John 11:26 - Sa Ugud Apudyus

²⁶ Ḵad ngaimane matagu ya amati ḵan saḵon, adipun paat matoy. Patiyom ḵamman anna?”

John 11:26 ပူးပေါင်းရင်းမြစ်များ

Matthew 26:53

Adimpun ḵamman igammu we maḵwa ampabadangaḵ ḵan Apudyus we amaḵ ḵad daguse nangibuun aḵ ḵalibulibu we anghel?

Matthew 9:28

Pinagatupan Jesus we nanaddaḻan inggana'ḵ dummatong si boḻoye ayana woḵ nillumnoḵ. Naḵaḻnoḵ os da duwae naḵuḻap. Pun ḵanana ḵan dida, “Patiyonyu ḵad aine lamogḵu ḵaanon da ḵuḻapyu?” Ḵananda, “On, Apu, patiyonni.”

Mark 9:23

Ḵanan Jesus, “Ngai ḵad ain ḵanam nu lamogḵu? Maḵwa da ngaiman si tagu we awad de pammatina ḵan Apudyus!”

John 10:28

Ittoḵ ḵan dida biyag aḵ inggana ta adidapun misina ḵan Apudyus aḵ inggana ya naippun paat maḵapuḻos ḵan dida ḵan saḵon.

John 14:10

Adimpun ḵamman patiyone awadaḵ ḵan Amaḵ ya awad aḵ Amaḵ ḵan saḵon? Sa imbagaḵ ḵan diḵayu, daḵampun aḵ ugudoḵ si ḵuwaḵe ḵaḻabbongan yaḵon sa Ama we iinggaw ḵan saḵon, ḵoona da ḵewaaḻna.

John 4:14

Yaḵon sa uminum atte danume ittoḵ, adipun ogon mauwaw. Te ambalin aḵ isunan bubune bumubus si long-agnae angitod si biyag aḵ inggana.”

John 5:24

“Ibagaḵ ḵan diḵayu ḵatuttuwaan, ngaimane amati'tta ugudḵu ya amati'tte nangibuun ḵan saḵon, awad ḵan siya biyag aḵ inggana. Adipun ogon maḵuwis te illasatna dusa woḵ awad ḵan siya biyag aḵ inggana.

John 6:47

Ibagaḵ ḵan diḵayu ḵatuttuwaan, ngaimane amati ḵan saḵon, awad ḵan siya biyag aḵ inggana.

John 9:35

Dingngoḻ ḵad Jesus we pinaḻyawda laḻaḵi, ummoyna singngit woḵ indasana. Ḵanana ḵan siya, “Amatiḵa pagay si Abeng Di Tagu?”

Romans 8:13

Te nu tuttuwaon taḵu da pipion da long-ag taḵu, matoy taḵu ḵad misina taḵu ḵan Apudyus aḵ inggana. Yaḵon nu an-awidan taḵu da pipion da long-ag taḵu mipagapu'tte ḵabooḻan ni Ispiritu Santu, matagu taḵu'ḵ inggana.