḵad sadi ansidaan da sadi ye opate buḻunna si midatun ya ampapuluḵda.

Acts 24:18

Sana ḵingwaḵ atte nangdasan da Judyu we naḻpu'd Asia ḵan saḵon atte templo atte nangangputaḵ si ugali taḵu we ampapoḻḵas. Ḵad naippun adu'ḵ tagu sidi ya naippun os nanggulu!

1 Corinthians 11:28

Yaḵon awad osa ya umunae usigona oḵyan long-agna ḵad asiyot maḵwae angan atte tinapay ḵan uminum si bayas si angiḵagasmoḵana'tte natoyan Jesu Kristu.

James 4:8

Umadani ḵayu ḵan Apudyus woḵ umadani bos ḵan diḵayu. Diḵayu we ḵabasbassuḻan, papoḻḵasonyu da antataguyu ya diḵayu bose anduwaduwa, isisimoḵyu we angunud ḵan Apudyus.